Juan 15:12 - La'qaatqa ñi qota'olec Qota'olec & Qota'olec Novita Na Qomyipi

¹² Dá'maq ilaataxanaxac 'neetasa': quiyim ne'xoriñiỹata', 'ne'tegue dá'maq i'xorenataxanaxa caqamiri.

Juan 15:12 Iomraidhean Croise

Juan 13:34

Saanema qamiri najo dalaxaic nelaataxanaxac, quiyim ñi 'óna i'xoren ca liỹa. 'Nejem dá'maq i'xorenataxanaxa caqamiri, ca' chaqaida 'ñiita'gue quiyim ne'xoriñiỹata'.

Juan 15:17

Ca' dajo dá'maq ilaataxanaxac caqamiri: quiyim quiñi 'óna ỹaatqajam i'xoren ca liỹa.

Romanos 12:10

Ca' ỹaatqajam ne'xoriñiỹata', 'ñiitari' caua nalamaxarete' nqaỹa'. Qaica ca qaỹapacqajnauec, ca' quiñi 'óna ỹa'maxate'tegue ca liỹa.

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

1 Tesalonicenses 3:12

Ca' ñi qara'gaxala' Jesús ñaxat nqai'en chaqai nqo'naxatec da re'xorenataxanaxahi quiyim ne'xoriñiỹata' chaqai ỹovira'oga nqai'ñii ná'ogue na qomyipi, 'nejme' qomi' quiyim ỹaatqajam qarauochaqate' qamiri.

1 Tesalonicenses 4:9

Ca' da leloxoỹaxac quiyim qaỹauotegue ca nqaỹa npi'ỹaxaua, ca tot ỹouen quiyim shiriñi, ma' chaqaiñi ñí'maq qota'a rapaxaguiñiigue quiyim rauochigue ca riỹahi.

2 Tesalonicenses 1:3

Qamiri qarqaỹa', qomi' se neme saanqatacot da qana'aachic ñi qota'a caqamiri. Dá'maq 'maxaraic shinqata'gue caqamiri, ma' noquiiquetauec da rpi'ỹaxaguii chaqai nqo'neetauec quiyim ne'xoriñiỹata'.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

1 Pedro 3:8

Ca' chaqaida 'ñiitari' quiyim ne'xoriñiỹata', chaqai quiñi 'óna nqouaguegue ca liỹa. Chaqai ỹaatqajam qamiri 'xorenataxanaxaiqa quecanchaqaica qom, 'ñiita'gue ca rqaỹahi. Niñiiquishiñitecta', qaica ca napacqajan.

1 Pedro 4:8

Qam quená'ogue ỹaatqajam ne'xoriñiỹata' qamiri, ma' da ne'xorenataxanaxa 'xoic na nasauaxaset ỹapalaxat.

1 Juan 3:23

Ca' dá'maq lelaataxanaxac chaqaida dá'maq quiyim seuaqlec só'maq llaalec Jesucristo, chaqai quiyim ñi'xoresenaqta', ma' chaqaida dá'maq ilarelgoto qomi'.

1 Juan 4:21

Ca ñi'maxare ỹaanema qomi' da lelaataxanaxac: Quiyim cá'maq i'xoren ñi qota'a, ca' i'xoren qai'neeta ca lqaỹa.

2 Juan 1:5

Ca' qami' ỹaqaỹa, nagui ñi'xoresene'tot qami' quiyim ñi'xorenaqta'. Dá'maq shiriñi nagui caqami' mesqai dalaxaic nelaataxanaxac, ma' qaidaata dá'maq qohinapegalo qomi' na' ñaqai chita'gue seconaxaguit da na'qaatec.