Juan 19:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca co'na' qaiuane'ta so'maxare, ca na la'gaxalateripi na netaxaỹaxanqajanqaipi chaqai na nouaataxanyipi chaqa'ma' ỹaualqagui, 'naac: —¡Pachiñiro! ¡Pachiñiro! Ca' so Pilato 'naaco': —Viguiuec qamiri, ca' pachiñiho, ma' ỹim qaica quet cá'maq sanata lasauaxaset da'maxare.

Juan 19:6 Iomraidhean Croise

Mateo 26:58

Qam so Pedro coỹaretaho', qam qoỹoqo'chiguit, chi ỹoviretau'o' yí'maq ỹaatqajam nasoxoc só'maq paguec nashi. Ca co'na'le, ca' nqa'xanñi, huaqata'to saua nouaataxanaq lase', qaiyi ỹa'ajantac cá'maq 'neeta ma'le dajo.

Mateo 27:22

Ca' so Pilato inate'o' saua'maxare, 'naaco': —Ca ¿negue' cá'maq shinta'co' ñi Jesús ñí'maq qohinac nashi nca'laxaqui? Ca saua'maxare 'neraco': —¡Pachiñiro!

Mateo 27:24

Ca co'na' so Pilato retan quiyim qaica ca nemaq so qomyipi, ta'ta'a quiyim noquiiquetashiguim nqai'en na naỹaac, ca relaataxanaco' so huaxaỹaq, ca' quiỹo' naua lqai'laqate' qaỹa'ajantac sá'ogue. Ca 'naaco': —Ỹim sqa saỹapegueu'a ca lelauaxa dajo ỹale, ma' qaica ca lasauaxaset. Ca' chaqaiqamiri 'viiquiñitac.

Lucas 23:4

Ca' so Pilato 'naapego' so lashillipi na netaxaỹaxanqajanqaipi chaqai so qomyipi, 'naaco': —Ỹim sqaica ca sanata lasauaxaset dajo ỹale.

Juan 18:3

Ca' so Judas ỹovira'a yi'maxare. Qam 'ue so nalliripi chaqai saua nouaataxanaq lase' neloxoỹa' cañi no'ueenaxanaxaqui qanelarerec queso lashillipi na netaxaỹaxanqajanqaipi chaqai na fariseoipi. Qam ỹaatqajam naloochiguiñi na lo'goxonqateripi, chaqai ne'xateta na lcoỹeraxanqateripi.

Juan 18:31

Ca 'naaco' so Pilato: —Viguii qamiri da'maxare, ca' dohilec ná'maq naqataxaquipi hueeto'oto qamiri, ca' chaqai michii qamiri. Ca' so judioipi 'naaco': —Qam ma' qomi' judío lase' qaica ca qana'qaatec quiyim 'ue ca salauataq.

Juan 18:38

Ca' so Pilato 'naaco': —¿Chi negue' cá'maq lliqueta? Ca co'na' ime da lenataxanaxac, ca' so Pilato liỹa inoxone'oga so judioipi, ca 'naaco': —Ỹaatqajam qaica quet cá'maq sanata lasauaxaset dajo ỹale.

Juan 19:15

Qam so'maxare ỹaualqagui, 'naaco': —¡Lauachi'! ¡Lauachi'! ¡Pachiñiro! Ca' so Pilato 'naaco' queso qomyipi: —¿Negue' quet cá'maq 'neeta quiyim spateno ca rashii? Qam so la'gaxala' na netaxaỹaxanqajanqaipi 'naaco': —Qomi' qaica ca liỹa qarashi, qaiñiita ñi lashi na nashillipi na'ñi yi Roma.

Juan 19:4

Ca' so Pilato lotqai liỹa inoxone'oga so qomyipi, ca 'naaco': —Ñaqa 'ajñii, nagui ñaueguec, qaiyi ỹaatqajam 'yiiñita quiyim aỹim qaica quet cá'maq sanata lasauaxaset.

Hechos 2:23

Qam na' qoỹaanouguilo qamiri quiyim ipaquichigui nqohin dá'maq la'deenataxanaxac ñi qota'olec nallaaqo', ca' qamiri coñirii chaqai lauachii, qaipatentaho nqai'ñii queso qomyipi hualoxonyipi.

Hechos 7:52

¿Nega'ỹo' ca quesaua qota'a la'qaataxanqajanqa se qaiqa'viỹa'gue queso 'auaxaic qata'illipi? Saua'maxare ỹalauate'o' sauá'maq ỹa'xatesa'guit da loviraxac só'maq ipacqajanchigui ỹo'uet da la'qaatec ñi qota'a. Ca nagui novi' so'maxare, ca qamiri chaqai coñijlec, lauachii.