Juan 16:33 - La'qaatqa ñi qota'olec Qota'olec & Qota'olec Novita Na Qomyipi

³³ Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Juan 16:33 Iomraidhean Croise

Miqueas 5:5

Ca'maxare noviraxat ma'le da no'daxa. (5.5b-15 Ñi qara'gaxala' qa'viỹa'gue ma'le na ỹoqa'a qomyipi.)

Mateo 9:2

Ca hua'anyi, ca' qaỹodou'a so ỹale se ra'ñiigue, hueetalec so lomala'. Ca co'na' so Jesús iuana da lpi'ỹaxague' saua'maxare, ca 'naaco' queso ralolaxaic: —Na'ñaxachi', ỹaalcolec. Ma' mashic qaỹapalaxat ná'ogue na rasauaxashichi'.

Lucas 19:38

Ca' qohinac: —¡Ỹaatqajam no'uen da llicyaxac na qarashi, ma' naquetaugui da leenaxat ñi qara'gaxala'! ¡'Uo' ma'le ca na'maxa quena piguim chaqai quedá'maq lecaic ñi qota'olec!

Lucas 2:14

¡Ỹaatqajam lodegaxat da quiyim qaỹo'ueentac ñi qota'olec ñí'maq neeto'ot na piguim, chaqai quena 'laua 'uo' da la'maxa na qomyipi ná'maq ỹa'maxarenta ñi'maxare!

Juan 12:31

Ca' nagui, ca ỹovita yi laloqo' quiyim ñi qota'a ỹa'ue da lasauaxaset na hueetalec na 'laua; ca' nagui, ca ñi'maxare ỹo'daauec so na'ỹaapec só'maq relaataxantac quena 'laua.

Juan 14:1

Sqaica huapigui qavillii. Ta'ta'a quiyim viilec ñi qota'olec, chaqai viilec aỹim qai'neeta.

Juan 14:27

Qaidaata da neuagaxa 'ue quiyim shique'elo qamiri. Saañiỹaxarom da iuagaxa, qam sqai shine'tegue dá'maq 'ne'tegue na qom hueetalec na 'laua quena' ỹaan da leuagaxa. Sqaica huapigui qavillii, chaqai se ro'chii.

Juan 16:11

chaqai retane' ma'le quiyim ñi qota'olec ỹa'ue ca nouaxanaxaset, ma' shi'gue qaỹa'ue da nouaxanaxaset so na'ỹaapec só'maq relaataxanac quena 'laua.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Hechos 23:11

Ca' queso pe so Jesús nachaxana so Pablo. Ca 'naapego': —Qami' Pablo, na'ñaxachi'o' ma'le, ma' dá'maq 'ñitetegue da retaxaỹaxaqui' caỹim quena Jerusalén, qai'neeta 'ñitetegue ca retaxaỹaxaqui' ma'le quiyi Roma.

Hechos 27:22

Qam nagui shinapegalo qamiri quiyim na'ñaxachii, ma' coqomá'ogue qaica ca ileu ma'le. Chaqanaata ana qarahi' na'laañi ma'le.

Hechos 27:25

Vichiguiño' nagui, qamiri ỹalliripi, na'ñaxachiỹo'. Ma' ỹim ỹaatqajam spi'ỹa'a ñi qota'olec, chaqai se'taxajñi quiyim chaqaida dá'maq 'naapiguiỹa' so nelaatec chicqashiguim.

Hechos 9:31

Ca 'uo' da la'maxa ná'ogue ná'maq mashic ỹacoñiguit da na'qaatec neetalgoto naua 'lauari quiyi Judea, chaqai yi Galilea, chaqai qai'neeta yi Samaria. Ca na'maxare noquiiquetauec da lquesaxanaxa, chaqai ỹa'maxate'tegue ñi qara'gaxala', chaqai quedá'maq lotaanaxanaxac so Espíritu Santo. Ca noquiiquetauec ná'maq icoñiguit da na'qaatec.

2 Corintios 1:3

Semaqachinaq ñi qota'a, ñí'maq leta'a so qara'gaxala' Jesucristo, ma' chaqaiñi ñí'maq qareta'a qare'xoren, chaqai chaqaiñi ñí'maq qota'a ñí'maq se neme quiyim lo'daxatetapiguilo naua qovilli'.

2 Corintios 13:11

Qamiri ỹaqaỹa', nagui, ca' qaidaata quiyim no'uen ca qayicyaxaguii. Ỹaatqajam daañiỹaque ca la'maxa da chaalataxac, ỹa'maqachigui nqai'ñii na qavillii, niñiiquishiñitecta' queda ra'maxahi. Ca ñi qota'a chicqo'ot da na'maxa chaqai da ne'xorenataxanaxa hueetauguilo ma'le qamiri.

2 Corintios 2:14

Qam qomi' saanqot da qana'aachic ñi qota'a ñí'maq chicqochigui nqai'en so Cristo Jesús quiyim qomi' 'ue da qarquesaxanaxa, chaqai ỹachigoxochichiguilo qomi' quiyim qaỹa'den da na'qaatec queso'maxare. Qam da'maxare 'ec nqai'en ca lo'daxaraic lahita quiyim ỹaỹoxonec, ca' quelec na 'laua.

2 Corintios 4:7

Qam dá'maq paguec lesega'a hueetagui na qaroshicmaxa, ná'maq 'ec aca chaqai 'ueena 'laua, qaiyi re'oq dá'maq chalego lecaic nquesaxanaxa chicqo'ot ñi qota'a, mesqai chaqai chicqauguilo qomi'.

2 Corintios 6:4

Ta'ta'a quiyim sahoqotaque quená'ogue ná'maq so'ueetaq re'oq nqai'ne' qomi' quiyim qomi' lelaatqa ñi qota'a, queda qareualaxavic quena' ña'ñaxatqata'piguit da qare'xoric, chaqai qarouenaxanaxa, chaqai na qananaqataxaquipi.

2 Corintios 7:4

Ỹaatqajam 'xoic da ñaquitaxac chaqai da ñitoonaxac caqamiri. Quená'ogue ná'maq qare'xorico, qam ỹaatqajam 'ue da qana'ñaaqataxac chaqai 'xoic da qanetoonaxac.

Gálatas 1:4

só'maq nañaañiguit na'le da lelauaxa sauaxat naua qarasauaxasete', qaiyi nca'laxaterec qomi' quená'ogue na se no'uen huelec na 'laua. Ca' ipacqajanchigui dá'maq ỹahotaque ñi qota'olec coqomi'.

Gálatas 6:14

Qam caỹim, sqaica ma' sa'maxaren quet quiyim ñimaqajan, ta'ta'a quedá'maq lelauaxa so qara'gaxala' Jesucristo na' qaipateno queso npatenaxala'. Ma' chicqochigui so npatenaxala' so Cristo, ca' caỹim 'ec ileu ná'maq 'ueenataxac hueetalec na 'laua, chaqai aỹim 'ec yileu quená'maq 'ueenataxac hueetalec na 'laua.

Filipenses 4:7

Ca' ñi qota'a ỹaanema qamiri ma'le da la'maxa napacalec ná'ogue na la'deenaxanaxa na qomyipi. Ca' dajo na'maxa quepaqataxanlec añi re'taxanatahi chaqai da ra'deenataxanaxaguii ma' na'yiitau'a so Cristo Jesús.

Colosenses 1:20

Chaqai ñi qota'a qai'neeta ỹahotaque quiyim ỹachigoxochichigui so Cristo quiyim ỹa'ue da la'maxa ná'ogue nanchaqaina, quená'ogue ná'maq hueetalec na 'laua, chaqai ná'maq hueeto'ot na piguim. Ca ỹo'uet da na'maxa, ỹachigoxochichigui da lelauaxa so Cristo co'na' qaipateno queso npatenaxala'.

1 Tesalonicenses 3:4

Ma' na' ñaqai senqatauguilo qamiri, chaqa'ma' sa'xatqatac quiyim 'xoic ma'le ca qane'guenaxac. Ca' chaqaida ipaquichigui, dá'maq mashic shi'gue 'yiiñii.

1 Tesalonicenses 3:7

Ca' quedajo qamiri ỹaqaỹa', 'eno'm quiyim seuqataugui da qarouenaxanaxa chaqai da qane'guenaxac, qam qara'maqachiguiñi na' sa'deenaq dá'maq 'ñiitari' quiyim ñaqai na'ñaxachii'tegue da rpi'ỹaxaguii quiitalec.

2 Tesalonicenses 3:16

Ca' so qara'gaxala' Jesús, só'maq hueeto'ot da na'maxa, so'maxare ỹaanema qamiri ca ra'maxahi naua'que naua na'xata' chaqai quená'ogue nanchaqaina caqamiri. Ca so qara'gaxala' ỹalequetauguilo qamiri.

2 Timoteo 3:12

Qam ỹaatqajam lliqueta quená'maq quejlec so Cristo Jesús, qai'neeta ỹovirau'a da le'xoric queda nocanaxac.

Hebreos 11:25

Ta'ta'a quiyim ipaquetaque quiyim le'xoyaxaua queeta'ñi' nqohin so lalamaxareteripi ñi qota'a, sqai cocho'qui' quet ipita'a da lamaanaxanqachic quena se no'uen nasauaxaset.

Hebreos 7:2

Ca' so Abraham ỹaanem 'óna queca diez louootaxanaxat ỹachigoxotaugui so lauataq. Ca' dajo neenaxat Melquisedec, dajo 'auaxaic 'naac “nashi naloochiguiñi da no'ueenataxac”; chaqai, ma' so'maxare nasho' na'le quiyi Salem, ca' dajo Salem 'naac “neuagaxa”, ca' dajo neenaxat qai'neeta 'naac “nashi queda neuagaxa”.

1 Pedro 5:9

Qam quepaxachii, ỹaatqajam na'ñaxachilec da rpi'ỹaxaguii, ma' 'yiiñita quiyim na rqaỹairipi quenaua'que naua lahil na 'laua qaidaata dajo ne'xoric da hueetaugui.

1 Juan 2:13

Chaqai qamiri qo'xoiquipi, shiriñi dajo caqamiri, ma' viriỹau'a quiyim huañiỹa só'maq shi'co' 'ue na' saqa'leca na 'laua. Chaqai qamiri ne'naqaipi, shiriñi dajo caqamiri, ma' mashic qadoxoñiguii so na'ỹaapec. Shiriñi dajo caqamiri, ỹaalqolqa, ma' mashic viriỹau'a quiyim huañiỹa ñi qota'olec.

1 Juan 4:4

Qamiri ỹaalqolqa, qamiri lalamaxarete' ñi qota'a, chaqai mashic qadoxoñiguii na 'maatqaiquipi. Ma' ñi qota'a ñí'maq neetaguilo qamiri paguec lquesaxanaxa quesó'maq na'ỹaapec ỹoiquentac na qom hueetalec ana 'laua.

1 Juan 5:4

Ma' ná'ogue ná'maq llaalec ñi qota'a loxonec ná'maq nanatqaipi se no'uen hueetalec ana 'laua. Ca' da qarpi'ỹaxac ỹo'uet quiyim qodoxonec na'maxare.

Apocalipsis 12:11

Ma' na qarqaỹaripi loxonec so'maxare, qaỹachigoxochichiguilo saua leuo' so 'ec qagreta llaalec, chaqai quiyim saua'maxare ỹa'xatesac da na'qaatec. Ma' se no'chi' quiyim na'laañi da nachaalataxague', ta'ta'a quiyim qaica ca liỹa ỹahosaque, qaidaata quiyim ileueralec da na'qaatec.

Apocalipsis 3:21

Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.