Juan 15:22 - La'qaatqa ñi qota'olec Qota'olec & Qota'olec Novita Na Qomyipi

²² Queta' se ñanac quiyim setaqaugui na'maxare, ca sqaica quet ca lasauaxaset. Qam nagui qaica quet cá'maq i'guenegue quiyim noqollictegue da lasauaxaset.

Juan 15:22 Iomraidhean Croise

Ezequiel 2:5

Ca no'm qana'xaỹaxana qami' loqo'm se qana'xaỹaxañiraxaua', ma' yi qomyipi npa'guenaxai, qam ỹa'den ma'le quiyim 'ue na itaxaỹaxaqui ỹalequetaugui yi'maxare.

Lucas 12:46

ca' so na'co' novi' quecajo na'xa'a quiyim so lelaatec se ỹahotaque chaqai ca laloqo' se ỹa'den, ime, ca' qaỹa'ue ca nouaxanaxaset chalego lecaic, 'nejem nqohin ca nouaxanaxaset ná'maq mese na'xaỹaxan.

Juan 12:48

Cá'maq se icoñiguit aỹim chaqai se na'xayaxanalo naua ỹa'qaatqa, chaqa'ma' shi'gue 'ue ñí'maq ỹo'uet ca nouaxanaxaset ca'maxare. Nauá'maq na'qaatqa sa'xateta'pe, chaqainaua nauá'maq ỹo'ueete' ca nouaxanaxaset ca qom queca pa'aatec na'xa'a.

Juan 15:23

Ma' cá'maq noquii'a ỹim, ca' qai'neeta noquii'a ñí'maq ita'a.

Juan 15:24

Qaica quet ca lasauaxaset na'maxare, queta' qaica cá'maq so'uet huaugui na'maxare quená'maq se ishit ỹo'uet ca liỹa qom; qam mashic shi'gue iuana dajo, qam qaiyiita noquihaỹa', chaqai noquii'a qai'neeta ñi ita'a.

Juan 16:9

Na'maxare sauaqhuaiquipi, ma' sqai huelec aỹim;

Juan 19:11

Ca' so Jesús 'naaco': —Qami' qaica quet cá'maq rquesaxanaxa'e' quiyim sqai ỹaañiraxarom ñi qota'olec, quiyim shichi' 'ue ca 'ñiisa'gue aỹim. Qam cá'maq yayaano caqami', ca'maxare ỹaatqajam paguec ca lasauaxaset, sqai 'nejem qami'.

Juan 9:41

Ca' so Jesús 'naaco': —Quetqai qamiri qai'la', ca' qaica quet ca rasauaxashichii. Qam ma' 'ñiỹac nauañichiguiñi, ca' ñaqa 'ue na rasauaxashichii.

Hechos 17:30

Ñi qota'olec se nqovilga da lo'maxac na qom quesaua 'auaxaqa na'xata'. Qam nagui relaataxan quená'ogue na qom quena lahil na 'laua quiyim ỹalate' naua se no'viiñi no'ueenataxaco.

Romanos 1:20

Ma' dá'maq se re'xogui quiñi qota'a ishit qaỹa'den chicqochigui ná'maq re'qoochigui lo'ueenatqaipi ñi'maxare, ma' re'qoochigui shi'gue na' chi qaỹo'ueeteta na 'laua quiyim chaqaiñi ñi'maxare ñí'maq qota'olec, chaqai quiyim da lquesaxanaxa sqaica lqodoc. Ca vichiguiño' na'maxare sqaica quet cá'maq 'neeta quiyim sqaica quet cá'maq lasauaxaset.

Romanos 2:1

Vichiguiño' qaica quet cá'maq 'neeta quiyim sqaica quet ca rasauaxashichi', qami' quiyim ra'iisapigui ca lasauaxaset ca liỹa, 'eno'm canchaqai 'ñiite'. Ma' quiyim ra'iisapigui ca nasauaxaset, ca vi'saque cá'maq chi nouaxanaxashichi', ma' dá'maq ra'iisapigui chaqaida dá'maq qami' 'viichi'sac.

Santiago 4:17

Ma' ca qom ỹa'den ỹo'uet ca ỹa'maqachiguiñi, qam se ỹo'uet, ca' 'ue ca lasauaxaset.

1 Pedro 2:16

'Ñiitari' ca qom quiyim chi nanoiquentac, qam sqai 'ñiitari' ca nanoiquentac quiyim ỹo'uet ca se no'uen. Ta'ta'a quiyim 'ñiitari' caua ỹaatqajam la'aqa ñi qota'a.