Juan 16:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ỹaatqajam llic da shinac caqamiri, quiyim qamiri noỹiñii ma'le chaqai chigoita, qam na qomyipi hueetalec na 'laua netoon ma'le. Qam 'eno'm chigoita qamiri ma'le, da rachicoxohi ñigui ma'le ca netoonaxaguii.

Juan 16:20 Iomraidhean Croise

Isaías 61:3

ca' 'ue ca saanem na noỹentagui quiyi Sión: da lachicoxo ñigui nqaishin da netoonaxac, da oỹenaxac ñigui nqaishin da naỹaac, da lachitachic ñigui nqaishin da no'ueenaxanaxac. Na'maxare 'neetari' ana qo'paq lanecse ñi qara'gaxala' qota'olec, ma' ỹahotaque ỹachaxan da lquesaxanaxa.

Mateo 21:38

Qam co'na' qaiuañi'chiguit só'maq llaalec, ca na'deento'o' so 'ueenataxanaxairipi, 'naaco': “Najo ná'maq taalec ma'le dá'maq lesallaxa so qana'co'. Salauataq, qaiyi taalgoto qomi' ma'le najo na'a'.”

Mateo 5:4

Ỹaatqajam chalego la'maxa ma'le cá'maq 'ue ca lachicoxo, ma' ñi qota'olec ỹa'maxagui lauel nqai'en ca'maxare.

Marcos 14:72

Queco' na'le, ca lotqai liỹa noỹen so huaqa'e. Ca so Pedro no'uene'teco' dá'maq 'naaco' na'le so Jesús: “Ma' saqa' ỹovi' dos noỹen ca huaqa'e, qala' ỹovi' tres noqollicchitegue aỹim.” Ca co'na' ỹa'deentapega dajo, ca' noỹen.

Marcos 16:10

Ca aso'maxare, ca' eec ỹa'ue la'xaỹaxac sauá'maq nauegaxaua'o' quen na'le so'maxare, qam saua'maxare rachicotem' chaqai noỹenta'pe.

Lucas 22:45

Ca co'na' ỹomat da nqouagaxainaxac, ca ne'laxashiguim, ca quepegueto saua lapaxaguinatqa. Ca co'na' ỹovita, ca iuanejlec sá'ogue laqata, ma' ỹapaguec na lachicoxo.

Lucas 22:62

Ca' quiyi, ca inoxonec so Pedro, ca' ỹaatqajam 'xoic da noỹenaxac.

Lucas 23:27

Ca ỹaatqajam 'xoic so qomyipi coỹaretaho, chaqai 'xoic so 'aallipi, sá'ogue noỹentagui, ỹaualqatagui, paguec na le'xorenataxanaxa queso'maxare.

Lucas 24:17

Ca' so Jesús inato'o': —¿Negue' cá'maq noqollicchitapigui quena' naguita'gue na nayic? chaqai ¿chi'negue ma' chigoita?

Lucas 24:21

Qam qomi' 'ue da qanaquitaxac quiyim chaqaiso só'maq nca'laxatec ma'le na llaalqaipi so Israel. Chaqai nagui quedá'ogue dajo, ca' mashic ỹovite' tres na'xata' quiyim 'ue dajo.

Lucas 6:21

Chaqai qai'neeta ra'maxaichiguiñi qamiri ma' viitaugui nagui quiyim rqopachii, ma' ỹaatqajam 'ue ma'le ca rquemaraxahi. Chaqai qai'neeta ra'maxaichiguiñi qamiri ma' noỹeñitagui nagui, ma' ỹaatqajam 'ue ma'le ca raỹalliguiriguii.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Juan 16:6

Ta'ta'a quiyim chigoitam, ma' shinac dajo.

Juan 20:20

Ca co'na' ime 'naac dajo so'maxare, ca ỹachaxanema naua napoquena chaqai na lahi. Ca' saua'maxare ỹaatqajam 'ue da netoonaxague' na' ra'iiso'ot so qara'gaxala'.

Hechos 5:41

Qam ỹaatqajam 'xoic da netoonaxague' saua lelaatqa so Jesús co'na' que', chicqoterougui so nashillipi, ma' ñi qota'a ỹoviraqta'alo da ne'naxague' souesapigui da leenaxat so Jesús.

Romanos 5:11

Qam mesqaidaata dajo, ma' qai'neeta 'ue da qanetoonaxac quiñi qota'a chicqochigui so qara'gaxala' Jesucristo. Ma' so'maxare chicqochigui quiyim huaqui'chiguita qomi' nagui ñi qota'olec.

2 Corintios 6:10

'Eno'm sachicoqota, qam ñaqai qara'maqachiguiñi. 'Eno'm se'xorqata, qam 'xoic na 'ue nqaiyi nqaishinaq. 'Eno'm qaica ca yi coqomi', qam qaica cá'maq souenqataque quená'ogue.

Gálatas 5:22

Qam da llaqtaxac so Espíritu Santo queca qom 'neetasa': ne'xorenataxanaxa, toonaxac, na'maxa, neualaxavic, nauotaxanqachic, neuagaxaric, chaqai naqamaxa,

1 Tesalonicenses 1:6

Ca' qamiri quedá'maq 'ñiita ỹaatqajam quiijlec da qano'ueenataxac chaqai da no'ueenataxac so qara'gaxala' Jesús na' coñiguit da na'qaatec, ca' so Espíritu Santo ỹaanema qamiri da netoonaxaguii, 'eno'm 'xoic da re'xoriguii.

Santiago 1:2

Qamiri ỹaqaỹa', ỹaatqajam necoñiỹaque da netoonaxaguii quena' viitaugui canchaqaica quena ỹoreta'oguit ne'guenaxaguii.

Judas 1:24

Ñí'maq qota'olec qaiñiita chaqai qaica 'nejem da la'deenaxanaxa, ñí'maq qarca'laxaqui, 'ue da lquesaxanaxa quiyim cochiỹalo qamiri, qaiyi qaica ca huaañi. Qaca aca lete nqai'ne' qamiri, ca 'xoic ca netoonaxaguii nqai'en, ma' nachaalataxana'alo qamiri yí'maq chalego lauaq hueete'e ñi'maxare. Ca' ñi'maxare chaqai 'neetari' se neme da lauaq, da lecaic, da lquesaxanaxa, chaqai quiyim 'ue nqai 'negue nqohin ñi'maxare, chicqochigui so qara'gaxala' Jesucristo, chicqotañi nallaaqo', chaqai nagui, chaqai sqaica lqodoc. Ajá'a, ca' chaqaida 'neeta dajo.

Apocalipsis 11:10

Ca ná'ogue na qomyipi quena 'laua netoonta'peguelo quiyim qaỹalauate' saua'maxare. Ỹaatqajam chalego da netoonaxac, vire'ta quiyim quiñi 'óna ỹa'ue ca lame ilata ca liỹa, ma' sauajo ỹale' ỹa'xatesac da la'qaatec ñi qota'a, ca' saua'maxare ỹaatqajam 'ue da nqui'ic nqai'ne' quena qom.

Apocalipsis 18:7

'Viichii ca nqa'viic chaqai ca le'xoric, chaqai 'nejem dá'maq 'neeta añi'maxare na' nañaañiguit da maqajnaxac chaqai da lishoxo. Ma' añi'maxare 'naac añi le'taxanata: “Quena senta'ñi ñqa'xantañi, aỹim nashi. Sqaỹim pa'ỹe, chaqai qaica ca i'xoric ma'le.”