Juan 18:12 - La'qaatqa ñi qota'olec Qota'olec & Qota'olec Novita Na Qomyipi

¹² Co'na'le, ca so neetaho nouaataxanaq, liỹaatac so lashi, chaqai so nouaataxanaq quena judioipi, iconlec so Jesús, ca' coñite' naua laua'.

Juan 18:12 Iomraidhean Croise

Génesis 22:9

Ca co'na' ỹovijta cá'maq ỹicapi'ñi ñi qota'olec, ca' so Abraham ỹo'uet aso lcopatoxonaxalate, ỹa'maxajñi ca qo'paripi; ca na' ime, ca ỹaxat so llaalec Isaac, ca' illaalec aso lcopatoxonaxalate pa'xanashiguim queca qo'paripi.

Génesis 40:3

Ca relaataxanlgoto quiyim qaicoñite' quiñi ncoñiitaxanaxaqui quiyi la'a' so lashi so neloxoỹaripi, queso lashi yi Egipto. Ca chaqaiyi neeta'ño' so José ncoñiiteguesec.

Salmos 118:27

Ñi qara'gaxala', ñi'maxare qota'olec, ¡ñí'maq coỹaretalgoto qomi'! Taañi nqai'ñii ca nemaqachic, 'xachii ana qo'paq lasote, viraxachiỹau'alo naua 'ec lasote ada ncopatoxonaxalate.

Mateo 26:57

Ca sauá'maq coñite' so Jesús, ỹaueguereu'a yi la'a' so Caifás só'maq paguec la'gaxala' so netaxaỹaxanqajanqaipi, ca shi'co' lapoota'ta' na'le so rapaxaguinataxanta'pegue na naqataxaquipi chaqai so lqo'xonqaipi na judioipi.

Mateo 27:2

Ca qaicoñireta'ta' naua lqai'laqate', ca qaỹauega'a so nashi Roma le'ec Poncio Pilato.

Mateo 27:27

Ime, ca' saua nale' so nashi ỹauegue' so Jesús ỹaueguereu'a so lauo' lodegaxat so'maxare. Ca lapoonta' sá'ogue so nalliripi so'maxare, ca qalapoỹau'a so Jesús.

Marcos 14:53

Co'na'le, ca' qaỹauega'a so Jesús só'maq ỹaatqajam lashi na netaxaỹaxanqajanqaipi. Co'na'le, ca lapoỹata' sá'ogue so lashillipi na netaxaỹaxanqajanqaipi, chaqai so qo'xoiquipi, chaqai so rapaxaguinataxanta'pegue na naqataxaquipi.

Marcos 15:1

Ca co'na' mashic richiguiñi, ca' so la'gaxalateripi so netaxaỹaxanqajanqaipi chaqai so qo'xoiquipi chaqai so rapaxaguinataxanta'pegue na naqataxaquipi chaqai sá'ogue só'maq nashillipi ỹo'ueetegueñi na leloxoỹaxaquipi nanchaqaina, sá'ogue lapoỹata', ca' qoỹaxateta so Jesús, ca' qaỹauegueu'a so Pilato.

Lucas 22:54

Ca qaiconleco' so Jesús quiyim qaicoñi', ca qaỹauegueu'a ca la'a' so lashi na netaxaỹaxanqajanqaipi quena' qaretaxaỹa'pegue' ñi qota'a. Ca so Pedro coỹaretaho queso'maxare, qam qoỹoqo'chiguit.

Juan 18:3

Ca' so Judas ỹovira'a yi'maxare. Qam 'ue so nalliripi chaqai saua nouaataxanaq lase' neloxoỹa' cañi no'ueenaxanaxaqui qanelarerec queso lashillipi na netaxaỹaxanqajanqaipi chaqai na fariseoipi. Qam ỹaatqajam naloochiguiñi na lo'goxonqateripi, chaqai ne'xateta na lcoỹeraxanqateripi.

Hechos 10:1

'Uo' so ỹale leenaxat Cornelio na'ñi yi Cesarea. So'maxare nouaataxanaq lashi, reloqota'a so cien nouaataxanaq qaỹamata'gue Italia laseripi.

Hechos 21:31

Ma' qaỹahotaque qaỹalauat so'maxare, qam mashic ỹovi' da la'xaỹaxac so nouaataxanaq lashi quiyim mashic ro'o yá'ogue yi na'a' lodegaxat Jerusalén.

Hechos 21:37

Qam co'na' sham qainoxonaxato so Pablo quiyi la'a' so nouaataxanaq, ca 'naapega so nouaataxanaq lashi: —¿Tegue' chi seshit sa'ue ca ỹa'qaatec? Ca' so nashi 'naaco': —¿'Yiiñi'o' naua griego la'qaatqa?

Hechos 23:10

Ca mashic ỹapaguelec da co'uaxac, ca' so nouaataxanaq lashi 'ue da lqolonaxa quiyim qano'chiguigui so Pablo. Ca relaataxana'alo saua nouaataxanaq lase' quiyim qarouootaxana'gue so Pablo, ca qaỹopilaxata'a yi la'a' so nouaataxanaq.

Jueces 16:21

Ca' so filisteoipi ỹaconlec so'maxare, ca naqate' saua nqote', ca' qaỹauega'a yi Gaza. Ca' qaicoñira'gue so caréno chicqaugui na bronce. Ca ro'ueenataxan nqohin caso nopoxoiqataxanaxaqui qa' caso ncoñiitaxanaxaqui.