Juan 19:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' so Pilato lotqai liỹa inoxone'oga so qomyipi, ca 'naaco': —Ñaqa 'ajñii, nagui ñaueguec, qaiyi ỹaatqajam 'yiiñita quiyim aỹim qaica quet cá'maq sanata lasauaxaset.

Juan 19:4 Iomraidhean Croise

Mateo 27:19

Ca co'na' so Pilato ñaq nqa'xantalec so lo'ueenataxanqa', ca' aso loua 'uo' so nelaro la'qaatec, 'naaco': “'Neeto' lotqai 'iisapegueu'a so ỹale huagaxaraic, ma' squepe chalego lichic so i'guemataxac sauaxat so'maxare.”

Mateo 27:24

Ca co'na' so Pilato retan quiyim qaica ca nemaq so qomyipi, ta'ta'a quiyim noquiiquetashiguim nqai'en na naỹaac, ca relaataxanaco' so huaxaỹaq, ca' quiỹo' naua lqai'laqate' qaỹa'ajantac sá'ogue. Ca 'naaco': —Ỹim sqa saỹapegueu'a ca lelauaxa dajo ỹale, ma' qaica ca lasauaxaset. Ca' chaqaiqamiri 'viiquiñitac.

Mateo 27:4

Ca 'naaco' quesaua'maxare: —Ỹim 'ue da ỹasauaxaset, ma' saañiguit da lelauaxa so ỹale qaica ca ỹasauaxat. Qam saua'maxare 'neraco': —Dajo coqomi' ¿negue' quet cá'maq 'negue? Ma' ¡dá'maq dajo chi rasauaxashichi'!

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Lucas 23:4

Ca' so Pilato 'naapego' so lashillipi na netaxaỹaxanqajanqaipi chaqai so qomyipi, 'naaco': —Ỹim sqaica ca sanata lasauaxaset dajo ỹale.

Lucas 23:41

Qomi' ỹaatqajam ỹa'maqachiguiñi quiyim 'xoic qare'xoric, ma' chi seshiuetenqatac dá'maq ñigui ca qarasauaxaset. Qam ñí'maq ñijo ỹale, qaica ca ỹo'uet se ỹa'maxañi.

Lucas 23:47

Ca' co'na' iuanchigui dajo so lashi so nouaataxanaq, ca' imaqachin ñi qota'olec, 'naaco': —Ỹaatqajam llic ñijo ỹale qaica ca lasauaxaset.

Juan 18:33

Ca' so Pilato lotqai liỹa inoxono quiñi lauo', ca roỹaxane'oga so Jesús, ca inat: —¿Qami'o' na' qami' lashi na judioipi?

Juan 18:38

Ca' so Pilato 'naaco': —¿Chi negue' cá'maq lliqueta? Ca co'na' ime da lenataxanaxac, ca' so Pilato liỹa inoxone'oga so judioipi, ca 'naaco': —Ỹaatqajam qaica quet cá'maq sanata lasauaxaset dajo ỹale.

Juan 19:6

Ca co'na' qaiuane'ta so'maxare, ca na la'gaxalateripi na netaxaỹaxanqajanqaipi chaqai na nouaataxanyipi chaqa'ma' ỹaualqagui, 'naac: —¡Pachiñiro! ¡Pachiñiro! Ca' so Pilato 'naaco': —Viguiuec qamiri, ca' pachiñiho, ma' ỹim qaica quet cá'maq sanata lasauaxaset da'maxare.

2 Corintios 5:21

So Cristo ỹaatqajam qaica ca lasauaxaset. Qam ñi qota'a 'ec nqai'en ca sauaqhuaic sauaxate' qomi', qaiyi ma' qomi' ña'daqatau'a so Cristo, ca sovirqau'a dá'maq no'uen chaalataxac dá'maq ỹahotaque quiyim shinqatari' quet ñi qota'a.

Hebreos 7:26

Ca' vichiguiño' chaqaiso so Jesús só'maq 'oonoqui' qaretaxaỹaxanqajnec souenqataque quiyim retaxaỹa'pegue' ñi qota'a. Ma' so'maxare co'teeta, qaica ca se no'uen chaqai ca lasauaxaset, qaỹoỹootec quena sauaqhuaiquipi, chaqai qaỹavicshiguim paguec lishicshi'ma nqohin quena piguim.

1 Pedro 1:19

ta'ta'a quiyim qarishiuetenaxanalo saua leuo' so Cristo só'maq co'na' qoỹaano quiyim qaỹalauat 'neetari' ca qagreta llaalec sqaica ca la'aqset chaqai qaca aca lete.

1 Pedro 2:22

Ma' so'maxare qaica ca lasauaxaset, chaqai se ỹauanapega 'ue ca ỹayin.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

1 Juan 3:5

Ma' qamiri shi'gue 'yiiñii quiyim so Jesucristo nacpegue' ana 'laua, ỹahotaque naqat na qarasauaxaset, qam so'maxare qaica ca lasauaxaset.