Juan 15:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Se couahi'e dá'maq shinac na'le caqamiri: “Quiyim ca nelaatec se ỹapacauec queca na'co'.” Ca no'm ỹim qayocantac, ca' qamiri qai'neeta qarocañiỹac ma'le; chaqai no'm qana'xaỹaxana da ỹapaxaguinataxanaxac, qai'neeta qana'xaỹaxana ma'le ca rapaxaguinataxanaxaguii.

Juan 15:20 Iomraidhean Croise

Ezequiel 3:7

Qam na llaalqaipi so Israel se na'xaỹaxana qami' ma'le, ma' ỹim ná'maq se na'xaỹaxana. Ná'ogue na llaalqaipi so Israel ỹaatqajam hualoxonyipi chaqai ỹa'ñaxachichigui na lqahic.

Mateo 10:24

Ca' qaica quet cá'maq napaxaguinatec napacalec quet ca napaxaguinatqo', chaqai ca nelaatec se ỹapacauec quecá'maq na'co'.

Marcos 10:39

Ca saua'maxare 'neraco': —Ajá'a, seshitaq. Ca' so Jesús 'naaco': —'Nesa ma' llic quiyim qamiri quiichiugui ma'le da ñi'guenaxac 'ec qane'taxañigui aỹim chaqai da chilaxac saañigui ma'le.

Lucas 2:34

Ca so Simeón ỹaanem da no'uen la'qaatec so noctoqui'. Ime, ca 'naapega aso María só'maq late'e so Jesús, 'naaco': —'Ajñi', ná'taq noctoqui' tai'a ma'le quiyim 'xoic ca huaañi nqai'en chaqai ca nachaalataxanñi quena Israel llaalqaipi. Na'maxare chaqaina na netanec quiyim ỹaatqajam 'xoic ma'le ca sqai huelec,

Lucas 6:40

Qaica ca chi napaxaguinatec napacalec ca napaxaguinatqo'. Qam no'm ỹomateta cá'maq napaxaguinataxac, ca' vire'ta 'nejem ca napaxaguinatqo'.

Juan 10:31

Co'na'le, ca so judioipi lotqai iconapega na qa' quiyim ỹahotaque inaq so'maxare.

Juan 11:57

Ca' so fariseoipi chaqai so la'gaxala' na netaxaỹaxanqajanqaipi quena' qaretaxaỹa'pegue' ñi qota'a, mashic ỹaanec da la'qaatec quiyim no'm 'ue ca ỹa'den ca hueeta'gue so Jesús, ca qara'qaataxanalo, qaiyi qaiconlec qaicoñi'.

Juan 13:16

Ỹaatqajam llic da shinac caqamiri, quiyim qaica nelaatec ỹapacauec queca na'co', chaqai qaica quet cá'maq qaila' ỹapacauec quecá'maq relaataxan.

Juan 5:16

Ca vichiguiño' so judioipi ỹocantac so Jesús ỹahotaque quiyim ỹalauat, ma' ỹo'ueeto' dajo queso na'xa'a co'mataxaqui.

Juan 7:32

Na fariseoipi co'na' 'xaỹa so qomyipi ỹa'xatetac so Jesús, ca so fariseoipi chaqai na lashillipi na netaxaỹaxanqajanqaipi ila' so nouaataxanaq neloxoỹaripi cañi no'ueenaxanaxaqui quiyim coñi' so Jesús.

Juan 8:51

Ca ỹaatqajam llic dá'maq shinac caqamiri, quiyim cá'maq na'xaỹaxana dá'maq sa'xat, ca tot ileu.

Juan 8:52

Ca so judioipi 'naaco' na'le queso'maxare: —Ca' nagui, ca ỹaatqajam sa'deenqata quiyim 'ue ñi neetagui qami' chicqo'ot so na'ỹaapec. Ma' so Abraham chaqai sá'ogue so letaxaỹaxaquiripi ñi qota'olec nilliviñi, qam qami' 'ñirac: “Cá'maq na'xaỹaxane'ta dá'maq sa'xat, ca tot ileu.”

Juan 8:59

Ca' quiyi, ca qaiconapego' na qa', ma' qaỹahotaque qainaq so Jesús. Qam so'maxare nañoxojñi, ca' ca'e añi no'ueenaxanaxaqui, queetougui so qomyipi, ca' eec.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

1 Corintios 4:12

Qaresot sauaxat na re'qoochigui qaro'ueenataxanaxac. Na qomyipi ishiuentalgoto qomi', qam qomi' sa'xatqata'pe naua no'viiñi na'qaatqa. Qarocanta'pe, qam qomi' ña'ñaxataxaguit da qanocanaxac.

2 Corintios 4:9

Ca 'eno'm chaqai qaỹocanta'pe qomi', qam se qaỹalate' qomi'. Chaqai 'eno'm qanenaqaiñi qomi', qam se qareleu.

1 Tesalonicenses 2:15

Chaqaina najo judioipi ná'maq ỹalauat na'le so qara'gaxala' Jesús, 'ne'tegue so 'auaxaic leta'allipi quiyim ỹalauat so letaxaỹaxanqajanqaipi ñi qota'a. Ca' chaqaina ná'maq ỹo'derauec qomi' na'le. Ỹaatqajam se nqo'ta ñi qota'a na'maxare, chaqai se ỹaqamaxat ná'ogue na qomyipi.

2 Timoteo 3:12

Qam ỹaatqajam lliqueta quená'maq quejlec so Cristo Jesús, qai'neeta ỹovirau'a da le'xoric queda nocanaxac.

1 Samuel 8:7

Qam ñi qara'gaxala' 'naaco': —Na'xaỹaxañita quecá'maq roỹaxantaque na qomyipi, ma' ỹim ná'maq liỹoqa'piguit, mesqai qami', qaiyi se seloqota'a najo qomyipi.