Juan 19:31 - La'qaatqa ñi qota'olec Qota'olec & Qota'olec Novita Na Qomyipi

³¹ So lpa'axaua na'xa'a vigui quena' qaỹo'leente so na'xa'a quena' qoyique'e yi Egipto, ca' so judioipi se ỹa'maxaren quiyim saua qomi' neesagui saua npatenaxalate' queso na'xa'a co'mataxaqui. Ma' sojo na'xa'a co'mataxaqui ỹaatqajam qaỹoden. Ca vichiguiño' qaỹashiila so Pilato quiyim relaataxanlgoto quiyim qaỹaqaguite' naua lichil sauá'maq npatensaho, chaqai qanaqachiñi quesauá'maq npatenaxalate'.

Juan 19:31 Iomraidhean Croise

Éxodo 12:16

Ca' quecajo 'auaxaic na'xa'a chaqai ca pa'aatec quecaua siete na'xata', ca' lapohigui da la'qaatec na ra'gaxalari. Ca' quecauajo na'xata' se qaro'ueenataxañiguilo, qaidaata quiyim chi ỹa'maxajñi ca loq ca qom.

Miqueas 3:3

Nca'leetauec, qam netaguitauec na ỹalamaxareteripi, no'chiguitauec na loshicmaxa chaqai qaguichiguilo naua lpi'naqa; mashic 'ñiita'gue ca la'at, qaỹahotaque qainaxañigui aca 'ueena.

Mateo 27:62

Ca na' ime so na'xa'a 'maqataxaqui, ca' ỹovita so na'xa'a co'mataxaqui, ca' so lashillipi na netaxaỹaxanqajanqaipi chaqai so fariseoipi quepegue' so Pilato.

Marcos 15:42

Ca co'na' mashic pe queso na'xa'a 'maqataxaqui, ma' quesó'maq liỹa na'xa'a, ca' co'mataxaqui.

Juan 19:1

Co'na'le, ca' so Pilato relaataxanlec so Jesús quiyim qaỹouaxan.

Juan 19:14

Qam 'oonoqui' na'xa'a saqa'leca ca ỹovire'oga so na'xa'a quena' qaỹo'leente na' qoyique'e yi Egipto. Ca mashic na'xa'a lavinñi na' so Pilato 'naapega so judioipi: —¡'Eda dá'maq rashii!

Juan 19:42

Ma' sqoỹoqaque asojo napal lahi', ca' chaqaso' aso qailla'ñigui so Jesús, ma' mashic ipalata'a so laloqo' so na'xa'a nco'mataxaqui na judioipi.