Juan 19:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ca' so Jesús ni'chigui so lataxa lochiviaxaic. Ime, ca 'naaco': —Ca nagui ná'ogue imigui. Co'na'le, ca nanaqañi na lqahic, ca' ileu.

Juan 19:30 Iomraidhean Croise

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

Salmos 22:15

Rashivichigui na ỹap 'ec ca nehoma lahi nqateleguesec; ñi ỹo'legaxanaxat mashic ronaỹo'ot na ñoquiaq. ¡Yilli'sa'guit na namoxoỹaxa 'ec yileu!

Isaías 53:10

Ñi qara'gaxala' ỹahotaque ỹa'ue da le'xoric. Ca' quiyim chaqaiso só'maq nañaañiguit da lelauaxa quena nasauaxaset, ca ladoc ma'le da nachaalataxac, ca' iuanau'a ma'le ca llaalqaipi; ca chicqochigui so'maxare ma'le quiyim ỹa'maxañi dá'maq ỹahotaque ỹo'uet ñi qara'gaxala'.

Isaías 53:12

Vichiguiño' ñi qota'olec ỹa'ue ma'le ca loma', ỹalecqajnougui na leta'allípi, chaqai quená'maq quesaxanaxaiquipi ỹalequetaugui ma'le queda lauegaxanaxac, ma' nañaañiguit da lelauaxa chaqai qaỹalecqajnougui na hualoxonyipi, qam so'maxare nomatalta' quiyim 'xoic só'maq i'xat na lasauaxaset, chaqai rashiilaxanteguelec quiyim qaica ca qohinegue na sauaqhuaiquipi.

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Mateo 27:50

Ca' so Jesús lotqai liỹa netenegue da laualaxac. Ca' ileu.

Mateo 3:15

Qam so Jesús 'naaco' queso'maxare: —Qam nagui le'en nqai'ñi' dajo. Ma' paguec la'maxa quiyim sepacqajanqachigui ná'ogue ná'maq ỹahotaque ñi qota'a. Co'na'le, ca' so Juan nachilaxan.

Marcos 15:37

Co'na'le, ca' so Jesús ỹaatqajam netenegue da laualaxac, ca' ileu.

Lucas 22:37

Ma' ỹim shinapegalo qamiri quiyim ỹaatqajam ipaquichigui caỹim dajo 'nerac naua nerecse' la'qaatqa ñi qota'a, ma' 'nerac: “Ca qaỹalecqajnougui na sauaqhuaiquipi ca'maxare ma'le.” Ma' ná'ogue na qoỹeretañi caỹim ipaquichigui ma'le.

Lucas 23:46

Ca' so Jesús ỹaualqo', 'naaco': —Qami' ita'a, sañiguilo naua rqai'laqachichi' na ỹa'al. Ca co'na' naauec da la'qaatec, ca' ileu.

Juan 10:11

Ỹim ná'maq ỹim no'uen qagreta lo'o. Cá'maq no'uen qagreta lo'o ỹaanec da nachaalataxac cana qagretaipi.

Juan 10:18

Qaica cá'maq rouootaxana'gue da ñachaalataxac, qam chaqaỹim ná'maq saanec. 'Ue da iquesaxanaxa quiyim saanec chaqai quiyim liỹa secoñiguit. Ca' dajo dá'maq chaqai llilnataxanaxac ñí'maq ita'a.

Juan 17:4

Ma' ỹaatqajam semaqachintac qami' nagui quiyim seuetalec na 'laua, chaqai mashic somat dá'maq yilachirelec.

Juan 19:28

Ca co'na' ime dajo, ma' so Jesús ỹa'den quiyim dá'ogue dajo ipaquichigui, chaqai quiyim ipaquichiguilo yaua naneresañi na'qaatqa, ca 'naaco': —Yalauat na ỹaquip.

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Romanos 10:4

Ma' so Cristo chaqaiso só'maq lqodoc so naqataxaquipi chicqo'ot so Moisés, ca ỹo'uet quiyim ná'ogue ná'maq huelec so'maxare, ca qaicoñi'chiguit quiñi qota'olec.

Romanos 3:25

Ñi qota'olec ỹo'uet chicqochigui nqai'en so Cristo queso lelauaxa, quiyim ishit qaỹapalaxat na nasauaxaseteripi, qam quiyim qoyiuelec so'maxare. Dajo 'ne'tegue, qaiyi re'oq quiyim ñi qota'a ipacqajanchigui dá'maq 'neeta'pegue, ma' mashic quedá'maq leualaxavic liyi le'ne' nqai'ne' sauá'maq 'auaxaqa nasauaxasete'.

1 Corintios 5:7

Ca vichiguiño' naqachii aca ñauapec lalequete na pan, ma' chaqaca aca na'aqte' qamiri, qaiyi 'ñiita aca dalaxai naqaulata se qaỹa'ue aca lalequete quena' qaỹa'ue na pan tai'a qaỹa'ic ma' ỹovire'oga ca napoxoqui leenaxat lapascua. Ma' qamiri 'ñiitam aca dalaxai naqaulata qaca lalequete pe'taxachigui na pan. Ma' so Cristo mashic shi'gue qaỹalauat, ileualgoto qomi', ca' chaqaiso so 'eco' qagreta llaalec qaỹa'ic ma' ỹovire'oga cajo na'xa'a lapascua.

Filipenses 2:8

Ca co'na' ỹantañi da no'ueenataxac na chaqai qom, ca' neneequesen. Ca quedá'maq quiyim na'xaỹaxanta, ca chi ỹovireta'a quiyim qaỹalauat, 'eno'm ỹo'uet da nayiloxo da lelauaxa na' qaipateno queso npatenaxala'.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

Hebreos 9:22

Ca' dajo llicyaxac na naqataxaquipi ỹa'xat quiyim sham ná'ogue ná'maq qaỹo'uet ỹouen quiyim qaỹahote'elo naua neuo' quiyim 'ue ca qaico'taxat. Chaqai qaica ca chi qaỹapalaxateta ca lasauaxaset quiyim se qaỹocoraqta'pe caua neuo'.