Juan 18:38 - La'qaatqa ñi qota'olec Qota'olec & Qota'olec Novita Na Qomyipi

³⁸ Ca' so Pilato 'naaco': —¿Chi negue' cá'maq lliqueta? Ca co'na' ime da lenataxanaxac, ca' so Pilato liỹa inoxone'oga so judioipi, ca 'naaco': —Ỹaatqajam qaica quet cá'maq sanata lasauaxaset dajo ỹale.

Juan 18:38 Iomraidhean Croise

Mateo 27:24

Ca co'na' so Pilato retan quiyim qaica ca nemaq so qomyipi, ta'ta'a quiyim noquiiquetashiguim nqai'en na naỹaac, ca relaataxanaco' so huaxaỹaq, ca' quiỹo' naua lqai'laqate' qaỹa'ajantac sá'ogue. Ca 'naaco': —Ỹim sqa saỹapegueu'a ca lelauaxa dajo ỹale, ma' qaica ca lasauaxaset. Ca' chaqaiqamiri 'viiquiñitac.

Marcos 15:14

Ca 'naaco' so Pilato quesaua'maxare: —¿Nega'ỹo' cá'maq ỹo'uet se ỹa'maxañi da'maxare? Qam saua'maxare lotqai liỹa ỹaualqagui, 'neraco': —¡Pachiñiro!

Lucas 23:4

Ca' so Pilato 'naapego' so lashillipi na netaxaỹaxanqajanqaipi chaqai so qomyipi, 'naaco': —Ỹim sqaica ca sanata lasauaxaset dajo ỹale.

Juan 18:33

Ca' so Pilato lotqai liỹa inoxono quiñi lauo', ca roỹaxane'oga so Jesús, ca inat: —¿Qami'o' na' qami' lashi na judioipi?

Juan 19:4

Ca' so Pilato lotqai liỹa inoxone'oga so qomyipi, ca 'naaco': —Ñaqa 'ajñii, nagui ñaueguec, qaiyi ỹaatqajam 'yiiñita quiyim aỹim qaica quet cá'maq sanata lasauaxaset.

Juan 19:6

Ca co'na' qaiuane'ta so'maxare, ca na la'gaxalateripi na netaxaỹaxanqajanqaipi chaqai na nouaataxanyipi chaqa'ma' ỹaualqagui, 'naac: —¡Pachiñiro! ¡Pachiñiro! Ca' so Pilato 'naaco': —Viguiuec qamiri, ca' pachiñiho, ma' ỹim qaica quet cá'maq sanata lasauaxaset da'maxare.

Hechos 17:32

Ca' sojo qomyipi co'na' 'xaỹa dajo quiyim na leuaxaic liỹa nca'leuec, ca 'uo' na i'neetac. Qam na liỹaripi 'naaco': —Ma' liỹa, ca ña'xaỹaxanaxa qami' quedajo, ma' liỹa 'xachi' dajo.

1 Pedro 1:19

ta'ta'a quiyim qarishiuetenaxanalo saua leuo' so Cristo só'maq co'na' qoỹaano quiyim qaỹalauat 'neetari' ca qagreta llaalec sqaica ca la'aqset chaqai qaca aca lete.