Juan 19:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca lotqai liỹa inoxonougui ñi lauo', ca' inat so Jesús, 'naaco': —¿Negue' ca chicqoira'gue? Qam so Jesús i'maqata, qaica ca ỹa'xat.

Juan 19:9 Iomraidhean Croise

Isaías 53:7

Ỹaatqajam qaiqa'viỹa'gue, qam so'maxaro'lec chi nemanachiteta, vire'ta se ỹauachigui na lap; 'ec ca qagreta llaalec qaỹauega'a ca nalauatqa', qam so'maxare i'maqatam, se ỹauachigui na lap, 'ec aca qagreta quena' qanepetec.

Mateo 26:63

Qam so Jesús se retaqa. Co'na'le, ca' so lashi na netaxaỹaxanqajanqaipi 'naaco' queso'maxare: —Soỹaxanot nagui ñi qota'olec ñí'maq nca'leetauec quiyim ỹa'ue ca nouaxanaxashichi' no'm sqai llic ca ra'qaachiqui'. Nichoxochite' no'm qami' ná'maq nashi nca'laxaqui, qami' llaalec ñi qota'olec.

Mateo 27:27

Ime, ca' saua nale' so nashi ỹauegue' so Jesús ỹaueguereu'a so lauo' lodegaxat so'maxare. Ca lapoonta' sá'ogue so nalliripi so'maxare, ca qalapoỹau'a so Jesús.

Lucas 23:9

Ca' ỹaatqajam 'xoic na lenataxanaxac, inatetac so'maxare, qam so Jesús qaica ca ỹa'xat.

Juan 18:28

Ca' so Jesús qaỹachigoxochichi'ñi yi la'a' so Caifás, ca qaỹauegueu'a yi la'a' so nashi Pilato. Qam mashic richiitegueñi, ca' so judioipi se inoxona'a yi nasoxoc so nashi, ma' ỹouetete'e quiyim napio'xot da nachaalataxac. Ma' chi no'ueenataxac dajo, ma' no'me', ca se ishit que'e queso na'ic hueetougui so na'xa'a quena' qaỹo'leente so na'xa'a quena' qoyique'e yi Egipto.

Juan 18:33

Ca' so Pilato lotqai liỹa inoxono quiñi lauo', ca roỹaxane'oga so Jesús, ca inat: —¿Qami'o' na' qami' lashi na judioipi?

Juan 18:34

Ca' so Jesús 'naaco': —¿Dajo chi renataxanaxaqui', loqo'm 'ue ca liỹa la'qaataxanaxac caỹim?

Juan 18:37

Ca' so Pilato 'naaco' queso'maxare: —¿Ca' llic quiyim ỹaatqajam qami' nashi? Ca' so Jesús 'naaco': —Ỹim nashi, chaqaida dá'maq 'ñirac. Ñanaỹa na 'laua na' ñi'qaañi, ma' sahotaque sa'xat dá'maq lliqueta. Ca ná'ogue ná'maq huelec dá'maq lliqueta, ca na'xaỹaxana dá'maq sa'xat.

Juan 19:10

Ca' so Pilato 'naaco' queso'maxare: —Ca' ¿qaica ca 'ñirac caỹim? ¿Sqa 'yiiñi'o' quiyim aỹim 'ue da iquesaxanaxa quiyim selaataxanlec quiyim qaipateno qami', chaqai seshit quiyim sosouec aqami'?

Juan 19:8

Ca co'na' 'xaỹa dajo so Pilato, ca' paguec da lqolonaxa.

Juan 8:14

Ca' so Jesús 'naaco': —Dajo ỹa'qaataxanaxac ỹaatqajam 'ue da 'negue, 'eno'm chi ña'xateteguelta'. Ma' sa'den dá'maq sachicqa'gue, chaqai cá'maq saỹa'gue. Qam qamiri sqa 'yiiñii cá'maq sachigoxogue, chaqai cá'maq saỹa'gue.

Filipenses 1:28

qaiyi se rqo'ỹoqochichii ná'maq pa'guenta'pe qamiri. Ca' dajo, ca' ỹaatqajam re'qoota quiyim na'maxare tai'a quiyim na'laañi, qam qai'neeta ichoxot dá'maq rca'laxahi. Qam dajo chicqo'ot ñi qota'a.

Jueces 13:6

Ca' aso 'aalo eec quepegue' so loua, ca' ra'qaataxana, 'naaco': —'Ue so ỹale letaxaỹaxanqajnec ñi qota'a. So'maxare quepegue' yi seueta'ñi. Ca' ỹaatqajam ỹo'uet da i'laxa, ma' so'maxare da no'ueenataxac 'nejem da no'ueenataxac na lelaatec ñi qara'gaxala' piguim le'ec. Chaqai se senat negue' so'maxare, chaqai so'maxare sqaica ca 'naapiguiỹa'.