Juan 18:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca so'maxare 'naaco': —Shi'gue shinac caqamiri quiyim chaqaỹim. Ca no'm daañitaque aỹim, qam 'xañiuec na iỹaripi ñaqai eec.

Juan 18:8 Iomraidhean Croise

Isaías 53:6

Ca qomá'ogue so'maqac, 'ec qomi' qagretaipi, quiñi 'óna queeta'pegue' cá'maq chi la'deenataxanaxac, qam ñi qara'gaxala' illaalec so'maxare sá'ogue só'maq se no'uen hueetaguilo qomi'.

Mateo 26:56

Qam 'neeta dá'ogue dajo, qaiyi ipaquichigui dá'maq 'naaco' na'le so letaxaỹaxaquiripi ñi qota'a ỹa'xat quenaua naneresañi na'qaatqa. Co'na'le, ca 'eet so lapaxaguinatqaipi, no'ueenaqchichiguiñi so Jesús.

Juan 10:28

Ca' ỹim saanem da lca'laxa sqaica lqodoc. Ca tot ileu, chaqai qaica quet cá'maq ishit rouootaxana'gue cana ñapoquena.

Juan 13:1

Ca quesó'maq liỹa na'xa'a, ca noviro so lapoxoc quiyim qaỹo'leente na' qoyique'e yi Egipto, ca' so Jesús ỹa'den quiyim ỹovita ca laloqo' quiyim ca'e na 'laua, ca quepegue' ñi leta'a. Qam so'maxare chaqai 'neetari' da lauochaxa queso lalamqateripi no'ueenalec na 'laua, ca' nagui ỹachaxanalo saua'maxare dá'maq paguec lecaic lauochaxa.

Juan 13:36

Ca' so Simón Pedro inato' so Jesús: —Qami' ỹa'gaxala', ¿negue' cá'maq 'itegue? Ca' so Jesús 'naaco': —Dá'maq ỹim saigue, sqai shichi' quitegue aỹim nagui. Qam ma'le, ca shichi' co'uaachitegue aỹim.

Juan 16:32

Qam ỹovita ma'le ca laloqo', ca' nagui chaqa'ma' ỹovita quiyim neuagaxata'pe taate'ogalo nqohine' qamiri, ca yalachii yodaqajñitec ma'le. Qam se yodaatec, ma' iỹaatac ñi qota'a.

Juan 18:7

Ca lotqai liỹa inate' so Jesús saua'maxare: —¿Negue' cá'maq daañitaque? Ca saua'maxare 'neraco': —Sedaanqataque ca Jesús, Nazaret le'ec.

Juan 18:9

'Naaco' dajo, qaiyi ipaquichigui dá'maq 'naaco' na'le so Jesús: “Quená'maq nañaañim ñi qota'a, qaica ca na'laañi.”

1 Corintios 10:13

Da ne'guenaxaguii novitalo qamiri, da'maxare ỹaatqajam 'nejem da ne'guenaxac ná'ogue na liỹaripi. Qam qamiri lama'xa pi'iỹa'a ñi qota'a ma' ñi'maxare se ỹasene'tema qamiri quiyim paguec ca ne'guenaxaguii quecá'maq tot ralohiguit. Chaqaidaata quiyim novi' ca ne'guenaxaguii, ca ñi'maxare ỹa'ue ca la'maqa' quiyim qarayichii, qaiyi ralohita'piguit.

2 Corintios 12:9

Qam so qara'gaxala' 'naac caỹim: “Da i'xorenataxanaxa mashic viisaxauot, ca' qaica quet cá'maq liỹa viñisaque. Ma' dá'maq iquesaxanaxa re'oq quena' cá'maq qom qaica ca lquesaxanaxa.” Ca' vichiguiño' ñitoon ma' ỹim sqaica ca iquesaxanaxa, qaiyi re'oq caỹim da lquesaxanaxa so Cristo.

Efesios 5:25

Chaqai cá'maq ỹale mashic 'on, ca' ỹaatqajam i'xoren aca loua, ca 'nejem so Cristo ỹaatqajam i'xoren ná'maq mashic icoñiguit da na'qaatec, ca' ỹaanec da nachaalataxac ileualec na'maxare.

1 Pedro 5:7

Chaqai ná'ogue ná'maq 'yiiñitapega 'ỹaañiỹot ñi qota'a, ma' ñi'maxare ỹaatqajam 'ue da 'neeta caqamiri.