Juan 18:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca' so Jesús 'naaco': —Aỹim ỹaatqajam ñachaxanta quená'ogue na qomyipi quena' setaqa, ca chaqai shintari' quena' sapaxaguinataxan cana lapoxoqui na judioipi chaqai cañi no'ueenaxanaxaqui quena Jerusalén, ñí'maq lapoxoqui ná'ogue na judioipi. Ca' ỹim qaica quet cá'maq ỹa'qaatec soxotetañi.

Juan 18:20 Iomraidhean Croise

Salmos 22:22

Ỹim sa'xat qami' ma'le quena ỹaqaỹaripi, semaqachintac qami' ma' salequetau'a ca lapoxoc.

Salmos 40:9

Ỹauanchigui nqaishin na 'xoic ralamaxarichi'ipi quiyim sachaxan dá'maq ỹaatqajam 'maxaraic. ¡Qami' ỹa'gaxala', ỹaatqajam 'yiiñite' quiyim se yi'maqata!

Mateo 24:26

Vichiguiño' no'm 'ue ca 'naac caqamiri: “'Ajñii, 'eda da nashi nca'laxaqui hueetalec yi 'laua qaica qom”, sqai quiipegue'. Loqo'm 'ue ca 'naac caqamiri: “'Iñi neetaugui ñi 'imec”, totaxan viilec.

Mateo 26:55

Co'na'le, ca' so Jesús 'naaco' queso qomyipi: —¿Chi'neco' ma' viita'ahi na lecaachiri chaqai naua nepoñiri quiyim naguii'oga aỹim mashic 'eco' ỹim cuataxai? Taxanta' naua'que na'xata' ñqa'xantañi quen salequetauguilo qamiri, sapaxaguinataxantac cañi no'ueenaxanaxaqui late'ogue' na'ñi yi Jerusalén, qam se ycoñirii.

Mateo 26:65

Co'na'le, ca' so lashi na netaxaỹaxanqajanqaipi nasectaxata'ahi saua loho. Dajo netanec quiyim chalego lauel. Ca 'naaco': —Dajo ỹale napaqueteguelec ñi qota'olec quenaua la'qaatqa. ¿Negue' quet ca liỹa qom souenaq quiyim ra'qaataxan? Ma' qamiri ỹaatqajam 'xaichigui dá'maq la'qaatec quiyim napaqueteguelec ñi qota'olec.

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Mateo 9:35

So Jesús ỹouoxontac sá'ogue so na'aateripi chaqai naua na'aaterolqai', rapaxaguinataxantac cana lapoxoqui na judioipi quecá'maq hueeta'ñi, ỹa'xatetac da no'uen na'xaỹaxac quiyim ñi qota'olec ỹoiquentac ná'ogue najo, chaqai ỹomatec na qomyipi quená'maq ỹoreta'oguit ralolaxa chaqai na le'ne'.

Marcos 8:32

Ca' dajo ỹa'xat, qam ỹaatqajam ichoxoteta. Co'na'le, ca' so Pedro ỹauegue'oguiyi nodaqajantec, ca retaxaỹa.

Lucas 21:37

Ca' so Jesús rapaxaguinataxantac quiyi na'xa'a cañi no'ueenaxanaxaqui late'ogue', ca' quiyi pe lelaqsoqo' aso qoỹoqoshi'megue 'laua leenaxat nananqa' ana qo'paq olivo.

Lucas 4:15

Ca rapaxaguinataxantapougui ná'ogue aná'maq lapoxoqui na judioipi. Ca ná'ogue na qomyipi ỹaatqajam imaqachintac so'maxare.

Juan 18:21

Ca' ¿chi'negue ma' yinachi'sac? Nachi' quet ná'maq na'xaỹaxantapiguiỹa', ca na'maxare ỹa'xat cá'maq 'neeta ca ỹa'qaatec. Ma' na'maxare ỹa'den dá'maq sa'xatetac quen.

Juan 6:59

Dajo rapaxaguinataxanegue so Jesús na' hueetaugui añi lapoxoqui na judioipi quiyi Capernaum.

Juan 7:14

Ca co'na' mashic lavinñi so nemaqachic, ca' inoxono so Jesús cañi no'ueenaxanaxaqui, ca rapaxaguinataxan.

Juan 7:26

Qam da'maxare ỹaatqajam nachaxanta quiyim retaqatac, qam qaica ca qohinegue. ¿Loqo'm mashic qai'neeta ná'maq nashillipi huelec da'maxare quiyim ỹaatqajam chaqaida dá'maq nashi nca'laxaqui?

Juan 7:28

Ca co'na' 'xaỹa dajo so Jesús ma' rapaxaguinataxantac cañi no'ueenaxanaxaqui, ca retaqa, qam nelamaxaren, 'naaco': —¡Ajá'a, ca' ỹim huañiua', chaqai 'yiiñii ca sachigoxogue! Qam se ñanoiquentac quiyim ñanac, ta'ta'a quiyim yila' ñí'maq ỹaatqajam lliqueta, ca' ñí ñí'maq sqai huañiỹapega.

Juan 7:4

Ma' cá'maq qom ỹahotaque quiyim qaiuana cá'maq ỹo'uet, ca' se nañoxotetañi quecá'maq ỹo'uet. Ma' mashic 'viichi' dajo, ca iuanchigui quet nqai'ñi' ná'ogue na qomyipi.

Juan 8:2

Ca na' richiguiñi queso liỹa na'xa'a, ca so'maxare lotqai pila'a añi no'ueenaxanaxaqui. Ca sá'ogue so qomyipi nqo'neu'a so'maxare, ca so'maxare nqa'amñi, ca chaqa'ma' rapaxaguinataxan.

Juan 8:26

Chaqai aỹim ñaqai 'xoic na ỹa'qaatqaipi ma'le caqamiri chaqai quiyim semit ca rasauaxashichii. Qam ñí'maq yila' ỹaatqajam lliqueta dá'maq ỹa'xat, chaqai dá'maq sa'xatetac quena qomyipi hueetalec na 'laua, chaqaina ná'maq sa'qaachigui la'qaatec ñi'maxare.

Hechos 26:26

Najo hueete'e ỹalequetauguilo qomi' ñi qarashi Agripa. Ñi'maxare ỹaatqajam ỹa'deenta dá'maq sa'xatetac. Vichiguiño' qaica ca youetaque, ca se lliyaqajnauec da ỹa'qaatec. Ma' ñi'maxare ỹaatqajam ỹa'deenta dá'ogue dá'maq sa'xatetac, ma' da'maxare se qoỹoxotetañi.