Juan 14:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' so Jesús 'naaco': —Felipe, shi'gom iỹareta'pe qamiri, ¿qam saqa' huañirapiguiỹa'o'? Cá'maq iuana ỹim, ca' iuana ñi qota'a. Ca' ¿chi'negue ma' yashiila'isac quiyim huañita ñi qota'a?

Juan 14:9 Iomraidhean Croise

Génesis 26:9

Co'na'le, ca roỹaxaneu'ga, ca 'naaco' queso'maxare: —Qa' ỹaatqajam llic roua'e'o' añi'maxare. Qam ¿chi'neco' ma' 'ñirac rqaỹa'e'? Ca' so Isaac 'naaco': —Ma' ỹim shintapega qayalauat queta'le sauaxat ada'maxare.

Marcos 9:19

Ca' so Jesús 'naaco': —¡Ỹaatqajam qaica ca huelec najo qomyipi! ¡Canchaqai taỹa'co' quiyim salequetapouguilo qamiri, chaqai canchaqai taỹa'co' quiyim ñiualaxaintegueto qamiri! Ñaq naviguiiri' quenajo ñí'maq ne'nec.

Lucas 12:56

Ca' ¡qamiri mashic 'ñiitapega quiyim qamiri 'maxaraqa! Ma' qamiri 'yiiñii 'xachii na netanqaipi na piguim chaqai na 'laua, qam ¿chi'negue ma' sqa 'yiiñii ca 'neete' naua na'xata' seuqatauguilo nagui?

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Juan 10:30

Ỹim chaqai ñi ita'a qomi' 'oonoqui'.

Juan 12:45

Chaqai cá'maq iuañiua', iuana qai'neeta ñí'maq yila'.

Juan 14:20

Ca' quecajo na'xa'a, ca' retañii ma'le quiyim ỹim seuetagui ñi ita'a, chaqai qamiri viitagui aỹim, chaqai aỹim seuetauguilo qamiri.

Juan 14:7

Quetqai huañiua', ca huañiỹa quet qai'neeta ñi ita'a. Ca' nagui chaqa'ma' shi'gue huañiỹa, ma' shi'gue 'ajñitac.

Juan 8:19

Ca qainato' so'maxare: —¿Negue' ca neeta'gue ca qataa'i'? Ca' so Jesús 'naaco': —Qamiri sqai huañiỹapiguiỹa', ca qai'neeta sqai huañiỹapega ñi ita'a. Ma' quetqa ỹim rauanachiguii, ca qai'neeta quet huañiỹa ñí'maq ita'a.

1 Corintios 15:12

Qam no'm qomi' sa'xatqatac quiyim so Cristo liỹa qanca'laxatec quiñi qota'a queso lelauaxa, qam ¿chi'neco' caqamiri quiyim 'ue na 'naac quiyim tot nca'leuec cá'maq mashic ileu?

Filipenses 2:6

Ma' so'maxare 'eno'm mashic ỹantañi da no'ueenataxac ñi qota'a, qam se ipaca'pegue' quiyim 'nejem quet ñi qota'a.

Colosenses 1:15

Ñi qota'a ñí'maq qaican iuana, ñi'maxare hueetaugui da re'qoochigui no'ueenataxac na'le so llaalec, só'maq 'auaxaico' na'le na' saqa'leca ná'ogue nanchaqaina.

Hebreos 1:3

Ca' chaqaiso so lqai'legaxa dá'maq lauaq ñi qota'a, chaqai so'maxare chaqaiso só'maq 'nejem da no'ueenataxac ñi qota'a, chaqai so'maxare só'maq nolliitañi ná'ogue nanchaqaina queda lquesaxanaxa da la'qaatec. Ca co'na' ime co'taxate' qomi' quena qarasauaxaset, ca' nqa'xanñi quiyim nashi queda loic yi nqa'xanqa' ñi qota'a queda piguim.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.