Juan 17:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' nagui, qami' ita'a, sahotaque sentau'a na rahi'i', chaqai 'ỹaañitem aỹim dá'maq imaqachic na' ñaqai sento'ot qami' na' saqa'leca na 'laua.

Juan 17:5 Iomraidhean Croise

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Juan 10:30

Ỹim chaqai ñi ita'a qomi' 'oonoqui'.

Juan 14:9

Ca' so Jesús 'naaco': —Felipe, shi'gom iỹareta'pe qamiri, ¿qam saqa' huañirapiguiỹa'o'? Cá'maq iuana ỹim, ca' iuana ñi qota'a. Ca' ¿chi'negue ma' yashiila'isac quiyim huañita ñi qota'a?

Juan 17:1

Ca co'na' ime 'naac dajo, ca' so Jesús ra'ishiguim quena piguim, ca 'naaco': —Qami' ita'a, mashic sovita yi ỹaloqo' quiyim maqachiñi' najo qachaalqui', qaiyi qai'neeta ná'maq qachaalqui' imaqachin aqami'.

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.

Juan 3:13

Ma' qaica ca taigue da piguim, ta'ta'a ná'maq nenojñi chicqashiguim queda piguim, ná'maq qohinac ỹale llaalec, chaqai'en neeta'gue da piguim.

Juan 8:58

Ca' so Jesús 'naaco' queso qomyipi: —Ỹaatqajam llic da shinac caqamiri, quiyim na' saqa'leca so Abraham, ca' shi'gue 'ue aỹim.

Filipenses 2:6

Ma' so'maxare 'eno'm mashic ỹantañi da no'ueenataxac ñi qota'a, qam se ipaca'pegue' quiyim 'nejem quet ñi qota'a.

Hebreos 1:10

Qai'neeta 'naaco': Qami' ná'maq ỹaatqajam qami' na'gaxala', 'auaxanchiriñi 'viichi' no'xoñirishiguim na 'laua, chaqai naua rqai'laqachichi' lo'ueenategue' na piguim.

Hebreos 1:3

Ca' chaqaiso so lqai'legaxa dá'maq lauaq ñi qota'a, chaqai so'maxare chaqaiso só'maq 'nejem da no'ueenataxac ñi qota'a, chaqai so'maxare só'maq nolliitañi ná'ogue nanchaqaina queda lquesaxanaxa da la'qaatec. Ca co'na' ime co'taxate' qomi' quena qarasauaxaset, ca' nqa'xanñi quiyim nashi queda loic yi nqa'xanqa' ñi qota'a queda piguim.

1 Pedro 1:20

So Cristo chaqai'eno' qaỹa'maxatetañi quiyim qoỹaano na' saqa'leca na 'laua, qam chaqainaquita nagui re'oq nqohin quenaua pa'aaterec na'xata', ma' qaỹahotaque quiyim ra'maxaiñi qamiri.

1 Pedro 1:21

Ma' chicqochigui so Cristo quiyim qamiri viilec ñi qota'a ñí'maq liỹa nca'laxatec na'le so'maxare queda lelauaxa, ca' ỹaanem quiyim qaimaqachin. Vichiguiño' qamiri 'ue da rpi'ỹaxaguii chaqai da naquitaxaguii quiñi qota'a.

1 Juan 1:2

Ca' sojo chicqaugui da nca'laxa nachaxan, ca' qomi', seuanaxa, ca' qomi' sa'xatqatac so'maxare. Ca' sechoxotqaima qamiri dajo nca'laxa sqaica lqodoc, dá'maq hueeto'oto' na'le ñi qota'olec, ca' nachaxanalo qomi' na'le.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.

Apocalipsis 3:21

Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.