Juan 17:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Se sashiilaxanta'que quiyim naqachi' quena 'laua, ta'ta'a quiyim quepaqataxañirelgoto queso na'ỹaapec.

Juan 17:15 Iomraidhean Croise

Génesis 48:16

ñí'maq qota'olec lelaatec piguim le'ec, ñí'maq ro'ootaxanteguelec aỹim quená'ogue na se no'uen, ñi'maxare no'ueenaxat ca llicyaxague' nauajo ñaaqolqa. Chaqai quiyim chicqochiguilo naua'maxare quiyim se qaicoua'e da ỹeenaxat chaqai da leenaxat so ỹapi' Abraham chaqai so ita'a Isaac. Chaqai quiyim 'xoic ca llaalqaipi naua'maxare quena 'laua.

Salmos 121:7

Ñi qara'gaxala' ro'ootaxanteguelec qami' quenaua'que nauá'maq 'ue da lichigue'; ñi'maxare cochiitapega da nachaalataxaqui'.

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Mateo 5:37

Ta'ta'a quiyim 'ñiỹac: “ajá'a” loqo'm “'e'”. Ma' cá'maq qaỹoqoto na'qaatec quedajo, ca' chicqo'ot so na'ỹaapec.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Lucas 11:4

Chaqai palaxachi' na qarasauaxaset, ma' qomi' qai'neeta sapalaxataq ná'ogue ná'maq se no'uen ca 'neeta'pegue coqomi'. Chaqai sqa shiñichiguita qomi' ca qane'guenaxac, qaidaata quiyim 'ootaxañiseguelgoto qomi' queca se no'uen.

Lucas 22:32

qam aỹim ñqouagaxainteguelec qami', qaiyi sqo viñire'e ca rpi'ỹaxaqui'. Qam qami' ma' ỹovita quiyim rapillita ỹim, tauañi'o' na rqaỹachi'ipi, qaiyi qaidaata 'neetari' da lpi'ỹaxac.

Gálatas 1:4

só'maq nañaañiguit na'le da lelauaxa sauaxat naua qarasauaxasete', qaiyi nca'laxaterec qomi' quená'ogue na se no'uen huelec na 'laua. Ca' ipacqajanchigui dá'maq ỹahotaque ñi qota'olec coqomi'.

2 Tesalonicenses 3:3

Qam so qara'gaxala', ma' se napacalec da la'qaatec, ỹaatqajam nolliichiriñi qamiri, chaqai ro'ootaxanlgoto qamiri quena se no'uen.

2 Timoteo 4:8

Ca' nagui nauaantaiguit ca ñishiue' quedá'maq lalamaxa da ñachaalataxac, qam dajo nañaañim so qara'gaxala' Jesús quecajo na'xa'a, só'maq se ỹo'maac quiyim imit ca qom. Qam mesqaỹimeta nañaañim, ma' qai'neeta ỹaanem ná'ogue ná'maq 'xoic lqo'iichi queca loviraxac.

1 Juan 5:18

Sa'deenaq quiyim cá'maq ỹaatqajam 'neeta'gue ca leta'a ñi qota'olec se ỹo'uet ca lasauaxaset, ma' so llaalec ñi qota'a cochiitapega, ca' so na'ỹaapec se quehocau'a.

1 Juan 5:19

Sa'deenaq quiyim qomi' lalamaxarete' ñi qota'a, chaqai quiyim ná'ogue na qomyipi ná'maq hueetalec ana 'laua qoỹoiquentac queso na'ỹaapec.