Juan 19:20 - La'qaatqa ñi qota'olec Qota'olec & Qota'olec Novita Na Qomyipi

²⁰ 'Xoico' na judioipi retaqateguelec so nerec, ma' yí'maq hua'ño' na' qaipateno so Jesús sqoỹoqaque quiyi na'a' lodegaxat Jerusalén. Ca' quesojo nerec qoỹeretañi quenaua la'qaatqa na hebreo laseripi, chaqai na griegoipi, chaqai na latinoipi.

Juan 19:20 Iomraidhean Croise

Lucas 23:38

Ca 'uo' so nerec qoỹeretalec na pa'aashiguim, hueetalec naua la'qaatqa na griegoipi chaqai na latinoipi chaqai hebreoipi, 'naac: “Ñi'maxare chaqaiñi ñí'maq lashi na judioipi.”

Juan 19:13

Ca co'na' 'xaỹa dajo so Pilato, ca talaxanegue quiyim qaỹauegue'oguiyi so Jesús. Ca so'maxare nqa'xanñi quiyi hua'ñi quena' qaỹo'uet na nasauaxaseteripi. Yi'maxare leenaxat nqohin Gabata quena hebreo la'qaatqa, ca' dajo leloxoỹaxac nco'ỹaaqa' nodaachiguiñi qa'.

Juan 19:42

Ma' sqoỹoqaque asojo napal lahi', ca' chaqaso' aso qailla'ñigui so Jesús, ma' mashic ipalata'a so laloqo' so na'xa'a nco'mataxaqui na judioipi.

Juan 5:2

Ca' quesojo na'a' lodegaxat 'uo' so lasom leenaxat nqohin nasom ana qagreta. Ca 'uo' so huaxaỹaq lahi' leenaxat nqohin quenaua hebreo la'qaatqa Betesda. Aso'maxare ỹovi' cinco naua naquiite' quenaua lahil.

Hechos 21:37

Qam co'na' sham qainoxonaxato so Pablo quiyi la'a' so nouaataxanaq, ca 'naapega so nouaataxanaq lashi: —¿Tegue' chi seshit sa'ue ca ỹa'qaatec? Ca' so nashi 'naaco': —¿'Yiiñi'o' naua griego la'qaatqa?

Hechos 21:40

Ca' so nouaataxanaq lashi ỹasene'tem quiyim retaqa. Ca' so Pablo nachajñi quiyi ñicshiguim. Ca ỹachaxanshiguim da lqai'laxat, ca i'maxañi nqai'en so qomyipi. Ca na' sá'ogue i'maxañi, ca retaqa, ỹahota'ahi naua judío la'qaatqa. Ca 'naaco':

Hechos 22:2

Ca co'na' qara'xaỹa quiyim ỹa'xate' naua chi la'qaatqa, ca paguec qana'xaỹaxane'ta. Ca' so Pablo 'naaco':

Hechos 26:14

Ca' qomá'ogue sanataxañi na'le, ca' sa'xaỹaque so na'qaatec ỹahota'ahi naua judío la'qaatqa, 'naac: “Qami' Saulo, ¿chi'negue ma' yocañi'sac? Chi nqa'viiñiseguelta', 'nejem ca nauegaxanaxala' quena' ỹachaqata'piguit na lo'lo aca na'daxanqate.”

Hebreos 13:12

Ma' qai'neeto' na'le so Jesús co'na' qaỹalauat pa'aatauec quiyi na'a' lodegaxat Jerusalén, qaiyi ishit quiỹouec na lasauaxaset na qomyipi, quiỹoxonalo sauá'maq chi leuo'.

Apocalipsis 16:16

Ca lapoonta' ma'le na nashillipi saua tres nase' lecmaxaqa quiyi lapooqo', ca' quenaua hebreo la'qaatqa qohinac leenaxat Armagedón.

Apocalipsis 9:11

Ca' aso piñaipi 'ue so lashi só'maq neloxoỹaq queca lapooqo' na lqui'i na leuaxaiquipi. Sojo nashi leenaxat quenaua hebreo la'qaatqa Abadón. Chaqai quena griego la'qaatqa Apolión, loqo'm lauataxanaxai.