Juan 18:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ca 'naaco' so qomyipi: —Quetqai mesqai sauaqhuaic, ca se ñauegaxau'a quet qami'.

Juan 18:30 Iomraidhean Croise

Marcos 10:33

Ca 'naaco' quesaua'maxare: —'Ajñii qamiri nagui saaqata'gue da Jerusalén, ca' yí, hua'ñi ma'le najo ỹale llaalec ma' qoỹaanou'a na la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a chaqai na napaxaguinataxanaripi quena naqataxaquipi. Ca na'maxare ma'le, ca ỹaanec da la'qaatec quiyim qaỹalauat chaqai qoỹaanougui na mesqai judioipi.

Marcos 15:3

Ca só'maq la'gaxalateripi na netaxaỹaxanqajanqaipi ỹaatqajam 'xoic na imaqateguelec quiyim lasauaxaset so'maxare.

Lucas 24:7

“Najo ỹale llaalec qoỹaanougui ma'le na sauaqhuaiquipi, ca' ma'le, ca qaipateno. Qam ma' ỹovirerec caua tres na'xata', ca lotqai liỹa nca'leuec nqohin.”

Juan 18:29

Vichiguiño' so nashi Pilato nenoxonec, ca inato' so qomyipi, 'naaco': —¿Negue' cá'maq maxaiteguelec quiyim lasauaxaset da ỹale?

Juan 18:31

Ca 'naaco' so Pilato: —Viguii qamiri da'maxare, ca' dohilec ná'maq naqataxaquipi hueeto'oto qamiri, ca' chaqai michii qamiri. Ca' so judioipi 'naaco': —Qam ma' qomi' judío lase' qaica ca qana'qaatec quiyim 'ue ca salauataq.

Juan 19:12

Co'na'le, ca so Pilato idaantaque ca la'maqa' quiyim ỹosouec so Jesús. Qam so judioipi ỹaualqatagui, 'naaco' quen: —¡No'm 'xañirec da'maxare, ca se nauochaxaua'e' ñi lashi na nashillipi neeta'ñi yi Roma! ¡Ma' canchaqaica quiyim npa'xan quiyim nashi, ca npa'guenaxaua ñí'maq lashi na nashillipi!

Hechos 3:13

Mesqaida. Qam ñi qota'olec ñí'maq huerelec sauá'maq 'au sachigoxosqauguilo Abraham, Isaac chaqai so Jacob ỹaanem quiyim paguec lichoxoric nqai'en so llaalec Jesús, só'maq qamiri 'ỹaañiu'a na nashillipi. Chaqai na' so Pilato ỹahotaque ỹosouec, qamiri sqa 'maxariñii.

2 Timoteo 2:9

Ca' chaqaida dá'maq 'em ña'ñaxachiguit da i'xoric, ca' chi ỹovireta'a quiyim qaycoñiretari', qohinta'gue quiyim 'ec aỹim 'xoic ca ỹasauaxaset. Qam da la'qaatec ñi qota'a se ncoñiretari'.

1 Pedro 4:15

No'm 'ue ca 'óna caqamiri 'ue ca le'xoric quiyim queeta'pegue' so Cristo, qam 'maxaraic quiyim sqai lauataxanaxai, loqo'm sqai cuataxai, loqo'm quiyim ỹo'ueetetac ca se no'uen, loqo'm quiyim taatapegueu'a ca ỹoqa'a.