Juan 18:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qam 'xoico' ca no'oomaxa na'le, ca' so nelaatqaipi chaqai so nouaataxanyipi ỹo'ueeto' so lole', ca sá'ogue netontac, qam nachaatetañi. Ca' so Pedro ỹalequetaugui qai'neeta so qomyipi, netontac queso norec.

Juan 18:18 Iomraidhean Croise

Génesis 49:6

¡Ỹaatqajam se yqo'ta salequetau'alo caua lapooqote'! Ma' na' ro'ỹe', ca' ỹalauate' ca qomyipi, qaica quet cá'maq 'neeta, qam chaqai 'ñiigue, ca qaicchii' naua lichil so huacallipi.

1 Reyes 19:9

Ca co'na' ỹovita, ca taho'gue so lauac, ca hueetaho'gue 'óna pe. Qam ñi qara'gaxala' ỹovira'a so'maxare, ca 'naaco': —Elías, ¿negue' cá'maq 'ñi'sa'pegue quenajo?

Salmos 1:1

Chalego la'maxa queca qom quiyim sqai que'uegue na lapaxaguinataxanaxac na hualoxonyipi, chaqai se naỹa'a da 'neetari' na sauaqhuaiquipi, chaqai se ỹalecau'a cá'maq i'neetac ñi qota'olec;

Marcos 14:54

Ca' so Pedro co'uajalco' na'le so Jesús, qam qoỹoqo'chiguit. Ca chi ỹoviretau'o' so nasoxoc só'maq ỹaatqajam lashi na la'gaxalateripi na netaxaỹaxanqajanqaipi. Ca' quiyi, ca nqa'xantañi, ỹalequetauguilo saua nouaataxanaq lase', netonsapigui so norec.

Marcos 14:67

Ca aso'maxare co'na' iuane'ta so Pedro netontauaq queca norec, ca' ra'iito'oot, ca 'naaco': —Qami' qai'neeta, qami' nauegaxaua da Jesús Nazaret le'ec.

Lucas 22:44

Ca co'na' paguec da le'xoric, ca lotqai noquigaxatec da lquesaxanaxa da nqouagaxainaxac, chaqai na nenoxoỹaxa naquetac, 'ec naua leuo' ñitetañi quena 'laua.

Juan 18:25

Ca so Pedro ñaqaida nachaatetañi netontac queso norec. Ca lotqai liỹa qainat, qohinaco': —¿'Eco' qami' qai'neeta lliquisaugui so lapaxaguinatqaipi da ỹale? Ca so Pedro noqollictegue, 'naaco': —'E', mesqaỹim.

Juan 18:3

Ca' so Judas ỹovira'a yi'maxare. Qam 'ue so nalliripi chaqai saua nouaataxanaq lase' neloxoỹa' cañi no'ueenaxanaxaqui qanelarerec queso lashillipi na netaxaỹaxanqajanqaipi chaqai na fariseoipi. Qam ỹaatqajam naloochiguiñi na lo'goxonqateripi, chaqai ne'xateta na lcoỹeraxanqateripi.

Juan 21:9

Ca co'na' ỹovirereta quiyi 'laua, ca natenterelec so norec nodaachiguiñi lpoqo qailliitalec so nallin, chaqai qai'neeta 'ue so pan hueeta'anyi.

Hechos 4:23

Ca' so Pedro chaqai so Juan mashic qaỹosoorec, ca' que', querepegue' ca hueeta'ñi ca liỹaripi, ca ra'qaataxanta'pe quedá'ogue dá'maq qaỹa'xatema queso lashillipi na netaxaỹaxanqajanqaipi chaqai queso qo'xoiquipi.

1 Corintios 15:33

Sqai 'xañiigue quiyim 'ue ca nayinaxaguii. 'Nejem da 'neeta da na'qaatec: “Ca qom se no'uen ishit na'axat ca no'uen no'ueenataxac ca liỹa.”