Juan 16:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Vire'ta nagui saqa'leca ca shiilaxañiỹaque quiyim quiichigui nqai'ñii da ỹeenaxat; shiilaxañii, ca' coñiguit, qaiyi 'xoic ma'le ca netoonaxaguii.

Juan 16:24 Iomraidhean Croise

Génesis 32:9

Ca na' ime, ca' nqouagaxain, 'naaco': —Qami' ỹa'gaxala', qami' qota'olec queso ỹapi' Abraham chaqai ca ita'a Isaac, ma' 'ñirapiguiỹa' quiyim yapila na ña'laua chaqai na iuo' laseripi, chaqai quiyim 'ñirac no'ueenaxachi' ca ỹicyaxac.

1 Reyes 18:36

Ca co'na' ỹovita ca laloqo' quiyim qoỹaano aca nachitaxanataxanqate, ca' so qota'a letaxaỹaxaqui, leenaxat Elías, nqo'neuo. Ca' ỹaatqajam netenegue da la'qaatec, 'naaco': —¡Qami' ỹa'gaxala', qami' qota'olec queso qareta'a Abraham, Isaac chaqai so Israel: nachaxañi' nagui quiyim qami' qota'olec queso qareta'a Israel, chaqai quiyim yilachi', vichiguiño' so'uet dá'ogue dajo ma' qami' ná'maq yilachi'!

2 Reyes 19:15

Ca' nqouagaxain, 'naacsa': —Qami' ỹa'gaxala', qami' qota'olec quena Israel, ca nqa'xanqachi' hueeto'oto naua 'vii laua'. Chaqaqamite' 'viiquiñi'sac ná'ogue ná'maq hueetalec na 'laua, qami' ro'ueenachiqui' na piguim chaqai na 'laua.

Mateo 6:9

Ca ma' nqouagaxaiñii, ca 'ñiỹaco'sa': Qami' qota'olec ma' ñiiso'ot na piguim, qaimaqachin dá'ogue da qadeenaxachi'.

Juan 14:1

Sqaica huapigui qavillii. Ta'ta'a quiyim viilec ñi qota'olec, chaqai viilec aỹim qai'neeta.

Juan 14:14

Ỹim so'uet canchaqaica shiilaxañiỹaque qamiri quiyim quiichigui nqai'ñii da ỹeenaxat.

Juan 15:11

Ỹim shine'tegue dajo da shinac, qaiyi qamiri ñitoonaxaua', chaqai qaiyi 'xoic ca netoonaxaguii.

Juan 16:23

Ca' quecajo na'xa'a, ca' tot yinachii. Ỹaatqajam llic da shinac caqamiri, quiyim ñi qota'a ỹaanema qamiri cá'ogue cá'maq shiilaxañiỹaque quiyim quiichigui nqai'ñii da ỹeenaxat.

Juan 3:29

Quiyim 'ue ca shilaq, ca cá'maq ỹaatqajam shilliguit acá'maq nequetegaxai, ca' chaqaica cá'maq nauonaxaua. Qam cá'maq nauochaxaua cá'maq shilo hueetau'e na lahi, ca 'qaatapega. Ca 'xoic da netoonaxac quiyim 'qaatapega só'maq 'on. Ca' chaqaida dá'maq 'neeta caỹim quiyim 'xoic da ñitoonaxac.

2 Tesalonicenses 1:2

Ma' sahotaque quiyim coñiguit da qouagaxa chaqai da na'maxa chicqo'ot ñi qota'olec chaqai so qara'gaxala' Jesucristo.

2 Juan 1:12

'Xoic quet ná'maq ỹa'qaatec caqamiri. Qam se sa'maxaren quiyim sahote'e aca lere ỹerecse, ca' selatalo qamiri. Ma' sahotaque sovira'alo qamiri, qaiyi ỹaatqajam setaxaiqa'ajta', qaiyi ỹaatqajam ỹovirichiguiñi ca qanetoonaxac.