Juan 18:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ca' so Jesús qaỹachigoxochichi'ñi yi la'a' so Caifás, ca qaỹauegueu'a yi la'a' so nashi Pilato. Qam mashic richiitegueñi, ca' so judioipi se inoxona'a yi nasoxoc so nashi, ma' ỹouetete'e quiyim napio'xot da nachaalataxac. Ma' chi no'ueenataxac dajo, ma' no'me', ca se ishit que'e queso na'ic hueetougui so na'xa'a quena' qaỹo'leente so na'xa'a quena' qoyique'e yi Egipto.

Juan 18:28 Iomraidhean Croise

Proverbios 1:16

ma' da llicyaxac taỹa'a yi se no'uen; ¡'xoic da lquipitqachic quiyim ỹocoraxata'pe caua neuo'!

Miqueas 2:1

¡'Xoraicolec ná'maq 'ue da la'deenataxanaxac quiyi pe quiyim ỹo'uet ca se ỹa'maxañi, ca quena' ỹovita yi na'xa'a, ca ỹo'uet, ma' hueeto'ot dá'maq nquesaxanaxa!

Mateo 27:27

Ime, ca' saua nale' so nashi ỹauegue' so Jesús ỹaueguereu'a so lauo' lodegaxat so'maxare. Ca lapoonta' sá'ogue so nalliripi so'maxare, ca qalapoỹau'a so Jesús.

Marcos 15:16

Co'na'le, ca' qaỹaueguec so Jesús queso nouaataxanyipi quiyi nasoxoc so nashi. Ca lapoỹata' sá'ogue so nouaataxanyipi.

Lucas 22:66

Ca co'na' mashic richiguiñi, ca lapoỹata' so qo'xoiquipi quena judioipi, chaqai saua lashil na netaxaỹaxanqajanqaipi, chaqai na rapaxaguinataxanta'pegue na naqataxaquipi. Ca' qaỹauegueu'a so Jesús so nashillipi ỹo'ueetegueñi na leloxoỹaxaquipi. Ca qainatetac, qohinac:

Juan 11:55

Qam mashic tot qoỹoqaque so lemaqachic na judioipi quena' qaỹo'leente so na'xa'a quena' qoyique'e yi Egipto. Ca 'xoic na chicqote'ogalo qomyipi quena liỹa na'aateripi, quepegue' yi Jerusalén, qaiyi ỹo'uet da no'ueenataxac quiyim nco'taxat na qomyipi, ma' noviro sojo na'xa'a lapoxoqui.

Juan 18:13

Co'na' ime, ca qaỹauegueu'a yi la'a' so Anás. Ca so Anás chi ladonaxanec so Caifás, ca chaqaiso' só'maq lashi na netaxaỹaxanqajanqaipi queso ñaaxa.

Juan 18:15

So Simón Pedro chaqai so liỹa napaxaguinatec co'uaatesalec so Jesús. Ca' so liỹa napaxaguinatec lauanatec so lashi na netaxaỹaxanqajanqaipi. Ca vichiguiño' so'maxare liỹaataho so Jesús quiyim inoxona'a yi nasoxoc so nashi.

Juan 18:33

Ca' so Pilato lotqai liỹa inoxono quiñi lauo', ca roỹaxane'oga so Jesús, ca inat: —¿Qami'o' na' qami' lashi na judioipi?

Juan 18:39

Qam qamiri 'ue da qatoiguii quiyim 'ue ca sosouec quena ncoñiitecseripi quena' ỹovire'oga yi na'xa'a quena' qaỹo'leente ca na'xa'a quena' qoyique'e yi Egipto. ¿Viitaque quiyim sosouec da lashi na judioipi?

Juan 19:11

Ca' so Jesús 'naaco': —Qami' qaica quet cá'maq rquesaxanaxa'e' quiyim sqai ỹaañiraxarom ñi qota'olec, quiyim shichi' 'ue ca 'ñiisa'gue aỹim. Qam cá'maq yayaano caqami', ca'maxare ỹaatqajam paguec ca lasauaxaset, sqai 'nejem qami'.

Juan 19:14

Qam 'oonoqui' na'xa'a saqa'leca ca ỹovire'oga so na'xa'a quena' qaỹo'leente na' qoyique'e yi Egipto. Ca mashic na'xa'a lavinñi na' so Pilato 'naapega so judioipi: —¡'Eda dá'maq rashii!

Juan 19:9

Ca lotqai liỹa inoxonougui ñi lauo', ca' inat so Jesús, 'naaco': —¿Negue' ca chicqoira'gue? Qam so Jesús i'maqata, qaica ca ỹa'xat.

Hechos 10:28

Ca' so Pedro 'naapego' so qomyipi: —Qamiri 'yiiñita queca judío le'ec qaỹapaxaguinegue quiyim ỹaatqajam se qaỹashiñiguit quiyim ỹalequeta'guit ca ỹoqa'a qomyipi loqo'm inoxonougui ca lauo'. Qam ñi qota'olec yapaxaguinegue quiyim sqai shinapega napio'o loqo'm se no'uen canchaqaica qom.

Hechos 10:32

Laataxañita ca ỹale dos leenqate' Simón Pedro, neeta'ñi yi na'a' Jope, neeta'ñi yi la'a' ca liỹa Simón, loshicmaxa lo'o, ñi lauo' neeto'ot yi lqodoc aso huaaxai. Ca ma' novi', ca 'ue ca ỹa'xat caqami'.”

Hechos 11:3

Qohinapego': —¿Chi'neco' ma' quirepegue'o' na mesqai judioipi, chaqai qui'ire'e' na'maxare?

Hechos 3:13

Mesqaida. Qam ñi qota'olec ñí'maq huerelec sauá'maq 'au sachigoxosqauguilo Abraham, Isaac chaqai so Jacob ỹaanem quiyim paguec lichoxoric nqai'en so llaalec Jesús, só'maq qamiri 'ỹaañiu'a na nashillipi. Chaqai na' so Pilato ỹahotaque ỹosouec, qamiri sqa 'maxariñii.

Hechos 4:27

Ma' llic quiyim so nashi Herodes chaqai so Poncio Pilato lapoỹata' quenajo na'a' lodegaxat, chaqai na chicqauec ỹoqa'a, chaqai na Israel laseripi quiyim npa'guene'e' so co'teeta qachaalqui' Jesús, só'maq rca'acshiqui' quiyim nashi nca'laxaqui.