Juan 16:32 - La'qaatqa ñi qota'olec Qota'olec & Qota'olec Novita Na Qomyipi

³² Qam ỹovita ma'le ca laloqo', ca' nagui chaqa'ma' ỹovita quiyim neuagaxata'pe taate'ogalo nqohine' qamiri, ca yalachii yodaqajñitec ma'le. Qam se yodaatec, ma' iỹaatac ñi qota'a.

Juan 16:32 Iomraidhean Croise

Mateo 26:31

Ca' so Jesús 'naaco' quesaua'maxare: —Qamiá'ogue palac da rpi'ỹaxaguii caỹim quena pe. Ma' 'nerac naua naneresañi la'qaatqa ñi qota'a: “Salauat ma'le cá'maq neloxoỹaq, ca' neuagaxatetac ma'le ana qagreta.”

Mateo 26:56

Qam 'neeta dá'ogue dajo, qaiyi ipaquichigui dá'maq 'naaco' na'le so letaxaỹaxaquiripi ñi qota'a ỹa'xat quenaua naneresañi na'qaatqa. Co'na'le, ca 'eet so lapaxaguinatqaipi, no'ueenaqchichiguiñi so Jesús.

Marcos 14:27

Co'na'le, ca' so Jesús 'naaco' quesaua'maxare: —Qamiá'ogue yo'ueenaqchitañi quena pe, ma' yi naneretañi na'qaatec 'neetasa': “Salauat ma'le so neloxoỹaq cana qagreta, ca' ana qagretaipi neuagaxatac ma'le.”

Marcos 14:50

Co'na'le, ca sá'ogue so lapaxaguinatqaipi so Jesús 'eet, no'ueenaqchichiguiñi so'maxare.

Juan 12:23

Ca' so Jesús 'naaco' quesaua'maxare: —Ỹovita yi laloqo' quiyim najo ỹale llaalec qaimaqachin ma'le.

Juan 16:2

Qamiri qaro'yiỹauec ma'le cañi lapoxoqui na judioipi, chi ỹovireta'a quiyim canchaqaica 'ue ca ỹalauat caqamiri, ca 'neetapigui lauel quiyim 'maxaraic da ỹo'uet quiñi qota'olec.

Juan 16:25

Ỹim sa'xat dajo caqamiri, qam sahote'e na ỹaloqojnaxanaxaqui. Qam ỹovita ma'le ca laloqo' quiyim se sahote'e ca ỹaloqojnaxanaxaqui quiyim 'ue ca sa'xat caqamiri, ta'ta'a quiyim ỹaatqajam sechoxote'tema qamiri ñi qota'a.

Juan 16:31

Ca' so Jesús 'naaco': —¿Ca' qainaquita nagui viilec?

Juan 19:27

Ime, ca lotqai 'naapego' só'maq lapaxaguinatec: —'Ada hueete'ena dá'maq qachii'i'. Ca co'na'le, ca chaqaiso so na'xa'a, ca só'maq lapaxaguinatec ỹauegueu'a yi la'a' aso'maxare.

Juan 20:10

Ca' sauajo napaxaguinatqa, saua'maxare quero queca la'aate'.

Juan 4:21

Ca' so Jesús 'naaco': —'Aalo'ee', qami' virelec aỹim, quiyim ỹovita ma'le yi laloqo' quiyim totqo quiishi'megue ñijo qa' quiyim nqouagaxaiñiỹot ñi qota'olec, loqo'm quiyim quiipegue' yi Jerusalén.

Juan 4:23

Qam mashic ỹovita yi laloqo', ca' chaqaina nagui ỹovita yi'maxare, quiyim quená'maq ỹaatqajam llic imaqachintac ñi qota'olec, ca imaqachin, qam chicqochigui nqai'en so ne'Espíritu ñi qota'olec. Ma' ñí'maq qota'olec chaqaida dá'maq ỹahotaque 'ne'tegue ná'maq imaqachin ñi'maxare.

Juan 5:25

Ỹaatqajam lliqueta dá'maq shinac caqamiri, quiyim 'ue ca laloqo', ca' chaqaina ná'maq nagui ỹovita quiyim ma' ná'maq leuaxaiquipi 'xaỹaque da lavillaxac na llaalec ñi qota'a; ca ná'maq na'xaỹaxanta, ca nca'leuec.

Juan 5:28

'Neeto' re'laxaiỹa dajo, ma' ỹovita ma'le ca laloqo' quiyim ná'ogue na leuaxaiquipi 'xaỹaque ma'le da lavillaxac,

Juan 8:16

Qam no'm semit ca nasauaxaset, cá'maq imitaxanaxac ỹaatqajam 'maxaraic, ma' sqaỹimeta quiyim 'ue ca semit. Ma' ñí'maq ita'a ñí'maq yila', ñi'maxare yotauan quiyim 'ue ca semit nasauaxaset.

Juan 8:29

Ma' ñí'maq yila', ñi'maxare iỹaatac; ñí'maq ita'a se ỹauana yodaqajantec, ma' ỹim so'ueetetac dá'maq ỹa'maxarenta ñi'maxare.

Hechos 21:6

Ca sahoqai la'xaỹaxac, ca ñqa'aalqata'piguit, ca yinotaxashiguim caso qom lahi' huaxaỹaqse. Ca saua'maxare pila'alo naua la'aate'.

Hechos 8:1

Ca' so Saulo ỹa'maxarenta quiyim qaỹalauat so Esteban. Ca nachinchigui so na'xa'a na' qaỹocanac ná'maq mashic ỹacoñiguit da na'qaatec quiyi Jerusalén. Ca ná'ogue neuagaxatac, quepegueto naua 'lauari quiyi Judea chaqai yi Samaria. Nodaaterec saua Jesús lelaatqa no'ueendañi.