Juan 18:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam so Jesús ma' mashic ỹa'deentari' dá'ogue dá'maq 'neeta ma'le, ca ca'guit, ca inato', 'naaco': —¿Negue' cá'maq daañitaque?

Juan 18:4 Iomraidhean Croise

1 Reyes 18:10

Da ỹa'qaatec 'qaachigui ñi qara'gaxala', ñí'maq rashiilqui' qota'olec, quiyim so ña'co' ỹaatqajam qaica quet cá'maq 'laua quiyim se relaataxanlec quet quiyim qaimitaque qami'. Ca quena' qohinac qaica qami' queca 'laua, ca so'maxare 'ue da lepagaxallic renataxan quiyim llic se qaỹanata qami'.

Salmos 27:3

'Eno'm yahiquinchiguiñi ca ỹalliripi nalauataxairipi, qam se no'chi añi i'taxanata; 'eno'm na'maxajñi quiyim yiloquin, qam ỹim yi'maqatapeuc.

Mateo 16:21

Quiyi co'na'le, ca' so Jesús ichoxotetac dá'maq 'neeta ma'le queso lapaxaguinatqaipi, quiyim so'maxare taigue ma'le da Jerusalén. Ca' so qo'xoiquipi, chaqai so la'gaxala' na letaxaỹaxanqajnec na qomyipi quiyim qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi chicqo'ot so Moisés, 'xoic ma'le nqohin da le'xoric. Chaqai 'naac quiyim qaỹalauat ma'le. Qam ma' ỹore'ueque caua tres na'xata', ca ma'le, ca' liỹa nca'leuec nqohin.

Mateo 26:2

—Ca' mashic qamiri 'yiiñii quenauajo dos na'xata', ca ỹovire'oga so na'xa'a quiyim qaỹo'leente so na'xa'a co'na' qanaqata'a so qomyipi quiyi Egipto. Ca' najo ỹale llaalec qoỹaano ma'le quiyim qaipateno.

Mateo 26:21

Ca co'na' ñaq que'eeta'pe, ca' so Jesús 'naaco' quesaua'maxare: —Ỹaatqajam llic da shinac caqamiri, quiyim 'ue ca 'óna caqamiri yayaano ma'le.

Mateo 26:31

Ca' so Jesús 'naaco' quesaua'maxare: —Qamiá'ogue palac da rpi'ỹaxaguii caỹim quena pe. Ma' 'nerac naua naneresañi la'qaatqa ñi qota'a: “Salauat ma'le cá'maq neloxoỹaq, ca' neuagaxatetac ma'le ana qagreta.”

Lucas 24:44

Ca co'na' ime, ca 'naapegalo' saua'maxare, 'naaco': —Dá'maq sovirau'a chaqaida dá'maq shi'gue shinac na' llaq ñauequetecto qamiri: quiyim ipaquichigui nqohin ná'ogue ná'maq qoỹeretañi caỹim quena nelaataxanaxaquipi queso Moisés, chaqai ana lerecse so la'qaataxanqajanqaipi ñi qota'a, chaqai so nerecseripi leenaxat No'ueenqaipi.

Juan 13:1

Ca quesó'maq liỹa na'xa'a, ca noviro so lapoxoc quiyim qaỹo'leente na' qoyique'e yi Egipto, ca' so Jesús ỹa'den quiyim ỹovita ca laloqo' quiyim ca'e na 'laua, ca quepegue' ñi leta'a. Qam so'maxare chaqai 'neetari' da lauochaxa queso lalamqateripi no'ueenalec na 'laua, ca' nagui ỹachaxanalo saua'maxare dá'maq paguec lecaic lauochaxa.

Juan 13:11

So'maxare 'naac: “Mesqai qamiá'ogue co'chiita”, ma' ỹa'deentari' quiyim 'ue só'maq ỹahotaque ỹaano so'maxare.

Juan 18:5

Ca saua'maxare 'neraco': —Sedaanqataque ca Jesús, le'ec yi Nazaret. Ca' so Jesús 'naaco': —Chaqaỹim na'taxare. Ca' so Judas só'maq ỹaano so'maxare, ỹalequetauguilo saua'maxare.

Juan 18:7

Ca lotqai liỹa inate' so Jesús saua'maxare: —¿Negue' cá'maq daañitaque? Ca saua'maxare 'neraco': —Sedaanqataque ca Jesús, Nazaret le'ec.

Juan 19:28

Ca co'na' ime dajo, ma' so Jesús ỹa'den quiyim dá'ogue dajo ipaquichigui, chaqai quiyim ipaquichiguilo yaua naneresañi na'qaatqa, ca 'naaco': —Yalauat na ỹaquip.

Juan 6:64

Qam qaiyiita ñaqa 'ue na saqa' huelec caqamiri. Ca' so Jesús 'naaco' dajo, ma' shi'gue na' llaqai taachiguiñi chaqa'ma' ỹa'den ná'maq sqai huelec, chaqai negue' cá'maq ỹaano ma'le so'maxare.

Hechos 2:28

Chaqai yapaxaguiñiteque naua nayico tairau'a yi nca'laxa, chaqai 'xoic ca ỹaỹaac ma' seuañiraxaua'.

1 Pedro 4:1

Ca' vichiguiño' quedá'maq 'neeto' na'le da le'xoric so Cristo quena loshicmaxa, ca' qamiri qai'neeta na'maxachitañi quiyim 'ue ca re'xoriguii. Ma' cá'maq ỹovirau'a ca le'xoric quena loshicmaxa, ca ỹalat na nasauaxaset,