Juan 15:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Qaica quet ca lasauaxaset na'maxare, queta' qaica cá'maq so'uet huaugui na'maxare quená'maq se ishit ỹo'uet ca liỹa qom; qam mashic shi'gue iuana dajo, qam qaiyiita noquihaỹa', chaqai noquii'a qai'neeta ñi ita'a.

Juan 15:24 Iomraidhean Croise

Éxodo 20:5

Ca' se ni'iiñi quiyim 'yiỹoto naua re'cootallii na'maxare, chaqai sqai maqachiñii. Ma' ỹim ná'maq ỹim ra'gaxalari qota'olec, ma' ỹim qota'olec sqaican sa'maxaren. Ca' ỹim sa'ue ca nouaxanaxaset cá'maq se no'uen queca neta'a quiyim se nqo'chiiua', chaqai ca llaalqaipi, chaqai ca lauaripi, chaqai ca llaalqaipi ca lauaripi.

Mateo 11:5

'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Mateo 21:32

Ma' só'maq nachilaxanataxanaq leenaxat Juan novi' quiyim ỹapaxaguine' qamiri quedá'maq no'uen ñicyaxac, qam sqai viilec. Qam ná'maq icona'piguit ana nishiuete so nashi chaqai ana nedequenaxai huelec so'maxare. Qam qamiri ỹaatqajam huañichigui dajo, qam se retacochahi quiyim viilec.

Mateo 9:33

Ca co'na' so Jesús ỹo'daauec so le'ec lecmaxaic, ca só'maq qaicaua caua la'qaatqa chaqa'ma' retaqa. Ca' so qomyipi i'laq, ca 'naaco': —Se ỹauanapega quiyim 'ue quet ca seuanaxa quena Israel 'nejem dajo.

Marcos 2:12

Ca chaqa'ma' ne'laxashiguim so ralolaxaic, inanta' so lacanec. Ca' ca'e yí'maq hueeta'ñi, ca sá'ogue so qomyipi chi ra'i'tegue. Ca' quedajo, ca sá'ogue 'xoic da le'laxa. Ca' imaqachintac ñi qota'olec, 'naaco': —Se ỹauanapega 'ue ca seuanqachigui 'nejem dajo.

Lucas 24:19

Ca so'maxare 'naaco': —¿Negue' ca 'neeto' ca'maxare? Ca' saua'maxare 'neraco': —Dá'maq 'neeta ca Jesús, Nazaret le'ec, cá'maq la'qaataxanqajnec ñi qota'a. Sojo ỹale qaica ca qalanac quena la'qaatec chaqai quená'maq ỹo'uet, chaqai ỹaatqajam ỹa'maxarenta so'maxare ñi qota'olec chaqai ná'ogue na qomyipi.

Juan 10:32

Ca' so Jesús 'naaco': —Ỹim ỹaatqajam 'xoic ná'maq so'uet ỹa'maqachiguiñi, huañichigui qamiri, sachigoxochichigui da lquesaxanaxa ñi ita'a. Ca ¿negue' cá'maq sasoualec quena'maxare quiyim viitaque yinaxahi quena qa'?

Juan 10:37

No'm se so'ueete' nauá'maq ỹo'ueeteta'pe ñi ita'a, ca sqai viilec aỹim.

Juan 12:10

Ca' so lashillipi na netaxaỹaxanqajanqaipi quena' qaretaxaỹa'pegue' ñi qota'olec, so'maxare retaxaỹapigui quiyim qai'neeta qaỹahotaque qaỹalauat so Lázaro,

Juan 12:45

Chaqai cá'maq iuañiua', iuana qai'neeta ñí'maq yila'.

Juan 14:9

Ca' so Jesús 'naaco': —Felipe, shi'gom iỹareta'pe qamiri, ¿qam saqa' huañirapiguiỹa'o'? Cá'maq iuana ỹim, ca' iuana ñi qota'a. Ca' ¿chi'negue ma' yashiila'isac quiyim huañita ñi qota'a?

Juan 15:21

Dá'ogue dajo qohine'teguelo ma'le qamiri, sauaxat aỹim, ma' se qaiuanapega ñí'maq yila'.

Juan 15:22

Queta' se ñanac quiyim setaqaugui na'maxare, ca sqaica quet ca lasauaxaset. Qam nagui qaica quet cá'maq i'guenegue quiyim noqollictegue da lasauaxaset.

Juan 15:23

Ma' cá'maq noquii'a ỹim, ca' qai'neeta noquii'a ñí'maq ita'a.

Juan 16:9

Na'maxare sauaqhuaiquipi, ma' sqai huelec aỹim;

Juan 3:2

Sojo Nicodemo 'uo' so pe ra'pichi'oga so Jesús, ca' 'naaco': —Qami' napaxaguinataxanaq, qomi' sa'deenqata quiyim qanela' qami' quiñi qota'olec quiyim qarapaxaguiñi', ma' qaica ca ishit ỹo'uet ná'maq 'viichisac netanqaipi quiyim re'oq da rquesaxanaxa'e', qaicaata cá'maq hueeto'ot ñi qota'olec.

Juan 5:36

Qam caỹim 'ue dá'maq paguec i'taxajñi quedá'maq 'naac so Juan. Ma' quena' 'ue yí'maq so'uet, qam chaqainaua nauá'maq ỹamaxailgoto ñí'maq ita'a quiyim so'ueete'. Ca' chaqainaua nauá'maq re'xoi' nqai'ne' quiyim llic chaqaiñi ñí'maq ita'a yila'.

Juan 6:36

Qam mashic shi'gue shinac caqamiri, qamiri sqai viilec, 'eno'm qamiri ra'iitaỹot.

Juan 7:31

Qam 'xoico' ná'maq huelec so'maxare, ca 'naaco': —Ma' novi' cá'maq nashi nca'laxaqui, ca ¿peeta'a paguec ma'le cá'maq netanqaipi se qaiuanapega quedá'maq dajo ỹale?

Juan 9:32

Ma' ỹaatqajam se ỹauanapega quiyim 'ue quet ca qara'xaiguelec quiyim liỹa nauanñi nqai'en ca qom quiyim naca'ogue' quiyim qai'laq.

Juan 9:41

Ca' so Jesús 'naaco': —Quetqai qamiri qai'la', ca' qaica quet ca rasauaxashichii. Qam ma' 'ñiỹac nauañichiguiñi, ca' ñaqa 'ue na rasauaxashichii.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 2:22

Qamiri ỹalliripi Israel laseripi, ñaq na'xaỹaxañiỹa dá'maq sa'xat nagui: So Jesús, Nazaret le'ec, ỹaatqajam re'qoota quiyim lelaatec ñi qota'a. Chaqai huañichigui quena' 'ue da ỹo'uet chalego da ne'laxa quená'maq se qaiuanapega, chaqai na netanqaipi. Naua'maxare ỹaatqajam qota'a lo'ueenataxanaxaco, qam qaiyiita ỹo'ueete' so'maxare na' qamiri ỹalequetauguilo. Chaqai mashic qamiri 'yiiñita.

Romanos 1:30

Se no'uen na ỹa'xat queca liỹa, se nqo'ta ñi qota'a, chaqai qaica ca ỹa'maxata'gue, chaqai napacqajnaxai, chaqai nemaqajnaxai. No'ueetegueshiguim na se no'uen, chaqai se na'xaỹaxanalo caua leta'al,

2 Timoteo 3:4

Chaqai 'laqataxanaxai, chaqai se illivigui lauel, chaqai ỹaatqajam 'xoic napacqajnaxac, queeta'pegue' dá'maq chaqai 'neetari', ca' sqai queeta'pegue' ñi qota'a.

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.