Juan 15:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ỹim shine'tegue dajo da shinac, qaiyi qamiri ñitoonaxaua', chaqai qaiyi 'xoic ca netoonaxaguii.

Juan 15:11 Iomraidhean Croise

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Isaías 62:4

Ca' tot qohinac caqami' Nalate, chaqai na na'aateripi quena na'laua'e' tot qohinac Qanopoxoỹaxajñi, ta'ta'a dá'maq qadeenaxachi' ma'le 'neetasa': Paguec iqo'itqate qami', chaqai dá'maq leenaxat na na'laua'e' Ỹoua. Ma' qami' aná'maq paguec lqo'itqate ñi qara'gaxala', ñi'maxare 'neetari' ca loua na na'laua'e'.

Lucas 15:23

Ime, ca' naviguiuo cá'maq ỹaatqajam 'uegaxasaq huaqui llaalec, ca' lauachii. Ime, ca ¡squi'ỹaq, so'ueetaq ca qaremaqachic!

Lucas 15:32

Qalaxam nagui 'maxaraic quiyim so'ueetaq ca qarqui'ỹaxac quiyim ñitoonqatac. Ma' ñi rqaỹa'e', ñi'maxare mashic tot qaica, qam lot liỹa nca'leuec; ñi'maxare mashic na'laañi, qam mashic sanataxa.”

Lucas 15:5

Ca noma' ỹanata, ca illaalec na lallaac, ca ỹaatqajam ỹa'maqachiguiñi.

Lucas 15:9

Ca' ma' ỹanata, ca lapoonta' na namigallipi chaqai na la'aayaxaua 'aallipi, ca 'naapega: “Netoonaxauahi aỹim, nagui mashic sanata ayí'maq ỹam chiróla na'laañi.”

Juan 16:24

Vire'ta nagui saqa'leca ca shiilaxañiỹaque quiyim quiichigui nqai'ñii da ỹeenaxat; shiilaxañii, ca' coñiguit, qaiyi 'xoic ma'le ca netoonaxaguii.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Juan 17:13

Ma' nagui shicpegue' qami', qam nagui ma' ñaqai seuetalec na 'laua, ca' shinac dajo, qaiyi naua'maxare 'xoic ca netoonaxague' 'nejem da ñitoonaxac.

Juan 3:29

Quiyim 'ue ca shilaq, ca cá'maq ỹaatqajam shilliguit acá'maq nequetegaxai, ca' chaqaica cá'maq nauonaxaua. Qam cá'maq nauochaxaua cá'maq shilo hueetau'e na lahi, ca 'qaatapega. Ca 'xoic da netoonaxac quiyim 'qaatapega só'maq 'on. Ca' chaqaida dá'maq 'neeta caỹim quiyim 'xoic da ñitoonaxac.

Romanos 15:13

Ca' ñi qota'olec ma' chicqo'ot da qanaquitaxac, no'xaguilo nqai'ne' qamiri queda netoonaxaguii chaqai queda ra'maxahi quiyim mashic viilec ñi'maxare, qaiyi no'qaachiguilo qamiri quedá'maq naquitaxaguii chicqochigui da lquesaxanaxa so Espíritu Santo.

2 Corintios 1:24

Ma' qomi' se sahoqotaque cá'maq sapaxaguinaxaque qamiri quiyim viilec, ma' mashic ỹa'maqachiguiñi da rpi'ỹaxaguii. Qaidaata quiyim sotauanaxai' qamiri, qaiyi noquic ca netoonaxaguii.

Efesios 5:18

'Neeto' lotqai rquiñiuguichii, ma' dajo tai'a quiyim na'laañi nqai'en ca qom. Ta'ta'a quiyim no'qaachiguilo qamiri queso Espíritu Santo.

Filipenses 1:25

Ma' ỹaatqajam lliqueta nqaishin dajo, ca sa'den quiyim ñaq salequetauguilo qamiri. Ca' sotauañii quiyim nqo'ñiishiguim qamiri, qaiyi nqo'neuec ca netoonaxaguii queda rpi'ỹaxaguii.

1 Tesalonicenses 5:16

Qaidaato' da quiyim ỹaatqajam netooñitac.

1 Pedro 1:8

Ma' qamiri 'xoriñii so Jesucristo, 'eno'm sqai huañiỹa; chaqai quiyim viilec so'maxare nagui quiyim sqai huañiỹa, ca' ỹaatqajam chalego da netoonaxaguii chaqai da lemaqachic, ca da'maxare se ishit qaichoxochichigui,

1 Juan 1:4

Ca' chaqaida dá'maq 'em seraxañi dajo, qaiyi ỹaatqajam naloochiguiñi ca netoonaxaguii.

2 Juan 1:12

'Xoic quet ná'maq ỹa'qaatec caqamiri. Qam se sa'maxaren quiyim sahote'e aca lere ỹerecse, ca' selatalo qamiri. Ma' sahotaque sovira'alo qamiri, qaiyi ỹaatqajam setaxaiqa'ajta', qaiyi ỹaatqajam ỹovirichiguiñi ca qanetoonaxac.