Juan 14:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Qam ca Espíritu Santo, cá'maq nelatalo qamiri ma'le ñi qota'a, quiichigui nqai'en da ỹeenaxat, qaiyi ỹotauane' chaqai ỹa'ñaxate' ma'le qamiri, ca'maxare rapaxaguiñiigue ná'ogue chaqai no'uenaxanaxane' qamiri quedá'ogue dá'maq shinac.

Juan 14:26 Iomraidhean Croise

Salmos 51:11

Sqai ỹoochire'oga ỹim caqami', chaqai sqai huootaxañira'gue caỹim ñi co'teeta espíritu chicqo'ot qami'.

Mateo 1:18

Da 'neeta da ne'xaỹoqsoxoc so Jesucristo 'neetasa': Aso late'e María co'na' mashic letaxaỹaxaua so José quiyim loua. Chaqai na' saqa' noua', qa' aso'maxare 'man, chicqochigui da lquesaxanaxa so Espíritu Santo.

Mateo 1:20

Ca co'na' ra'deenataxantac quecá'maq 'neeta'gue dajo, ca' re'guemacho' so lelaatec ñi qara'gaxala' piguim le'ec. Ca' qohinapego': —José, ma' qami' chicqoiraugui so nashi David, se ro'chi'i' quiyim coñita añi María quiyim roua'e'. Ma' yí'maq ne'qaañi ma'le llaalec añi'maxare chicqo'ot so Espíritu Santo.

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Mateo 3:11

Ca' ỹim ỹaatqajam lliqueta ñachilaxañiguilo qamiri na huaxaỹaq, ca' chi netanec quiyim lachii' naua ranataxahi se no'viiñi. Qam cá'maq coỹaretalec aỹim, ca'maxare nachilaxanalo qamiri ma'le ca Espíritu Santo chaqai ca norec. Ca'maxare paguec lquesaxanaxa caỹim, vire'ta quiyim se seshit quiyim chi se'xate' caua lapelate'.

Marcos 12:36

Qam chaqaiso só'maq David co'na' qaretaqaugui queso Espíritu Santo, 'naaco': Ñí'maq qara'gaxala' qota'a 'naaco' quiñi ỹa'gaxala': “Nqa'xañiriñi queda ỹoic, toco' ma' sillo'oto naua qapiaachichi' ná'ogue na npa'guenaxaua'e'ipi.”

Marcos 13:11

Chaqai ma' qaỹauegueu'alo qamiri na nashillipi, mesqai 'xoic riỹalaxahi quecá'maq 'xachii chaqai mesqa 'yiiñitaque. Ta'ta'a quiyim 'xachii cá'maq ỹaanema qamiri ma'le ñi qota'olec quiyim 'xachii; ma' mesqai qamiri nauá'maq taxahi ma'le, ta'ta'a so Espíritu Santo só'maq retaqa ma'le.

Lucas 1:15

Ma' ca qachaalqui', ca'maxare ỹaatqajam lodegaxat ma'le nqohin quiñi qota'olec. Ca'maxare se ishit ni'chigui canchaqaica quena lataxa, ma' ỹaatqajam no'qaachigui queso Espíritu Santo ma' saqa' ne'qaañi.

Lucas 1:35

Ca' so nelaatec 'naaco': —Ca Espíritu Santo ta'ñigui qami' ma'le, ca' da la'ñaxac ñi qota'olec ma' lodegaxat ỹapolec qami', 'nejem ca naueguelec. Ca vichiguiño' cajo noctoqui' ma' ne'qaañi, ca'maxare ỹaatqajam qoỹaanot quiyim hueeto'ot ñi qota'olec. Ca' qaỹamata'gue llaalec ñi'maxare.

Lucas 1:41

Ca' aso Elisabet co'na' 'xaỹaque da niquinaxanaxac, ca' so noctoqui' mashic hueetagui na lauel redaalec, ca' aso'maxare ỹaatqajam no'qaachigui queso Espíritu Santo.

Lucas 1:67

Ca so leta'a Zacarías ỹaatqajam no'qaachigui queso Espíritu Santo. Ca ỹa'xat da la'qaatec ñi qota'a mashic qoỹaanem, 'neetasa':

Lucas 11:13

No'm qamiri nogoraqa, qam 'yiiñii quiyim 'ỹaañim ca lo'yaxanec ca qachaalaxahipi, ¡huose'quet ñi qata'ahi neeto'ot na piguim ỹaanem ca Espíritu Santo quecá'maq rashiilaxanaque!

Lucas 2:25

Ca' quesojo ñaaxa neeta'ñi yi Jerusalén so ỹale, leenaxat Simeón. So'maxare ỹaatqajam huagaxaraic, chaqai ỹa'maxate'tegue ñi qota'a, chaqai nauaantaque ca na'xa'a quiyim ime nqohin da le'xoric na Israel llaalqaipi. Qam so'maxare hueeto'ot so Espíritu Santo.

Lucas 24:49

Ca' ỹim ñilatalo qamiri ma'le cá'maq ỹachaxantac nallaaqo' ñi ita'a, qam sqai daiỹari' quena na'a' lodegaxat Jerusalén, toco' ma' coñiguit ca nquesaxanaxa chigoxoshiguim.

Lucas 3:22

Ca' so Espíritu Santo naỹa'ña so'maxare, 'nejem na co'toco' ỹaatqajam re'qoota. Ime, ca 'maqot na piguim so na'qaatec, 'ne'tegue: —Qami' maq ỹaatqajam qami' ỹalamaxat ỹaalec, qami' ỹauochaxat, aỹim ỹaatqajam ñitoonta'pegue qami'.

Juan 1:33

Qam ỹim saqa' sa'den na'le nega'ỹo'ca cajo ỹale. Qam ñí'maq yila' quiyim sachilaxanataxana na huaxaỹaq, 'naapega aỹim: “Ma' huañita so Espíritu Santo ma' anac chicqashiguim, ca' quecá'maq hueetalec qom, ca' chaqaica cajo ỹale rachilaxanataxana ma'le ca Espíritu Santo.”

Juan 12:16

Na' ñaqai chita'gue so lapaxaguinatqaipi ỹaatqajam se ỹa'den ca 'neeta dajo. Qam na'chaqai co'na' ỹovita quiyim qaimaqachin so Jesús, ca qaỹo'leente dá'ogue da llicyaxac so'maxare. Ỹaatqajam ipaquichigui dá'ogue dá'maq naneretañi queso'maxare.

Juan 14:16

Ca' ỹim ñi'xoresene'tot ma'le ñi qota'a, quiyim nela' ca liỹa quiyim ỹotauane' chaqai ỹa'ñaxate' qamiri, chaqai quiyim chaqa'ma' hueeto'oto qamiri,

Juan 14:25

Dá'ogue dajo sa'xate'tema qamiri nagui ma' ñaq salequetauguilo qamiri.

Juan 15:26

Qam ma' novi' cá'maq ỹotauane' chaqai ỹa'ñaxate' qamiri, ca Espíritu cá'maq ichoxot dá'maq ỹaatqajam lliqueta, ñila' ma'le chicqo'ot ñi qota'a, ca'maxare ỹa'xat ma'le aỹim.

Juan 16:7

Qam llic dá'maq shinac caqamiri: ma' paguec la'maxa quiyim ỹim shic. Ma' no'm sqa shic, ca se novitalo qamiri cá'maq rotauañii chaqai ra'ñaxachii, qam no'm shic, ca ñila' ma'le.

Juan 2:22

Ca vichiguiño', na' so Jesús na' liỹa nca'leuec queso lelauaxa, ca' saua lapaxaguinatqa lotqai viichigui lauele' da la'qaatec so'maxare. Ca' lama'xa quiyim ỹaatqajam hueterelec naua naneresañi la'qaatqa ñi qota'a chaqai naua la'qaatqa so'maxare.

Juan 20:22

Ca' pe'teuguilo' na'le saua'maxare, ca 'naaco': —Coñiguit na Espíritu Santo.

Juan 6:45

Naua naneresañi la'qaatqa só'maq letaxaỹaxanqajanqaipi ñi qota'a 'neetayi da 'nerac: “Ñi qota'olec ỹapaxaguin ná'ogue ma'le na qomyipi.” Vichiguiño' ná'ogue ná'maq na'xaỹaxana ñi ita'a, chaqai 'ue na ỹa'den chicqo'ot ñi'maxare, ca nacpegue' aỹim.

Juan 7:39

Ca' quedajo ỹahotaque 'naac so Jesús, quiyim quecá'maq huelec so'maxare, ca icoñiguit ma'le so Espíritu Santo. Ma' saqa' novi'o' na'le so Espíritu, ma' so Jesús saqa' ỹovita yi laloqo' quiyim qaimaqachin.

Hechos 1:2

chi ỹovireta'a so na'xa'a taigue da piguim. Ca na' saqa' eec queda piguim, ca ỹa'vio' saua lca'acse' lelaatqa, chaqai ỹapaxaguinque cá'maq lo'ueenataxanaxague' chicqo'ot nqai'en so Espíritu Santo.

Hechos 1:4

Ca co'na' ñaq liỹaata'pe so Jesús saua lelaatqa, ca' qatalo quiyim sqai quere'e yi na'a' lodegaxat Jerusalén. Ca 'naapegalo': —Ñaq nauaañi'a quiyim ipaquichigui dá'maq sham ỹaañiỹaxaroma ñi ita'a, dá'maq mashic shi'gue sa'xatema qamiri.

Hechos 1:8

Qam ma' novitalo qamiri ca Espíritu Santo, ca' coñiguit ca nquesaxanaxa. Ca' oquii, 'xachitac aỹim, ca 'qaataxañiỹougui yi Jerusalén, chaqai yá'ogue yi 'laua quiyi Judea, chaqai yi Samaria, chaqai ỹovireta'ogalo naua'que naua lahil na 'laua.

Hechos 11:16

Ca' quiyi, ca' so'leente'te da la'qaatec so qara'gaxala' Jesús cana' 'naac: “Ỹaatqajam llic quiyim so Juan rachilaxanataxañigui na huaxaỹaq, qam qamiri qanachilaxanguilo ma'le ca Espíritu Santo.”

Hechos 13:2

Ca 'uo' so na'xa'a co'na' saua'maxare lapoota'ta', qaỹo'ueentac ñi qara'gaxala' chaqai sá'ogue qaica que'e. Ca' so Espíritu Santo 'naaco': —Qaỹoỹoote'ogalo ñaua Bernabé chaqai ñi Saulo, soỹaxanalo, ma' 'ue da sahote'e lo'ueenategue'.

Hechos 13:4

Ca co'na' qailate' queso Espíritu Santo so Bernabé chaqai so Saulo, ca taategue da Seleucia. Ca' quiyi, ca renoterougui aso qom lahi' huaxaỹaqse, querepegue' aso delec, leenaxat Chipre.

Hechos 15:28

Ma' 'eco' 'maxaraic queso Espíritu Santo chaqai coqomi' quiyim qaica ca resalli senaxasoxolec qamiri, chaqaidaata dá'maq viñii quiyim 'yiiñii:

Hechos 15:8

Ca' ñi qota'olec, ma' ỹa'deene' naua ne'taxanatal, ỹachaxan quiyim ỹacoñiguit na'maxare na' ỹaanem so Espíritu Santo, 'neete'm qomi' na'le.

Hechos 16:6

So Espíritu Santo se ỹa'maxaren ỹa'xate' da na'qaatec quiyi 'laua Asia. Ca' vichiguiño' ỹapaquera'ta quiyi Frigia chaqai yi Galacia,

Hechos 2:33

Ma' ỹahote'e da loic ñi qota'olec ỹaconsop so Jesús, ca qaỹaueguegue da piguim, chaqai icoñiguit quiñi leta'a na Espíritu Santo ná'maq mashic shi'gue ỹachaxantac; ca ná'ogue ná'maq qamiri huañichigui chaqai ná'maq 'xaichigui chicqo'ot ñi'maxare.

Hechos 2:4

Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Hechos 20:35

'Eda da chaqai'en ỹapaxaguinataxanaxac caqamiri quiyim 'ueenataxañii chaqai tauañii na 'ue ca louenaxanaxa. Sqai 'laxachii da la'qaatec so qara'gaxala' Jesús, na' 'naac: “Paguec la'maxa quecá'maq rachitaxanataxan, quecá'maq 'ue ca icoñiguit.”

Hechos 28:25

Qam quiyim mesqai sá'ogue natene'ejta' ỹa'maxarenta, ca 'uo' na eec. Ca' so Pablo 'naaco' queso qomyipi: —Ỹaatqajam taachiguio' dá'maq ỹa'xato' so Espíritu Santo queso 'auaxaic qareta'allipi, na' retaqaugui so qota'a letaxaỹaxaqui leenaxat Isaías. Co'na' 'naac:

Hechos 5:3

Qam so Pedro 'naaco': —Ananías, ¿chi'neco' ma' inoxono' so na'ỹaapec cañi re'taxanata'e' quiyim ỹo'uet quiyim na'majñitot so Espíritu Santo, ca sectaqchirigui aca laseuete so na'lauahi?

Hechos 7:51

Ca so Esteban ñaqai queetalec 'neetapega so nashillipi: —Qam qamiri ỹaatqajam 'ñaaxai añi re'taxanatahi, chaqai se na'xaỹaxañii chaqai añi re'taxanatahi 'ec ná'maq se ỹauanapega ñi qota'olec. Chaqaidaata quiyim se remii npa'guiñita'pegue' ñi Espíritu Santo, chaqai 'ñiita so 'auaxaic qata'illipi.

Hechos 7:55

Qam so Esteban no'qaachigui queso Espíritu Santo, ca co'na' ra'ỹaashiguim quena piguim, ca iuane'ta so lauaq ñi qota'a, chaqai so Jesús nachaatetañi queda loic ñi'maxare.

Romanos 14:17

Ma' dá'maq lo'ueenataxanaxac ñi qota'a ma' ỹoiquentac ná'ogue najo, da'maxare sqai chicqochigui cá'maq re'qoochigui na'ic, loqo'm cá'maq qani'chigui; qaidaata dá'maq no'uen chaalataxac, na'maxa, chaqai da toonaxac coqomi' chicqo'ot so Espíritu Santo.

Romanos 15:13

Ca' ñi qota'olec ma' chicqo'ot da qanaquitaxac, no'xaguilo nqai'ne' qamiri queda netoonaxaguii chaqai queda ra'maxahi quiyim mashic viilec ñi'maxare, qaiyi no'qaachiguilo qamiri quedá'maq naquitaxaguii chicqochigui da lquesaxanaxa so Espíritu Santo.

Romanos 15:16

quiyim aỹim lelaatec nqai'en so Jesucristo quená'maq sqai judioipi, quiyim so'ueenataxanougui. Ca dá'maq so'ueetetac 'neetasa' quiyim sa'xatetapeguem da na'qaatec chicqaugui da nca'laxa ỹachaxantac ñi qota'a, qaiyi saanot ñi'maxare ná'maq sqai judioipi, 'nejem aca nachitaxanataxanqate qaỹa'maxarenta quiñi qota'a, ma' mashic qaỹoỹoota'oga na'maxare queso Espíritu Santo.

Romanos 5:5

Ca' dajo qanaquitaxac se ỹo'uet ca qarayiloxo, ma' ñi qota'a no'xataxachiguilo naua qare'taxanata queda le'xorenataxanaxa, chicqochigui nqai'en so Espíritu Santo ma' mashic ỹaanema qomi'.

1 Corintios 12:3

Vichiguiño' nagui sahotaque quiyim 'yiiñita queca 'óna retaqa nqohin queda lquesaxanaxa so ne'Espíritu ñi qota'a, ca'maxare se ishit quiyim 'naac: “¡Qaỹalauat so Jesús!” Chaqai qaica ca ishit 'naac: “¡Chaqaiso so Jesús ỹa'gaxala'!” quiyim sqaiso so Espíritu Santo retaqa nqai'en ca'maxare.

1 Corintios 6:19

¿Sqa 'yiiñio' qamiri quiyim na roshicmaxahi mashic lauo' so Espíritu Santo, só'maq ỹaanema qamiri ñi qota'a, chaqai so'maxare mashic neetauguilo qamiri? Ca' qamiri se ralamaxarichii dá'maq no'ueenataxaguii,

2 Corintios 13:14

Chaqai coñiguit da lqouagaxa so qara'gaxala' Jesucristo, chaqai da le'xorenataxanaxa ñi qota'a, chaqai quiyim ỹalequetauguilo qamiri so Espíritu Santo. Ajá'a, ca' chaqaida 'neeta dajo.

2 Corintios 6:6

Chaqai re'oq qai'neeta nqaishinaq quiyim qomi' lelaatqa ñi qota'a quedá'maq 'maxaraic qano'ueenataxac, quiyí'maq qara'deenaxanaxa quedá'maq lliqueta, queda qareualaxavic, chaqai da qarqouagaxa, quedá'maq quiyim hueetauguilo qomi' so Espíritu Santo, chaqai dá'maq ỹaatqajam nachinchiguiñi qare'xorenataxanaxa,

Efesios 1:13

Chaqai qai'neete' qamiri, na' 'xaiỹa dá'maq ỹaatqajam lliqueta na'qaatec, na' qaỹa'xat da rca'laxahi, ca' viilec so Cristo, ca' na'yiiu'a so'maxare, ca' 'ue ca netanec nqohine' qamiri, ca' qamiri lalamaxarete' ñi qota'a, chicqochigui nqohin so Espíritu Santo só'maq shi'gue ỹachaxantac ñi'maxare.

Efesios 1:17

Sashiilatac ñi qota'olec queso qara'gaxala' Jesucristo, ñí'maq chalego lecaic qareta'a, quiyim ỹaanema qamiri ca na'deenaxanaxa chicqo'ot nqai'en so Espíritu, qaiyi 'yiiñii cá'maq ỹachaxañiỹaxarom chaqai quiyim ỹaatqajam 'yiiñichigui dá'maq 'neeta ñi'maxare.

Efesios 4:30

'Neeto' lotqai rachico nqai'ñii ñi Espíritu Santo chicqo'ot ñi qota'a. Ma' quiñijo Espíritu chicqochigui quiyim qaitane' qamiri, qaiyi qamiri lalamaxarete' ñi qota'a, chi ỹovireto'o' cá'maq na'xa'a quiyim ñi'maxare ỹaanema qamiri cá'maq ỹaatqajam naloochiguiñi nca'laxa.

1 Tesalonicenses 4:8

Ca' vichiguiño' quiyim 'ue ca se ỹacoñiguit dá'maq napaxaguinataxanaxac, ca ca'maxare mesqaica ca chaqai qom ca se icoñiguit, ma' chaqaiñi ñí'maq qota'a ñi se icoñiguit, ñí'maq ỹaanema qomi' so Espíritu Santo.

2 Timoteo 1:14

Richilliro'o' dá'maq mashic pataxalec qami' ñi qota'a quiyim loqoira'a. Ca' qami' ỹotauan so Espíritu Santo só'maq mashic qomi' hueeto'oto.

Tito 3:5

ca qarca'laxatec. Qam mesqaida quiyim 'ue quet ca ỹa'maqachiguiñi qaro'ueenataxanaxac, ma' ñi'maxare chi qare'xoren. Ca qarca'laxatec chicqochigui nqai'en ca qanachilaxac dá'maq 'em quiyim 'ec dalaxaic qane'xaỹoqsoxoc chaqai dalaxaic qanachaalataxac chicqo'ot so Espíritu Santo.

Hebreos 10:15

Chaqai chaqaiso so Espíritu Santo qai'neeta i'taxajñi coqomi' dajo, ma' dá'maq 'avichiguiñi la'qaatec 'neetasa':

Hebreos 2:4

Chaqai ñi qota'a qai'neeta 'chichiguiñi nqai'en dajo na'qaatec. Ca ỹa'vii naua netanqa, chaqai ná'maq ỹo'uet da ne'laxa, chaqai 'xoic na ỹo'uet quená'maq se qaiuanapega, chicqochigui nqai'en so Espíritu Santo quiyim ỹaanema qomi' ná'maq ỹoreta'oguit ỹoiquentac quecá'maq 'ne'tegue.

Hebreos 3:7

Ca' vichiguiño' quedá'maq 'naac so Espíritu Santo quenaua naneresañi na'qaatqa: No'm nagui 'xaiỹaque dá'maq 'naac ñi qota'a caqamiri,

Hebreos 9:8

Ca quedajo, ca' so Espíritu Santo qara'deenaxanaxanegue quiyim só'maq 'auaxaic noma' ñaqai queeta quiyim qaro'ueenataxantapougui quiyim qaimaqachintac ñi qota'a. Ca' saqa' qaỹauachigui ca ñigo quiyí'maq liỹa noma' leenaxat qaica ishit ỹovira'a.

1 Pedro 1:12

Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.

2 Pedro 1:21

Ma' ná'maq letaxaỹaxanqajanqaipi ñi qota'a se ỹauana quiyim nodajlec quet ca ỹa'xat. Ta'ta'a quiyim saua'maxare ỹaatqajam nañaantetot ñi qota'a, chaqai quiyim ỹa'xate' ca la'qaatec ñi'maxare, ca' so Espíritu Santo retaxahi' nqai'ne' saua'maxare.

1 Juan 2:20

Qam so Cristo ỹaanema qamiri so Espíritu Santo, ca' qamiá'ogue mashic 'ue ná'maq ra'yiiñiguii.

1 Juan 2:27

Qam mashic coñiguit so Espíritu Santo só'maq ỹaanema qamiri so Jesucristo. Ca' tot repaguitaque quiyim 'ue ca ỹapaxaguine' qamiri, ma' chaqaiso só'maq Espíritu só'maq ỹapaxaguinque qamiri ná'ogue nanchaqaina, qam naua lapaxaguinataxanaxaco ỹaatqajam lliquete', mese na'maachic. Ca' chaqaida 'neetari' da nachaalataxaguii na'deetau'a nqai'ñii so Cristo, ma' chaqaida dá'maq lapaxaguinataxanaxac so Espíritu.

1 Juan 5:7

Ca' tres nauá'maq hueeso'ot na piguim ỹa'xate' dajo: ñi qota'a, chaqai só'maq qohinaco' quen na'qaatec, chaqai so Espíritu Santo. Nauajo tres, qam 'oonoqui'.

Judas 1:20

Qalaxam qamiri ñauochaxaua' ỹaqaỹa', ỹaatqajam quiijlec dá'maq no'uen napaxaguinataxaguii viilec na'le. Nqouagaxaiñii queda lquesaxanaxa so Espíritu Santo.

Apocalipsis 2:11

Cá'maq ỹa'den ca na'xaỹaxanaxac, ca' 'maxaraic na'xaỹaxana da la'qaatec so Espíritu Santo 'neetapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca' se ỹovira'a ca le'xoric queca co'uaataxanaxaic nelauaxa.”