Juan 18:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Ca' so Pilato 'naaco': —¿Qa' ỹim quet judío le'ec? Ná'maq chi qauochi' laseripi chaqai na lashi na netaxaỹaxanqajanqaipi, ca chaqaina ná'maq ỹaano qami' caỹim. ¿Nega'ỹo' cá'maq 'viichi' se ỹa'maxañi?

Juan 18:35 Iomraidhean Croise

Nehemías 4:2

Ca 'naac queso liỹaripi chaqai so nalliripi na'ñi yi Samaria: —¿Negue' cá'maq 'neetapiguio' lauel ná'taq judioipi lalauatec lqopaaxa? ¿Loqo'm 'neetapigui lauel quiyim qaỹasene'tem quiyim liỹa ỹavigaxat ca lachitaxanataxanaxat? ¿Loqo'm 'neetapigui lauel quiyim ỹomat queca 'oonoqui' na'xa'a? ¿Loqo'm quiyim quená'maq lapootañi lahillipi ỹachigoxotaugui ca qa' dalaxaic quená'maq shi'gue ỹavic?

Juan 18:28

Ca' so Jesús qaỹachigoxochichi'ñi yi la'a' so Caifás, ca qaỹauegueu'a yi la'a' so nashi Pilato. Qam mashic richiitegueñi, ca' so judioipi se inoxona'a yi nasoxoc so nashi, ma' ỹouetete'e quiyim napio'xot da nachaalataxac. Ma' chi no'ueenataxac dajo, ma' no'me', ca se ishit que'e queso na'ic hueetougui so na'xa'a quena' qaỹo'leente so na'xa'a quena' qoyique'e yi Egipto.

Juan 18:34

Ca' so Jesús 'naaco': —¿Dajo chi renataxanaxaqui', loqo'm 'ue ca liỹa la'qaataxanaxac caỹim?

Juan 18:36

Ca' so Jesús 'naaco': —Da ỹo'ueenataxanaxac quiyim ỹim nashi sqai huelec na 'laua. Ma' queta' chaqaida 'neeta, ca ná'maq coỹareta'pegue' aỹim shi'gue quet nco'ua nco'uahilec, qaiyi se qayayaano quena judioipi. Qam dá'maq ỹo'ueenataxanaxac quiyim aỹim nashi sqai huelec na 'laua.

Juan 19:11

Ca' so Jesús 'naaco': —Qami' qaica quet cá'maq rquesaxanaxa'e' quiyim sqai ỹaañiraxarom ñi qota'olec, quiyim shichi' 'ue ca 'ñiisa'gue aỹim. Qam cá'maq yayaano caqami', ca'maxare ỹaatqajam paguec ca lasauaxaset, sqai 'nejem qami'.

Juan 19:6

Ca co'na' qaiuane'ta so'maxare, ca na la'gaxalateripi na netaxaỹaxanqajanqaipi chaqai na nouaataxanyipi chaqa'ma' ỹaualqagui, 'naac: —¡Pachiñiro! ¡Pachiñiro! Ca' so Pilato 'naaco': —Viguiuec qamiri, ca' pachiñiho, ma' ỹim qaica quet cá'maq sanata lasauaxaset da'maxare.

Hechos 21:38

Qam ¿mesqai qami'o' so Egipto le'ec so ñaqai chita'gue ỹo'uet so leualoxonqaishic, ca ỹauegue'oga yi 'laua qaica qom so cuatro mil qomyipi lauataxanaxaiquipi, ca' npa'guenaxanaxan?

Hechos 23:29

Qam na'le, ca' sa'den dá'maq qaỹahotaque soualec nqohin, sauaxat sqai quelgoto naua no'ueenataxaco na judioipi. Ca' negue' quet cá'maq 'neeta quiyim qaỹalauat, loqo'm quiyim qaicoñi'.

Hechos 3:13

Mesqaida. Qam ñi qota'olec ñí'maq huerelec sauá'maq 'au sachigoxosqauguilo Abraham, Isaac chaqai so Jacob ỹaanem quiyim paguec lichoxoric nqai'en so llaalec Jesús, só'maq qamiri 'ỹaañiu'a na nashillipi. Chaqai na' so Pilato ỹahotaque ỹosouec, qamiri sqa 'maxariñii.