Juan 19:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' qaỹauec so Jesús i'xateta nqohin so npatenaxala', quepegue' yi 'laua leenaxat nqohin nqahic lpi'nec loma'. Qam quena hebreo la'qaatqa qohinac Gólgota.

Juan 19:17 Iomraidhean Croise

Génesis 22:6

Co'na'le, ca' so Abraham ỹaconot so qo'paripi ỹauaaque lcopatoxonaxat, ca' illaalec na lallaac so Isaac. Ime, ca' icona so lecat chaqai so lole', ca' que', niỹareta'pe.

1 Reyes 21:13

Ime, ca ỹovirero nqohine' saua dos ỹale' quiyim chi ỹo'ueete' ca ỹa'xate' se no'uen queso Nabot, 'qaatac nqohin sá'ogue so qomyipi, quiyim so Nabot noquiaatapega na'le ñi qota'olec chaqai so nashi Acab. Ime, ca' qaỹauegue'uegue da lahi yi na'a', ca qainaqatac quena qa' chi qaỹalauatetañi.

Mateo 10:38

Chaqai cá'maq queetalec aỹim, no'm se ishit quiyim 'eno'm ileualec aỹim, ca' sqa taiguit quiyim ỹalamaxaret.

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Mateo 27:37

Ca quená'maq nalooshi'ma na lqahic so'maxare, ca qaỹo'uet so nerec hueetalec dá'maq 'neeta da lasauaxaset, 'neetasa': “Najo na Jesús ná'maq lashi na judioipi.”

Marcos 10:21

Ca' so Jesús nqo'te'ta, ca ra'ỹo'ot. Ca 'naaco' queso'maxare: —Ỹaatqajam 'oonoqui' dá'maq saqa' 'viichi': mo'e', miiñi' ná'ogue na rovinqui', ca 'ỹaañirougui na 'xoraiquipi, ca' 'ue ma'le ca resallaxa'e' queda piguim. Ca ma' ime, ca naquitegue aỹim, 'eno'm rilliviralec aỹim.

Marcos 15:26

Ca 'uo' so qoỹirelec quiyim hueetalec da lasauaxaset, 'neetasa': “Lashi na judioipi.”

Marcos 15:32

Ca no'm seuanqachigui nagui quiyim renotec quiñi npatenaxala', ñí'maq lashi lca'laxaqui na Israel llaalqaipi, ca' qaigueme seuaqlec. Chaqai vire'talo sauá'maq npatenaxaua' qai'neeta i'neesac so Jesús.

Marcos 8:34

Ca' so Jesús roỹaxanouguilo saua lapaxaguinatqa chaqai so qomyipi, ca 'naaco': —No'm 'ue ca ỹahotaque quegue aỹim, ca coua'e dá'maq chi no'ueenataxac. Ca' quelec aỹim, 'eno'm ỹovira'a quiyim na'laxatañi da nachaalataxac.

Lucas 14:27

Chaqai ca sqai quegue aỹim, quiyim se ileualec aỹim, se ishit quiyim ỹapaxaguinatec.

Lucas 23:26

Ca co'na' mashic qaỹaueguec so Jesús, qaỹahotaque quiyim qaipateno. Ca' qaỹaconeu'a so ỹale, leenaxat Simón, ca la'a' na'ñi yi Cirene. So'maxare chicqauec quena no'ueenaxa. Ca' qohinapega quiyim i'xat so lpatenaxala', ca coỹaretaho nqohin queso Jesús.

Lucas 23:33

Ca co'na' qaỹovire'oga so 'laua leenaxat leuaxaic lqahic lpi'nec, ca' qaipateno so Jesús, chaqai qai'neeta saua dos lauataxanaxaqa. So 'óna qoỹana'gue da loic, chaqai so liỹa qoỹana'gue da nemaq.

Lucas 23:38

Ca 'uo' so nerec qoỹeretalec na pa'aashiguim, hueetalec naua la'qaatqa na griegoipi chaqai na latinoipi chaqai hebreoipi, 'naac: “Ñi'maxare chaqaiñi ñí'maq lashi na judioipi.”

Lucas 9:23

Ime, ca' 'naapega sá'ogue so qomyipi: —No'm 'ue ca ỹahotaque quegue aỹim, ca 'maxaraic quiyim coua'e da chi no'ueenataxac, ca' quegue aỹim naua'que naua na'xata', 'eno'chi na'laañi da nachaalataxac.

Juan 19:13

Ca co'na' 'xaỹa dajo so Pilato, ca talaxanegue quiyim qaỹauegue'oguiyi so Jesús. Ca so'maxare nqa'xanñi quiyi hua'ñi quena' qaỹo'uet na nasauaxaseteripi. Yi'maxare leenaxat nqohin Gabata quena hebreo la'qaatqa, ca' dajo leloxoỹaxac nco'ỹaaqa' nodaachiguiñi qa'.

Juan 5:2

Ca' quesojo na'a' lodegaxat 'uo' so lasom leenaxat nqohin nasom ana qagreta. Ca 'uo' so huaxaỹaq lahi' leenaxat nqohin quenaua hebreo la'qaatqa Betesda. Aso'maxare ỹovi' cinco naua naquiite' quenaua lahil.

Hechos 7:58

Ca qaỹaconeu'a, ca qaỹauegue'ogue da lahi yi na'a'. Ca' yi hua'ñi, ca' sá'ogue qainaq quena qa'. Qam sá'ogue só'maq ỹalequetau'a da nenaqsoxonaxac po'an ana lapooto, po'aana'ansopo' so ne'nec leenaxat Saulo.