Juan 17:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca ỹoochira'oga ma'le na'maxare, qaiyi ralamaxarichi', chicqochigui nqai'ñi' dá'maq lliqueta; da ra'qaachiqui' dá'maq lliqueta.

Juan 17:17 Iomraidhean Croise

2 Samuel 7:28

Qami' ỹa'gaxala', ỹaatqajam qami' qota'olec chaqai naua ra'qaataxahi' ỹaatqajam lliquete' chaqai chalego da rqouagaxa'e' chaxañisapeguem najo relaachiqui'.

Lucas 8:11

Ca' 'eda da 'neeta só'maq saloqojnaxantapega: Aso nanecse la chaqaida da qaỹa'xatetac la'qaatec ñi qota'olec.

Lucas 8:15

Qam asó'maq nanecse tajlec yi lo'yaxanec 'laua, ca 'nejem ca qom lo'yaxana aca le'taxanata, ca ỹa'maxate'tegue da na'xaỹaxanaxac, chaqai huelec da na'qaatec, chaqai quejlec. Se qoshiiuec, ca' ỹaatqajam 'ue da loquigaxac da laỹaxac.

Juan 15:3

Chicqochigui da ỹapaxaguinataxanaxac quiyim qamiri mashic co'chiita.

Juan 17:19

Naua'maxare sauaxate' quiyim ñañaanot aqami', qaiyi naua'maxare qai'neete' nañaantot aqami', quiichigui nqai'ne' da lliqueta.

Juan 8:32

Chaqai huañiỹa dá'maq ỹaatqajam lliqueta, ca' dajo lliqueta, ca ỹosoorec ma'le qamiri.

Juan 8:40

Ma' quiyim ỹim sa'xatema qamiri dá'maq ỹaatqajam lliqueta ỹapaxaguinegue aỹim ñi qota'olec, qam qamiri viitaque yalauachii. ¡Qam so Abraham se ỹauanapega 'ue ca ỹo'uet 'nejem dajo!

Hechos 15:9

Ñi qota'olec se ỹoỹoota'chi coqomi' quena'maxare, ma' qai'neeta co'taxat añi le'taxanata chicqochigui nqai'en da lpi'ỹaxac.

2 Corintios 3:18

Vichiguiño' qomá'ogue mashic tot qaica ca lapooque' na qarashic, ca shinqatari' aca na'ỹoxolate quiyim re'qoota na lauaq so qara'gaxala', ca' ñoquiicqatauec quiyim shinqatam so Cristo, ma' noquiiquetauec dá'maq lauaq so'maxare coqomi'. Qam dajo ỹo'uet só'maq qara'gaxala', ma' Espíritu Santo.

Efesios 4:21

no'm ỹaatqajam 'xaichigui dá'maq na'qaatec na'le queso'maxare, chaqai qaỹapaxaguinque qamiri so'maxare quiyim nachiñi'chiguit nqohin dá'maq lliqueta chicqo'ot so Jesús.

Efesios 5:26

Dajo 'ne'tegue, ma' ỹahotaque co'taxateta ná'maq mashic icoñiguit da na'qaatec, ỹahote'e na huaxaỹaq, chaqai naua la'qaatqa,

2 Tesalonicenses 2:13

Qam qomi' se neme quiyim saanqatecshiguim qana'aachic quiñi qota'a caqamiri, ma' qamiri qanauochaxaua' qarqaỹa' queso qara'gaxala'. Ma' ñi qota'a nca'au'alo qamiri na' ñaqa 'avichiguiñi, qaiyi rca'lliuec. Qam dajo nca'laxa chicqo'ot so Espíritu Santo só'maq 'em quiyim qamiri lalamqate' ñi qota'a, chaqai chicqochigui nqai'en dá'maq ỹaatqajam llic na'qaatec dá'maq viilec.

Santiago 1:21

Vichiguiño' 'xañiỹac ná'ogue ná'maq ỹo'maqajnac ca qom, chaqai ná'ogue na se no'uen. Qaidaata quiyim ne'xorishiñita coñiguit da la'qaatec ñi qota'a, dá'maq mashic qoỹanlgoto naua re'taxanatahi. Ma' dajo na'qaatec 'ue da lquesaxanaxa quiyim nca'laxaterec qamiri.