Juan 19:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' nenoxonec so Jesús neetagui na lqahic aso no'ueenata le qaipaxajta' chaqai ỹansañi saua noho naueralec da letocqa'. Co'na'le, ca 'naaco' so Pilato: —¡'Eda da ỹale!

Juan 19:5 Iomraidhean Croise

Isaías 40:9

Qami' Sión, quirishi'megue ana roto aca qa' ladocai, ỹaatqajam na'ñaxat nqai'ñi' da qavillaxaqui', ca 'qaataxañita queda no'uen na'xaỹaxac. Qami' Jerusalén, totaxan ro'chi'i', ỹaatqajam nichintegue ca ra'qaachiqui', vite la'xaỹaxague' naua na'aate' quiyi 'laua Judá, 'ñirac: ¡'Ena hueete'e ñí'maq qota'olec caqamiri!

Isaías 43:1

Qam nagui, qami' lalamaxaret so Jacob só'maq na'aamatec da Israel, ñi qara'gaxala' ñí'maq qami' lo'ueenatec 'naac: Totaxan ro'chi'i', ma' mashic shi'gue sosouec qami'; soỹaxana qami' queda qadeenaxachi', qami' ỹalamaxaret.

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Mateo 27:29

Chaqai qaipaxajta' aso le, ca' qoỹanagui na lqahic 'ec nqohin ana nashi nado'o, chaqai qaipataxagui da lqai'laxat loic aso lashilete. Co'na'le, ca' qaỹa'dooto' quen naua ne'cootal chi qai'neetac, qohinaco' quen: —¡La', qami' ná'maq qami' lashi na judioipi!

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

Juan 19:2

Ca so nouaataxanyipi ỹañigui na lqahic aso lo'ueenata le qaipaxajta', chaqai qoỹañiguilo saua noho naue' letocqa'.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.