Juan 15:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ No'm na'xaỹaxañiỹa na ilaataxanaxaquipi, ca' quiitalec dá'maq i'xorenataxanaxa caqamiri, ca 'nejem aỹim ña'xaỹaxanalo naua lelaataxanaxaco ñi ita'a, ca' shiquetalec da le'xorenataxanaxa caỹim.

Juan 15:10 Iomraidhean Croise

2 Reyes 18:6

So'maxare ỹaatqajam ỹaqamqata quiñi qara'gaxala' chaqai sqai ca'e. Ta'ta'a quiyim ipacqajanchiguilo naua lelaataxanaxaco ñi qara'gaxala' ilarelgoto na'le so Moisés.

Isaías 50:5

Ñi qara'gaxala' nañan da ỹa'deenaxanaxa, ca' ỹim se sopilaxatauec chaqai mesqai quiyim se ña'xaỹaxana quet.

Juan 10:18

Qaica cá'maq rouootaxana'gue da ñachaalataxac, qam chaqaỹim ná'maq saanec. 'Ue da iquesaxanaxa quiyim saanec chaqai quiyim liỹa secoñiguit. Ca' dajo dá'maq chaqai llilnataxanaxac ñí'maq ita'a.

Juan 12:49

Ma' ỹim se ñanoiquentac quiyim setaqa; ma' ñí'maq ita'a ñí'maq yila', chaqaiñi ñí'maq chicqo'ot cá'maq sa'xat chaqai cá'maq sapaxaguinataxanegue.

Juan 14:15

No'm qamiri yi'xoriñii, ca na'xaỹaxañii'talo naua ilaataxanaxaco.

Juan 14:21

Cá'maq ỹa'deene' chaqai na'xaỹaxanalo naua ilaataxanaxaco, ca'maxare re'oq quiyim ỹaatqajam llic yi'xoren. Chaqai ñi ita'a i'xoren cá'maq yi'xoren, chaqai ỹim qai'neeta se'xoren, chaqai ñachaxana ma'le ca'maxare.

Juan 14:23

Ca' so Jesús 'naaco': —Cá'maq yi'xoren, ca' na'xaỹaxana cá'maq shinac, chaqai qai'xoren quiñi ita'a. Ñi ita'a chaqai aỹim ñanaguinaqpegue', ca' qouora ma'le ca'maxare.

Juan 14:31

Qam chaqaida dá'maq qohine'tegue, qaiyi ná'maq hueetalec na 'laua ỹa'den quiyim aỹim se'xoren ñi qota'a, chaqai quiyim so'uet cá'maq yilarelec. Ne'laxachishiguim. Qolqa'e najo.

Juan 17:4

Ma' ỹaatqajam semaqachintac qami' nagui quiyim seuetalec na 'laua, chaqai mashic somat dá'maq yilachirelec.

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Juan 8:29

Ma' ñí'maq yila', ñi'maxare iỹaatac; ñí'maq ita'a se ỹauana yodaqajantec, ma' ỹim so'ueetetac dá'maq ỹa'maxarenta ñi'maxare.

Juan 8:55

Qam qamiri sqa huañiỹapega ñi'maxare; qam ỹim maxasa' seuana. Qam queta' shinac se seuanapega, ca' ỹaatqajam ỹim quet 'maatqaic, shinta quet maqamiri. Qam ỹaatqajam llic seuana, chaqai ña'xaỹaxana cá'maq 'naac ñi'maxare.

1 Corintios 7:19

Qaicanqai 'negue quiyim 'ue ca netanaxaset na noshicmaxa, loqo'm qaica, qam quedá'maq 'xoic nepagaxallic quiyim qana'xaỹaxane'talo naua lelaataxanaxaco ñi qota'a.

1 Tesalonicenses 4:1

Ca nagui qamiri qarqaỹa', ñi'xoresenqa'toto chaqai saqataxalo qamiri, sahoqota'ahi da leenaxat so qara'gaxala' Jesús, quiyim quiijlec da leloxoỹaxac dá'maq sapaxaguinaxaque qamiri, qaiyi qaỹa'maxarente' qamiri quiñi qota'a, ca chaqaida dá'maq quiitalec, nqo'neetauec nqai'ñii.

Hebreos 7:26

Ca' vichiguiño' chaqaiso so Jesús só'maq 'oonoqui' qaretaxaỹaxanqajnec souenqataque quiyim retaxaỹa'pegue' ñi qota'a. Ma' so'maxare co'teeta, qaica ca se no'uen chaqai ca lasauaxaset, qaỹoỹootec quena sauaqhuaiquipi, chaqai qaỹavicshiguim paguec lishicshi'ma nqohin quena piguim.

2 Pedro 2:21

Ca' paguec la'maxa quet quesaua'maxare quiyim se ỹa'deene' dá'maq no'uen ñicyaxac, mesqaida quiyim mashic ime ỹa'den, ca lotqai ỹaxanñi dá'maq ỹaatqajam qoỹaanem naqataxac chicqo'ot ñi qota'a.

1 Juan 2:3

No'm ña'xaỹaxanqa'ta na lelaataxanaxaquipi ñi qota'a, ca' sa'deenaq quiyim seuanaxa ñi'maxare.

1 Juan 2:5

Qam cá'maq ỹo'uet da lelaataxanaxac ñi'maxare, ca' ỹovira'a quiyim ỹaatqajam nqo'ta ñi qota'a. Ca' chaqaida dá'maq 'neeta, ca' sa'deenaq quiyim ña'daqata'guit ñi'maxare.

1 Juan 2:6

Cá'maq 'naac na'deeta'guit ñi qota'a, ca' da nachaalataxac 'nejem dá'maq 'neetari' na'le so Jesucristo.

1 Juan 5:3

Ma' dá'maq ne'xorenataxanaxa quiñi qota'a, chaqaida dá'maq quiyim qana'xaỹaxane'talo naua lelaataxanaxaco. Chaqai naua'maxare se qalachi.

Apocalipsis 22:14

Chalego la'maxa cá'maq quiỹo' caua loho, qaiyi ỹovirau'a ada qo'paq chicqaugui da nca'laxa, chaqai quiyim ishit inoxontougui ñi lasom yi na'a' lodegaxat.