Juan 14:31 - La'qaatqa ñi qota'olec Qota'olec & Qota'olec Novita Na Qomyipi

³¹ Qam chaqaida dá'maq qohine'tegue, qaiyi ná'maq hueetalec na 'laua ỹa'den quiyim aỹim se'xoren ñi qota'a, chaqai quiyim so'uet cá'maq yilarelec. Ne'laxachishiguim. Qolqa'e najo.

Juan 14:31 Iomraidhean Croise

Salmos 40:8

Ỹim yqo'ta quiyim so'uet cá'maq vi'saque, qami' qota'olec caỹim; ¡da rapaxaguinataxanaxaqui' selliitagui añi i'taxanata!

Isaías 50:5

Ñi qara'gaxala' nañan da ỹa'deenaxanaxa, ca' ỹim se sopilaxatauec chaqai mesqai quiyim se ña'xaỹaxana quet.

Mateo 26:39

Co'na'le, ca' so Jesús cocho'qui' liỹa eec, ca nqa'paxañiguit na 'laua. Ca nqouagaxainot ñi qota'olec, 'naaco': —Qami' ita'a, no'm shichi' quiyim se ỹovichiguit nqai'ñi' aỹim da i'xoric 'ec aca naqana chim. Qam sqaida quet dá'maq chi sahotaque, ta'ta'a cá'maq vi'saque.

Mateo 26:46

Ne'laxachishiguim, qolaq, mashic novi' ná'maq yayaano.

Lucas 12:50

Aỹim sai'a quiyim 'xoic ca i'xoric, 'nejem ca nocoraxanaxac, chaqai ¡chalego na ỹachicoxo quiyim chaqa'ma' sahotaque quiyim ỹovirelec!

Juan 10:18

Qaica cá'maq rouootaxana'gue da ñachaalataxac, qam chaqaỹim ná'maq saanec. 'Ue da iquesaxanaxa quiyim saanec chaqai quiyim liỹa secoñiguit. Ca' dajo dá'maq chaqai llilnataxanaxac ñí'maq ita'a.

Juan 12:27

Ca' nagui ỹaatqajam 'xoic da shinta; ca ¿nega'ỹo' ca shinac? ¿Loqo'm shinac: “Qami' ita'a, yca'laxachirec quedá'maq naatailec nagui”? Qam chaqaida dá'maq 'em ñanac.

Juan 12:49

Ma' ỹim se ñanoiquentac quiyim setaqa; ma' ñí'maq ita'a ñí'maq yila', chaqaiñi ñí'maq chicqo'ot cá'maq sa'xat chaqai cá'maq sapaxaguinataxanegue.

Juan 13:1

Ca quesó'maq liỹa na'xa'a, ca noviro so lapoxoc quiyim qaỹo'leente na' qoyique'e yi Egipto, ca' so Jesús ỹa'den quiyim ỹovita ca laloqo' quiyim ca'e na 'laua, ca quepegue' ñi leta'a. Qam so'maxare chaqai 'neetari' da lauochaxa queso lalamqateripi no'ueenalec na 'laua, ca' nagui ỹachaxanalo saua'maxare dá'maq paguec lecaic lauochaxa.

Juan 15:9

Ỹim se'xorene' qamiri 'nejem dá'maq le'xorenataxanaxa ñí'maq ita'a caỹim. Ca' quiitalec dá'maq i'xorenataxanaxa caqamiri.

Juan 18:11

Qam so Jesús 'naaco' queso Pedro: —Liỹa pilaxachirigui shichirigui aca lahi' na lecachi'. Ma' no'm ñi qota'a ỹovirau'a nqai'en da ñi'guenaxac, 'ec nqai'en aca naqana chim, ca' ¿se ipaguigui quet nqaishin da'maxare?

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Filipenses 2:8

Ca co'na' ỹantañi da no'ueenataxac na chaqai qom, ca' neneequesen. Ca quedá'maq quiyim na'xaỹaxanta, ca chi ỹovireta'a quiyim qaỹalauat, 'eno'm ỹo'uet da nayiloxo da lelauaxa na' qaipateno queso npatenaxala'.