Juan 17:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Naua'maxare sauaxate' quiyim ñañaanot aqami', qaiyi naua'maxare qai'neete' nañaantot aqami', quiichigui nqai'ne' da lliqueta.

Juan 17:19 Iomraidhean Croise

Isaías 62:1

Paguec da i'xorenataxanaxa caqami', qami' Sión, qaỹamata'gue Jerusalén, vichiguiño' se yi'maqata qaica ca shinac chaqai se ñco'matec, vire'to' ma' re'oq ca qadoxonaxanaxaqui', 'ec quiyim re'xolecna, chaqai da rca'laxa'e' ma' 'ec aca ncoỹeraxanaxaqui ỹaviquetaugui.

Jeremías 1:5

Na' saqa' saanem qami' da nachaalataxaqui', ca ica'acsec qami'; na' saqa' ne'qa'iriñi, chaqa'ma' soỹootec aqami'; sahotaque qami' itaxaỹaxanqajnec quená'ogue na ỹoreta'oguit qomyipi.

Juan 10:36

Chaqai no'm ñi qota'olec ỹoỹoote'oga ỹim, ca yilata na 'laua, ca ¿negue' quet cá'maq 'neeta quiyim 'ñiỹac ñapacalec ñi'maxare quiyim shinac ỹim llaalec ñi qota'olec?

Juan 15:13

Dá'maq paguec lecaic ne'xorenataxanaxa quiyim hueeto'ot ca qom 'neetasa': quiyim ca qom ishit ỹaanec da nachaalataxac queca nauochaxaua.

Juan 15:3

Chicqochigui da ỹapaxaguinataxanaxac quiyim qamiri mashic co'chiita.

Juan 17:17

Ca ỹoochira'oga ma'le na'maxare, qaiyi ralamaxarichi', chicqochigui nqai'ñi' dá'maq lliqueta; da ra'qaachiqui' dá'maq lliqueta.

Juan 17:20

Qam mesqainauate' sashiilaxanlgoto caqami', qai'neeta ná'maq huelec aỹim ma'le, ma' 'xaỹa ca la'qaategue' naua'maxare.

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

2 Corintios 4:15

Dá'ogue dajo mashic re'oq, ma' qaỹahotaque ca re'maxahi, qaiyi ma' 'xoic ca icoñiguit ca lqouagaxa ñi qota'a, ca qai'neeta 'xoic ca ỹaanshiguim ca na'aachic ma'le, ma' dajo taỹaugui quiyim qaimaqachin ñi qota'a.

2 Corintios 7:14

Ma' ỹim mesqai se ya'maxañi na' shinac queso Tito quiyim ñitoonta'peguelo qamiri. Ma' dá'ogue dá'maq shinqac na'le caqamiri ỹaatqajam lliqueta, chaqai qai'neeta lliqueta dá'maq shinqapega na'le so Tito quiyim ñitoonqata'guelo qamiri.

2 Corintios 8:9

Ma' shi'gue 'yiiñii da lqouagaxa so qara'gaxala' Jesucristo. Ma' so'maxare ỹaatqajam nesallaxanec, qam ne'xoresentam, ma' paguec da le'xorenataxanaxa caqamiri, qaiyi qamiri nesallaxanqa, chicqochigui dá'maq le'xoric so'maxare.

Colosenses 1:6

Dajo na'qaatec dá'maq qaỹa'xatema qamiri na'le, chaqaida dá'maq noquiiquetashiguim, ca re'oq da laỹaxac quená'ogue na 'laua. Qaican ỹapaguec na'le caqamiri na' qaỹa'xatema qamiri da le'xorenataxanaxa ñi qota'a, ca 'yiiñii dajo quiyim chaqaida dá'maq ỹaatqajam ne'xorenataxanaxa.

1 Tesalonicenses 4:7

Ma' ñi qota'a roỹaxanalo qomi' quiyim co'teeta nqai'en da qanachaalataxac, vichiguiño' se ỹa'maxañi quiyim ñapio'xotaq da qanachaalataxac.

2 Timoteo 2:10

Vichiguiño' ña'ñaxachiguit ná'ogue nanchaqaina, ma' sahotaque quiyim na qota'a lca'acseripi ỹovira'oga da nca'laxa chalego loyac chaqai sqaica lqodoc. Dajo nca'laxa taỹoto qomi', ma' mashic ña'daqatau'a so Cristo Jesús.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Hebreos 10:29

Ca ¡huose'quet sqai hueetapigui qavillii quiyim paguec lecaic ca nouaxanaxaset cá'maq 'eco' co'ueetapigui so llaalec ñi qota'a, chaqai liỹoqa'piguita saua leuo', chaqai quiyim ishiuentac so ne'Espíritu ñi qota'a ñí'maq re'xorenataxantac! Sauajo neuo' chaqaisaua sauá'maq i'taxachiriñi da 'maqataxac, chaqai chicqochiguilo quiyim co'teete' nqohine' saua'maxare.

Hebreos 2:11

Ma' ná'maq qaico'taxat da nachaalataxac, chaqai só'maq quiỹoxontac, na'maxare 'oonoqui' ñí'maq qota'a quena'maxare. Ca vichiguiño' so llaalec ñi qota'a se nayiloxon quiyim roỹaxana 'naac lqaỹaripi.

Hebreos 9:13

Ma' nauá'maq leuo' na huaqui llaalec chaqai na quetaq llaalqaipi chaqai na lo ana huaqui llaale quena' qaỹavigaxat, ca qaỹochigoxolec ná'maq 'ec napio'o, na'maxare llic 'ue da lquesaxanaxa quiyim quiỹota chaqai quiyim co'taxateta ná'maq pa'aauec.

Hebreos 9:18

Ca vichiguiño' só'maq 'auaxaic 'maqataxac co'na' qaỹo'uet, qai'neeta ỹouen quiyim qaỹocoraqta'pe saua neuo'.

Hebreos 9:26

Ma' quetqai chaqaido' 'neeta dajo, ca 'xoic quet quiyim qaỹalauat chicqochi'ñi na' ñaqai chita'gue qaỹo'uet na 'laua. Qam nagui ma' mashic imiguilo nqohine' naua na'xata', ca re'oq so Cristo nachaxan 'oonoqui', ca' dá'ogue ỹomachigui. Ma' chi nañaanalta' so'maxare, qaiyi naqat ná'ogue na nasauaxaset.

1 Juan 3:18

Qamiri ỹaalqolqa, quedajo qare'xorenataxanaxa 'neeto' chi nodaachiriñi naua qara'qaatqa. Ta'ta'a quiyim ỹaatqajam 'chichiguiñi ne'xorenataxanaxa quiyim re'qoota nqaishinaq cá'maq so'ueetaq.

1 Juan 3:3

Ca' ná'ogue ná'maq hueeto'ot dajo quitaxac queso'maxare, ca' se ỹalliguiguit na se no'uen nqai'en da nachaalataxac, 'nejem nqai'en dá'maq 'neetari' so Jesucristo, ma' ỹaatqajam co'teeta da nachaalataxac.