Juan 17:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ỹim totqa senalec na 'laua, qam naua'maxare no'ueendalec na 'laua. Ma' ỹim shic saiquena, qaiyi qoma'que quecá'maq senqata'ñi. Qami' ita'a, ma' qami' co'teeta, vise'e da rquesaxanaxa'e' quiyim quepaqataxañiseguelec ná'maq nañaañi', qaiyi ná'ogue neconta'ta', 'neesari' maỹim caqami'.

Juan 17:11 Iomraidhean Croise

Isaías 64:2

'nejem quena' na norec ỹavic nqai'en na 'uaqapi, loqo'm quena' ni'ỹaamaxat na huaxaỹaq. Ca queta'le na npa'guenaxaua'e'ipi ỹa'den queta'le da qadeenaxachi' chaqai na ỹoreta'oguit qomyipi i'loxol queda lqolonaxa caqami'.

Jeremías 14:7

¡Qami' qara'gaxala', 'eno'm na qarasauaxaseteripi re'qoote' nqai'ne' qomi', qam 'ueenataxañi', ca maqachiñi' da qadeenaxachi'! Ỹaatqajam shi'gom se qaraqamaq caqami', ca' 'ue da qarasauaxaset caqami'.

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Mateo 5:48

Ca' ỹaatqajam 'maxaraic nqai'ñii ca no'ueenataxaguii, qaiyi 'ñiitari' ñi qota'a ñí'maq viilec neeta'gue da piguim ỹaatqajam 'maxaraic naloochiguiñi da no'ueenataxac.

Mateo 6:9

Ca ma' nqouagaxaiñii, ca 'ñiỹaco'sa': Qami' qota'olec ma' ñiiso'ot na piguim, qaimaqachin dá'ogue da qadeenaxachi'.

Juan 13:1

Ca quesó'maq liỹa na'xa'a, ca noviro so lapoxoc quiyim qaỹo'leente na' qoyique'e yi Egipto, ca' so Jesús ỹa'den quiyim ỹovita ca laloqo' quiyim ca'e na 'laua, ca quepegue' ñi leta'a. Qam so'maxare chaqai 'neetari' da lauochaxa queso lalamqateripi no'ueenalec na 'laua, ca' nagui ỹachaxanalo saua'maxare dá'maq paguec lecaic lauochaxa.

Juan 14:20

Ca' quecajo na'xa'a, ca' retañii ma'le quiyim ỹim seuetagui ñi ita'a, chaqai qamiri viitagui aỹim, chaqai aỹim seuetauguilo qamiri.

Juan 16:28

Chaqai ỹaatqajam sachicqo'tot ñi qota'a na' ñanacpegue' na 'laua, qam nagui shique'e na 'laua, ma' sopila ñi qota'a.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Juan 17:23

Ỹim quenaua'maxare, chaqai qami' caỹim, qaiyi naua'maxare ỹovirera'a quiyim 'ec 'oonoqui', qaiyi quedajo, ca' na qomyipi hueetalec na 'laua retan quiyim qami' yilachi', chaqai quiyim ỹaatqajam 'xoriñi', 'nejem dá'maq re'xorenataxanaxa'e' caỹim.

Juan 17:25

Qami' ita'a 'maxaraic dá'maq 'viichi', na qomyipi hueetalec na 'laua se ỹauanapega qami', qam ỹim seuañiraxaua', chaqai nauajo shi'gue ỹa'deene' quiyim qami' yilachi'.

Juan 17:6

Ca nauá'maq qami' rca'acshichi' quena 'laua, ca' nañaañirim, naua'maxare sa'deenaxanaxaneguelo aqami'. Ma' ralamqachichi' naua'maxare, ca' qami' nañaañirim, ca naua'maxare na'xaỹaxanteta da ra'qaachiqui'.

Juan 7:33

Ca co'na'le, ca 'naaco' so Jesús: —Chaqai cocho'qui' salequeta'guita qamiri, ca ma'le, ca sopila ñí'maq yila'.

Hechos 3:21

Qam nagui ỹouen quiyim ñaqai neeta'gue da piguim so Jesucristo, ma' saqa' ỹovita ca na'xa'a quiyim ñi qota'olec ỹa'maxajñi dá'ogue da lo'ueenataxanaxac. Ma' chaqai 'naac ñi'maxare na' retaqaugui so 'auaxaic co'teeta la'qaataxanqajanqaipi.

Romanos 12:5

Ca' chaqaida 'neeta coqomi', 'eno'm qomi' 'xoic, qam 'oonoqui' na qaroshicmaxa ma' ña'daqatau'a so Cristo. Ca' qarenoqueta'ta', 'nejem na louenqaipi na noshicmaxa.

Romanos 9:17

Ma' quenaua naneresañi na'qaatqa, ñi qota'a 'naaco' na'le queso lashi yi Egipto: “Chi so'uet quiyim qami' nashi, ma' sahotaque quiyim sachigoxochichigui qami' quiyim re'oq nqaishin da iquesaxanaxa, qaiyi qaỹa'den da ỹeenaxat quená'ogue na 'laua.”

1 Corintios 1:10

Ỹaqaỹarolqa, ñi'xoresentouguilo qamiri, sahote'e da leenaxat so qara'gaxala' Jesucristo quiyim se neuagaxachiỹac, ta'ta'a quiyim na'yiiñiỹata', le'en quiyim neuagaxachiỹac. Ta'ta'a ne'xoriñiỹata', cá'ogue ca ra'deenataxanaxaguii quecá'maq 'ñiita.

Gálatas 3:28

Ca' tot qaica quet cá'maq ỹoqa'a ca no'ueenataxac quena judío loqo'm quena sqai judío, loqo'm nelaatec loqo'm ca se nelaatec, loqo'm ca ỹale loqo'm aca 'aalo; ma' no'm na'yiitau'a so Cristo Jesús, ca' qamiá'ogue 'ec qamiri 'oonoqui'.

Efesios 4:4

'Ue so 'oonoqui' noshicmaxa lapohitagui, chaqai 'oonoqui' so Espíritu Santo. Ca' qai'neeta roỹaxanalo qamiri ñi qota'a, qaiyi 'oonoqui' ca naquitaxaguii.

Filipenses 2:9

Ca' vichiguiño' ñi qota'a ỹaanem yí'maq paguec lecaic loma' chaqai da leenaxat paguec lecaic nqai'en quená'ogue,

Hebreos 1:3

Ca' chaqaiso so lqai'legaxa dá'maq lauaq ñi qota'a, chaqai so'maxare chaqaiso só'maq 'nejem da no'ueenataxac ñi qota'a, chaqai so'maxare só'maq nolliitañi ná'ogue nanchaqaina queda lquesaxanaxa da la'qaatec. Ca co'na' ime co'taxate' qomi' quena qarasauaxaset, ca' nqa'xanñi quiyim nashi queda loic yi nqa'xanqa' ñi qota'a queda piguim.

Hebreos 9:24

Ma' so Cristo se inoxonougui aca no'ueenaxanaxaqui lo'ueenata ca chaqai qom, ma' so'maxare chi lqui'i acá'maq ỹaatqajam no'ueenaxanaxaqui. Ta'ta'a quiyim ỹaatqajam inoxonot na piguim, ca' nagui, ca inoxona'a ñi qota'a quiyim retaqalgoto qomi'.

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.

1 Juan 3:12

Ca' qomi' sqai shinqata so Caín, ma' queeta'pegue' so na'ỹaapec, ca' ỹalauat so lqaỹa Abel. Qam ¿chi'neco' ma' ỹalauat? Ma' so Caín ỹo'ueetetac da se no'uen, qam so lqaỹa ỹo'ueetetac dá'maq no'uen.

1 Juan 5:19

Sa'deenaq quiyim qomi' lalamaxarete' ñi qota'a, chaqai quiyim ná'ogue na qomyipi ná'maq hueetalec ana 'laua qoỹoiquentac queso na'ỹaapec.

Judas 1:1

Ỹim Judas, ỹim la'ac so Jesucristo, chaqai ỹaqaỹa so Jacobo. Shiriñi anajo ilaata quená'maq loỹaxanqateripi chaqai ỹoỹoote'oga ñi qota'olec quiyim ỹauaaque lalamaxareteripi, ná'maq qaicochiitapega ma' na'deetau'a so Jesucristo.

Judas 1:24

Ñí'maq qota'olec qaiñiita chaqai qaica 'nejem da la'deenaxanaxa, ñí'maq qarca'laxaqui, 'ue da lquesaxanaxa quiyim cochiỹalo qamiri, qaiyi qaica ca huaañi. Qaca aca lete nqai'ne' qamiri, ca 'xoic ca netoonaxaguii nqai'en, ma' nachaalataxana'alo qamiri yí'maq chalego lauaq hueete'e ñi'maxare. Ca' ñi'maxare chaqai 'neetari' se neme da lauaq, da lecaic, da lquesaxanaxa, chaqai quiyim 'ue nqai 'negue nqohin ñi'maxare, chicqochigui so qara'gaxala' Jesucristo, chicqotañi nallaaqo', chaqai nagui, chaqai sqaica lqodoc. Ajá'a, ca' chaqaida 'neeta dajo.

Apocalipsis 15:4

¿Negue' queto' cá'maq se no'cha'a qami', qami' qara'gaxala'? ¿Negue' queto' cá'maq se imaqachin aqami'? Ma' chaqaqamite' qami' co'teeta, chaqai anac ná'ogue na ỹoreta'oguit qomyipi, ca' imaqachin aqami'. Ma' qaiuanchigui quiyim sqaica ca se ỹa'maxañi quená'ogue ná'maq 'viichi'.

Apocalipsis 19:12

Saua nqote' ỹaatqajam ỹaviquetauguilo, 'ec na norec lauaq. Chaqai ỹantañi aso 'xoic nashi nado'ollipi. Chaqai 'ue so neenaxat hueetalec, qam qaisoota so'maxare ỹa'den.

Apocalipsis 4:8

Ca' sauajo cuatro ise' nca'leesauec da'ta'a seis laua' quiñi 'óna. Chaqai no'qaachiguilo quenaua nqote' quena pa'aauec chaqai quena pa'aauo. Chaqai quiyi na'xa'a chaqai yi pe sqai ỹaxañiñi quiyim 'nerac: Qami' maq ỹaatqajam co'chiite', qami' qara'gaxala' qota'olec maq sqaica ca qalañirac, qami' ná'maq chaqai'en 'ue qami', chaqai 'ue qami' nagui, chaqai naata'quena ma'le.