Juan 19:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so Jesús 'naaco': —Qami' qaica quet cá'maq rquesaxanaxa'e' quiyim sqai ỹaañiraxarom ñi qota'olec, quiyim shichi' 'ue ca 'ñiisa'gue aỹim. Qam cá'maq yayaano caqami', ca'maxare ỹaatqajam paguec ca lasauaxaset, sqai 'nejem qami'.

Juan 19:11 Iomraidhean Croise

Daniel 5:21

Ca' qaỹoỹootec quena qom, ca' ñigui 'ec isecỹac nqohin; ca ỹalequetaugui na lolgaqaipi, ỹa'ic na 'uaqapi 'ec na ñii'lola, chaqai ana 'ỹa' pi'guiloxolaxat na loshicmaxa, chi ỹovireta'a na' ỹa'deena'a quiyim ñi qota'olec qaica nqai 'nejem 'ue da lquesaxanaxa napacalec ná'ogue ná'maq nashillipi ỹoiquentac na 'laua, chaqai ñi'maxare ỹana'ñi quiyim nashi cá'maq sham ỹana'ñi.

Mateo 26:65

Co'na'le, ca' so lashi na netaxaỹaxanqajanqaipi nasectaxata'ahi saua loho. Dajo netanec quiyim chalego lauel. Ca 'naaco': —Dajo ỹale napaqueteguelec ñi qota'olec quenaua la'qaatqa. ¿Negue' quet ca liỹa qom souenaq quiyim ra'qaataxan? Ma' qamiri ỹaatqajam 'xaichigui dá'maq la'qaatec quiyim napaqueteguelec ñi qota'olec.

Mateo 27:2

Ca qaicoñireta'ta' naua lqai'laqate', ca qaỹauega'a so nashi Roma le'ec Poncio Pilato.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Marcos 14:44

Ca' so Judas só'maq remeenaxan, so'maxare ỹo'ueeto' so letanec, 'naaco': —Cá'maq ñqo'goq, ca' chaqaica ca'maxare. Coñilec, ca ỹaatqajam coñirita, ca' 'xachii.

Lucas 22:53

Quena' ỹim salequetauguilo qamiri quesaua'que saua na'xata' cañi no'ueenaxanaxaqui late'ogue', qam qaica ca 'ñii'tegue aỹim. Qam mashic ỹovita ca laloqo' quiyim 'ueenataxañii chaqai quena' ỹapacauec da lquesaxanaxa da lo'ueenataxanaxac na napalaxa.

Juan 18:13

Co'na' ime, ca qaỹauegueu'a yi la'a' so Anás. Ca so Anás chi ladonaxanec so Caifás, ca chaqaiso' só'maq lashi na netaxaỹaxanqajanqaipi queso ñaaxa.

Juan 18:3

Ca' so Judas ỹovira'a yi'maxare. Qam 'ue so nalliripi chaqai saua nouaataxanaq lase' neloxoỹa' cañi no'ueenaxanaxaqui qanelarerec queso lashillipi na netaxaỹaxanqajanqaipi chaqai na fariseoipi. Qam ỹaatqajam naloochiguiñi na lo'goxonqateripi, chaqai ne'xateta na lcoỹeraxanqateripi.

Juan 19:10

Ca' so Pilato 'naaco' queso'maxare: —Ca' ¿qaica ca 'ñirac caỹim? ¿Sqa 'yiiñi'o' quiyim aỹim 'ue da iquesaxanaxa quiyim selaataxanlec quiyim qaipateno qami', chaqai seshit quiyim sosouec aqami'?

Juan 3:27

Ca' so Juan 'naapegalo': —Qaica ca qom quiyim chi nanoiquentac 'ue ca ỹo'uet, no'm sqo ỹaanem quiñi qota'olec cá'maq ỹo'uet.

Juan 7:30

Ca' qaỹahotaco' qaiconlec quiyim qaicoñi'; qam qaico' ca ishit iconlec, ma' saqa' ỹovita ca laloqo' so'maxare.

Juan 9:41

Ca' so Jesús 'naaco': —Quetqai qamiri qai'la', ca' qaica quet ca rasauaxashichii. Qam ma' 'ñiỹac nauañichiguiñi, ca' ñaqa 'ue na rasauaxashichii.

Hechos 2:23

Qam na' qoỹaanouguilo qamiri quiyim ipaquichigui nqohin dá'maq la'deenataxanaxac ñi qota'olec nallaaqo', ca' qamiri coñirii chaqai lauachii, qaipatentaho nqai'ñii queso qomyipi hualoxonyipi.

Hechos 3:13

Mesqaida. Qam ñi qota'olec ñí'maq huerelec sauá'maq 'au sachigoxosqauguilo Abraham, Isaac chaqai so Jacob ỹaanem quiyim paguec lichoxoric nqai'en so llaalec Jesús, só'maq qamiri 'ỹaañiu'a na nashillipi. Chaqai na' so Pilato ỹahotaque ỹosouec, qamiri sqa 'maxariñii.

Hechos 4:28

Ca' saua'maxare co'na' ỹo'ueete' dajo, ỹaatqajam taachigui nqai'ne' dá'maq shi'gue 'maxachisañi, ca ipaquichigui nqohin.

Romanos 11:36

Ma' ná'ogue nanchaqaina chicqo'ot ñi qota'olec, chaqai chi lo'ueenatqaipi ñi'maxare, chaqai chi lalamaxareteripi. Ca vichiguiño' ¡se neme semaqachinqatac ñi qota'olec! Ajá'a, chaqaida 'neeta dajo.

Romanos 13:1

Ca ná'ogue na qom ỹouen quiyim na'xaỹaxana ca 'naac na nashillipi. Ma' qaica quet cá'maq nashi sqai chicqochigui ñi qota'olec, chaqai ná'maq neetaho ro'ueenataxantac nagui, ỹo'viijñi ñi'maxare.

Santiago 1:17

Ná'ogue na ỹa'maqachiguiñi chaqai na naloochiguiñi quená'maq qoỹaanema qomi', na'maxare chicqashiguim chicqo'ot ñi qota'a, ñí'maq lo'ueenata na coỹarelec najo. Ñi'maxare se nadalaxatalta' chaqai se nqo'in quiyim 'ec chicqochigui ca la'al.

Santiago 4:17

Ma' ca qom ỹa'den ỹo'uet ca ỹa'maqachiguiñi, qam se ỹo'uet, ca' 'ue ca lasauaxaset.