Juan 18:33 - La'qaatqa ñi qota'olec Qota'olec & Qota'olec Novita Na Qomyipi

³³ Ca' so Pilato lotqai liỹa inoxono quiñi lauo', ca roỹaxane'oga so Jesús, ca inat: —¿Qami'o' na' qami' lashi na judioipi?

Juan 18:33 Iomraidhean Croise

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Mateo 27:11

Ca' so Jesús qaỹauega'a so nashi Pilato. Ca so'maxare inato' so Jesús, 'naaco': —¿Qami'o' ná'maq qami' lashi na judioipi? Ca' so Jesús 'naaco': —Ajá'a, chaqaida dá'maq 'ñirac.

Mateo 27:27

Ime, ca' saua nale' so nashi ỹauegue' so Jesús ỹaueguereu'a so lauo' lodegaxat so'maxare. Ca lapoonta' sá'ogue so nalliripi so'maxare, ca qalapoỹau'a so Jesús.

Marcos 15:2

Ca' so Pilato inato' so'maxare, 'naaco': —¿Qami'o' ná'maq qami' lashi na judioipi? Ca' so Jesús 'naaco': —Ajá'a, chaqaida dá'maq 'ñirac qami'.

Lucas 23:2

Ca' quiyi, ca qaỹa'uo' na qaimaxalec, qohinac quiyim lasauaxaset, ca qohinac: —Qomi' seuanqajlec dajo ỹale quiyim ỹaatqajam se i'maxañi nqai'en na qouo' laseripi. Chaqai 'neetapega quiyim se seshiuetenaq ñi lashi na nashillipi neeta'ñi yi Roma, chaqai 'naac quiyim chaqaida dá'maq nashi nca'laxaqui.

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

Juan 12:13

Co'na'le, ca qanouaxanec ana laue ana chavic, ca qaỹaqata'guit so Jesús. Ca qaỹaualqatalec, qohintari': —¡Semaqachinaq ñi qota'olec! ¡Ỹaatqajam no'uen da llicyaxac ná'maq naquetaugui da leenaxat ñi qara'gaxala'! ¡No'uen da llicyaxac ná'maq lashi na Israel llaalqaipi!

Juan 12:15

Se ro'chii, qamiri ñiita'ñi na na'a' lodegaxat Sión; ñaqa 'ajñii na rashii, 'ena neetalec na 'ashin.

Juan 18:34

Ca' so Jesús 'naaco': —¿Dajo chi renataxanaxaqui', loqo'm 'ue ca liỹa la'qaataxanaxac caỹim?

Juan 18:37

Ca' so Pilato 'naaco' queso'maxare: —¿Ca' llic quiyim ỹaatqajam qami' nashi? Ca' so Jesús 'naaco': —Ỹim nashi, chaqaida dá'maq 'ñirac. Ñanaỹa na 'laua na' ñi'qaañi, ma' sahotaque sa'xat dá'maq lliqueta. Ca ná'ogue ná'maq huelec dá'maq lliqueta, ca na'xaỹaxana dá'maq sa'xat.

Juan 18:38

Ca' so Pilato 'naaco': —¿Chi negue' cá'maq lliqueta? Ca co'na' ime da lenataxanaxac, ca' so Pilato liỹa inoxone'oga so judioipi, ca 'naaco': —Ỹaatqajam qaica quet cá'maq sanata lasauaxaset dajo ỹale.

Juan 19:12

Co'na'le, ca so Pilato idaantaque ca la'maqa' quiyim ỹosouec so Jesús. Qam so judioipi ỹaualqatagui, 'naaco' quen: —¡No'm 'xañirec da'maxare, ca se nauochaxaua'e' ñi lashi na nashillipi neeta'ñi yi Roma! ¡Ma' canchaqaica quiyim npa'xan quiyim nashi, ca npa'guenaxaua ñí'maq lashi na nashillipi!

Juan 19:3

Ime, ca' qanqo'neu'a so'maxare, ca qohinac: —¡La', qami' na' qami' lashi na judioipi! Ca' qaỹouaxantapigui na lashic.

Juan 19:4

Ca' so Pilato lotqai liỹa inoxone'oga so qomyipi, ca 'naaco': —Ñaqa 'ajñii, nagui ñaueguec, qaiyi ỹaatqajam 'yiiñita quiyim aỹim qaica quet cá'maq sanata lasauaxaset.

Juan 19:9

Ca lotqai liỹa inoxonougui ñi lauo', ca' inat so Jesús, 'naaco': —¿Negue' ca chicqoira'gue? Qam so Jesús i'maqata, qaica ca ỹa'xat.

1 Timoteo 6:13

Ca' nagui ỹauanchiguilo qomi' ñi qota'a ñí'maq ỹachigoqto'ot da lca'laxa ná'ogue nanchaqaina, chaqai ñi Jesucristo ma' ñi'maxare qai'neeta ỹa'xat da lpi'ỹaxac na' reloqota'guit so nashi Poncio Pilato. Vichiguiño' nagui selachi'