Juan 19:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Qam 'ue so ỹale neetaho quena nouaataxanaq ỹa'deho na lahi caso laqui, ca' ncopaata ca nenoxonec na leuo' chaqai na huaxaỹaq.

Juan 19:34 Iomraidhean Croise

Salmos 51:7

Yco'taxachi', qaiyi sco'teeta; yiquiỹo'e', qaiyi paguec ỹim lalagaxaic caca loñi nacañi.

Ezequiel 36:25

Sco'taxate' qamiri quená'maq no'uen huaxaỹaq, ñquiỹouec ná'ogue na rishillii, ñaqata'a ma'le dá'maq 'ñiitari' quena nashiilec nqolaquipi;

Mateo 27:62

Ca na' ime so na'xa'a 'maqataxaqui, ca' ỹovita so na'xa'a co'mataxaqui, ca' so lashillipi na netaxaỹaxanqajanqaipi chaqai so fariseoipi quepegue' so Pilato.

Juan 19:33

Qam co'na' qanqo'neu'a so Jesús, ca qaỹa'den quiyim mashic ileu, ca' sqai qaỹaqaguite' naua lichil.

Juan 20:20

Ca co'na' ime 'naac dajo so'maxare, ca ỹachaxanema naua napoquena chaqai na lahi. Ca' saua'maxare ỹaatqajam 'ue da netoonaxague' na' ra'iiso'ot so qara'gaxala'.

Hechos 22:16

Ca' nagui ¿negue' ca qalañisapega? Ne'laxachirishiguim, qanachilaxan qami', pi'iro'o' da leenaxat so qara'gaxala', qaiyi nco'chiñi qami' quena rasauaxashichi'.”

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

1 Corintios 6:11

Quedajo 'ue quen na 'neetari' caqamiri quesom. Qam nagui mashic qamiri qaico'taxate', chaqai mashic nañaañiỹot ñi qota'a, chaqai ñi'maxare mashic ỹa'maxarente' qamiri. Qam dajo chicqochigui da leenaxat so qara'gaxala' Jesús chaqai so Espíritu chicqo'ot ñi qota'olec.

Efesios 5:26

Dajo 'ne'tegue, ma' ỹahotaque co'taxateta ná'maq mashic icoñiguit da na'qaatec, ỹahote'e na huaxaỹaq, chaqai naua la'qaatqa,

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Hebreos 9:13

Ma' nauá'maq leuo' na huaqui llaalec chaqai na quetaq llaalqaipi chaqai na lo ana huaqui llaale quena' qaỹavigaxat, ca qaỹochigoxolec ná'maq 'ec napio'o, na'maxare llic 'ue da lquesaxanaxa quiyim quiỹota chaqai quiyim co'taxateta ná'maq pa'aauec.

Hebreos 9:22

Ca' dajo llicyaxac na naqataxaquipi ỹa'xat quiyim sham ná'ogue ná'maq qaỹo'uet ỹouen quiyim qaỹahote'elo naua neuo' quiyim 'ue ca qaico'taxat. Chaqai qaica ca chi qaỹapalaxateta ca lasauaxaset quiyim se qaỹocoraqta'pe caua neuo'.

1 Pedro 3:21

Ca' sojo huaxaỹaq chaqaido' da chilaxac nagui dá'maq ỹa'xateta'guit, ca' chaqaida dá'maq chicqochigui quiyim qarca'leuec nagui. Dajo chilaxac mesqai chicqaugui quiyim chi qaico'taxat na noshicmaxa; ta'ta'a quiyim qaỹashiila ñi qota'a quiyim co'taxat yi qara'deenataxanaxac loma'. Ca' qarca'laxatec chicqochigui nqai'en na' liỹa nca'laxatec so Jesucristo,

1 Juan 5:6

Da loviraxac so Jesucristo netanec nqohin na huaxaỹaq na' qanachilaxan, chaqai saua leuo' na' qaỹalauat. Se nodaatec na huaxaỹaq, ta'ta'a quiyim na huaxaỹaq chaqai na neuoripi. Ca' so Espíritu Santo chaqaiso só'maq ỹa'xat dajo, ca' ỹaatqajam lliqueta da la'qaatec.

1 Juan 5:8

Chaqai treeso' naua ỹa'xate' dajo quena 'laua: so Espíritu Santo, na huaxaỹaq na' qarachilaxanataxana, chaqai saua neuo' na' qaỹocoraqta'pe. Chaqai sauajo tres natene'ejta'.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.