Juan 18:32 - La'qaatqa ñi qota'olec Qota'olec & Qota'olec Novita Na Qomyipi

³² Ca' queda, ca ipaquichigui dá'maq 'naaco' na'le so Jesús quedá'maq 'neeta ma'le quiyim ileu.

Juan 18:32 Iomraidhean Croise

Salmos 22:16

'Ec na pioxoripi na' lapoỹata' na hualoxonyipi ỹaatqajam lapoỹa'asop aỹim, coñirqachite' naua ñapoquenal chaqai naua ipiaate'.

Mateo 20:19

chaqai qoỹaanougui ma'le ná'maq ỹoqa'a ca chicqa'gue, ca' qai'neetac ma'le chaqai qaỹouaxantac, ime, ca' qaipateno. Qam ma' ỹovirerec caua tres na'xata', ca' lotqai liỹa nca'leuec.

Mateo 26:2

—Ca' mashic qamiri 'yiiñii quenauajo dos na'xata', ca ỹovire'oga so na'xa'a quiyim qaỹo'leente so na'xa'a co'na' qanaqata'a so qomyipi quiyi Egipto. Ca' najo ỹale llaalec qoỹaano ma'le quiyim qaipateno.

Marcos 10:33

Ca 'naaco' quesaua'maxare: —'Ajñii qamiri nagui saaqata'gue da Jerusalén, ca' yí, hua'ñi ma'le najo ỹale llaalec ma' qoỹaanou'a na la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a chaqai na napaxaguinataxanaripi quena naqataxaquipi. Ca na'maxare ma'le, ca ỹaanec da la'qaatec quiyim qaỹalauat chaqai qoỹaanougui na mesqai judioipi.

Juan 10:31

Co'na'le, ca so judioipi lotqai iconapega na qa' quiyim ỹahotaque inaq so'maxare.

Juan 10:33

Ca' so judioipi 'naaco': —Qaica quet cá'maq 'em senaqsoq qami' quena qa' quená'ogue ná'maq ỹa'maqachiguiñi 'viichi', ta'ta'a quiyim qami' napaquiralec ñi qota'olec quenaua ra'qaataxahi'. Ma' qami' chaqaiqami' qom, qam chi no'viichiseguelta' quiyim qami' qota'olec.

Juan 13:18

Dá'maq sa'xatetac mesqai taỹaugui qamiá'ogue, ma' ỹim sa'deene' cauá'maq ñca'au'alo. Qam ipaquichigui ma'le dá'maq 'nerac yaua naneresañi na'qaatqa: “Cá'maq iqui'ỹaxaua, ca lotqai ñpa'guenaxaua.”

Juan 18:31

Ca 'naaco' so Pilato: —Viguii qamiri da'maxare, ca' dohilec ná'maq naqataxaquipi hueeto'oto qamiri, ca' chaqai michii qamiri. Ca' so judioipi 'naaco': —Qam ma' qomi' judío lase' qaica ca qana'qaatec quiyim 'ue ca salauataq.

Juan 21:19

Ca co'na' 'naac dajo, so Jesús ỹahotaco' quiyim ỹa'deenaxanaxanegue dá'maq 'neeta ma'le da lelauaxa so Pedro, chaqai dá'maq 'neeta quiyim imaqachin ñi qota'olec. Co'na' ime, ca 'naapego' so'maxare: —¡Co'uaachitegue aỹim!

Juan 3:14

Ca' chaqaida dá'maq 'ne'teco' so Moisés na' nanojshiguim so nadenqatec nanaic quiyi 'laua qaica qom, ca qai'neeta najo ỹale llaalec ỹouen quiyim qananojshiguim,

Juan 8:28

Vichiguiño' so Jesús 'naaco' queso qomyipi: —Ma' ỹovita quiyim nanorishiguim najo ỹale llaalec, ca qaiguemo' 'yiiñii quiyim chaqaỹim ná'maq ỹim, chaqai quiyim sqa soiquentac cá'maq so'uet, ta'ta'a quiyim sa'xat dá'maq ỹapaxaguinegue aỹim ñí'maq ita'a.

Hechos 7:59

Ca co'na' ñaq qainaqatac so Esteban, ca nqouagaxaintac, 'naaco': —Qami' ỹa'gaxala' Jesús, coñichiguit na ỹa'al.

Gálatas 3:13

Qam so Cristo quepaqataxanlgoto qomi' quedá'maq chalego lecaic qanouaxanaxaset quet chicqochigui so naqataxaquipi, ma' so'maxare npa'xanguit dá'maq chalego lecaic nouaxanaxaset talgoto quet qomi'. Ma' naua naneresañi na'qaatqa 'neracsa': “Chalego lecaic ca nouaxanaxaset quiñi qota'a ná'ogue ná'maq qaicoñirashiguim queca qo'paq.”

Deuteronomio 21:23

ca' ca loshicmaxa sqai neetashiguim nqohin quecá'ogue ca pe. Ta'ta'a quiyim qaishinñi queca na'xa'a, ma' chicqo'ot ñi qota'olec ca nouaxanaxaset cá'maq qaicoñirashiguim caca qo'paq. Ca' se napio'o nqai'ñii ca 'laua ỹaanema qamiri ñi qara'gaxala' qota'olec, ỹauaaque quiyim ralamaxarichii ra'aari. (22.1—23.1 Najo huaalec na 'xoic naqataxaquipi.)