Juan 18:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ime 'naac dajo, ca' so Jesús eec, nauequetecto saua lapaxaguinatqa, taita'gue da laseego so ñaachi leenaxat Cedrón. Hua'ño'yi so nanecse loma', ca' so Jesús taugui, liỹaata'pe saua lapaxaguinatqa.

Juan 18:1 Iomraidhean Croise

Génesis 2:15

Ca co'na' ñi qara'gaxala' qota'olec mashic ỹanalec so qom yí'maq nanaxanqa' quiyi Edén quiyim ro'ueenataxanlec chaqai cochiỹa.

Génesis 3:23

Ca' vichiguiño' ñi qara'gaxala' qota'olec naqata'a so ỹale, ca'e nqai'en yi nanaxanqa' huaugui yi 'laua leenaxat Edén. Ca' ỹo'uet nqai'en na 'laua ná'maq chicqaugui na'le so'maxare co'na' qaỹo'uet.

2 Samuel 15:23

Ca' sá'ogue so qomyipi ỹaatqajam noỹen na' paca'ta so ñaachi Cedrón. Na' ime, ca' ỹapacta so nashi, ca sá'ogue so qomyipi 'aueta queso'maxare queso nayic taỹa'a yi 'laua qaica qom.

2 Reyes 23:12

Chaqai ỹosogui qai'neeta aso lcopatoxonaxalate no'xonshiguim so nashillipi quiyi Judá, qaipa'xanashiguim quiñi lauo' so Acaz, chaqai aso lcopatoxonaxalate so Manasés só'maq no'xonshiguim na'le, ỹanalec so nasoxoc añi no'ueenaxanaxaqui quiñi qara'gaxala'. Ỹopoxoỹaxachigui, ca inaxañigui so ñaachi Cedrón.

2 Reyes 23:4

Ca' so nashi Josías 'naapega so Hilcías só'maq lashi na netaxaỹaxanqajanqaipi chaqai só'maq lotaua so'maxare, chaqai so lasom lo'ollipi, quiyim qanaqatec caso no'ueenaxanaxaqui sá'ogue so nadenqatec lqui'illipi so Baal chaqai aso Asera chaqai sá'ogue so nadenqatqaipi piguim laseripi. Ca' copata'a pa'aauec nqai'en quiyi Jerusalén yí'maq no'ueenaxa quiyi ñaachi Cedrón. Ca' so lo, ca' ỹodo'gue da Betel.

2 Reyes 23:6

Ime, ca' naqatec quiyi Jerusalén aso lqui'i aso nashiila Asera qoỹantaugui añi lo'ueenaxanaxaqui ñi qara'gaxala', ca' ỹavigaxat, hua'ñi nqai'en yi ñaachi Cedrón, sá'ogue alo nqai'en. Ca' imejlec so napalyipi.

Nehemías 2:15

Ca ma' ñaqai pe na'le, ca shiquete'uegue aso ñaachi Cedrón, ca na' ime sa'ajantac so nquepaqataxanaxat, ca' sopilo shiquetou'gue so lasom na'ñi so ca'megue.

Mateo 26:30

Ca co'na' ime ỹo'ueensac so no'ueenec, ca querepegue' aso quemaralec late'ogue' nananqa' ana qo'paq olivos.

Mateo 26:36

Co'na' so Jesús chaqai saua lapaxaguinatqa ỹovijta yi 'laua leenaxat Getsemaní. Ca 'naaco' quesaua'maxare: —Nqa'xañiñi quenajo, ca' ỹim shicpegue' yijo ñqouagaxain.

Marcos 14:26

Ca co'na' mashic ime so lo'ueenaxanaxague', ca' que', querepegue' aso quemaralec ladocai, loma' ana qo'paq leenaxat Olivos.

Marcos 14:32

Ca co'na' ỹovijta yi leenaxat Getsemaní, ca' so Jesús 'naaco' quesaua lapaxaguinatqa: —Nqa'xañiñi quenajo, ca' ỹim saiquerajo, ñqouagaxain.

Marcos 14:42

Ne'laxachishiguim, qolaq, ma' mashic novi' ná'maq yayaano.

Juan 14:31

Qam chaqaida dá'maq qohine'tegue, qaiyi ná'maq hueetalec na 'laua ỹa'den quiyim aỹim se'xoren ñi qota'a, chaqai quiyim so'uet cá'maq yilarelec. Ne'laxachishiguim. Qolqa'e najo.

Juan 18:26

Ca lotqai qainato' queso lelaatec so lashi na netaxaỹaxanqajanqaipi só'maq chi lauo' le'ec so ỹale só'maq so Pedro nouaxanec na'le aso lque'la: —¡'Eco' seuana qami' na'le quiyi nanecse loma' riỹa'isac da'maxare!

Hechos 21:11

Nouoỹalo qomi'. Ca ỹacona so nosaataxaqui so Pablo, ca coñite' naua lichil chaqai naua laua' queso'maxare. Ca 'naaco': —Da la'qaataxanaxac so Espíritu Santo 'naac na judioipi quiyi Jerusalén 'ne'tegueda nqai'en ca ncoñiitaxac cá'maq looỹac nataq saataxaqui. Ime, ca' qoỹaano, qoỹaanem na sqai judioipi.