Juan 14:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca' so Jesús 'naaco': —Cá'maq yi'xoren, ca' na'xaỹaxana cá'maq shinac, chaqai qai'xoren quiñi ita'a. Ñi ita'a chaqai aỹim ñanaguinaqpegue', ca' qouora ma'le ca'maxare.

Juan 14:23 Iomraidhean Croise

Génesis 1:26

Co'na' ime, ca 'naaco' ñi qota'olec: Nagui, ca' so'ueetqo' ca qom. 'Nejme' qomi', ca' ỹapacauec ca' ishit reloxoỹa'a na nalliñipi, chaqai na ỹoipi, chaqai na neloipi iseripi, chaqai na neuequipi, chaqai quená'maq nqai'queetegueri' quena 'laua.

Génesis 11:7

Ca 'maxaraic quiyim yinotaxauec, ca ỹoricchi nqaishinaxai' naua la'qaatqa, qaiyi mesqai 'xaỹata'.

Salmos 90:1

Qami' qara'gaxala', chaqaqami' ná'maq qami' quepaqataxañiseguelgoto qomi' quenaua'que naua ñaxari.

Salmos 91:1

Cá'maq hueeto'ot da lquepaqataxanaxac ñí'maq qoỹoqoshi'megue chaqai qaica lqalanec qota'olec,

Juan 10:30

Ỹim chaqai ñi ita'a qomi' 'oonoqui'.

Juan 14:15

No'm qamiri yi'xoriñii, ca na'xaỹaxañii'talo naua ilaataxanaxaco.

Juan 14:17

so Espíritu só'maq ichoxot dá'maq ỹaatqajam lliqueta. Na qomyipi hueetalec na 'laua se ishit icoñiguit, ma' se iuana chaqai se ỹa'den. Qam qamiri mashic huañiỹa, ma' mashic hueeto'oto qamiri, chaqai chaqa'ma' liyi no'ueeno'oto qamiri.

Juan 14:21

Cá'maq ỹa'deene' chaqai na'xaỹaxanalo naua ilaataxanaxaco, ca'maxare re'oq quiyim ỹaatqajam llic yi'xoren. Chaqai ñi ita'a i'xoren cá'maq yi'xoren, chaqai ỹim qai'neeta se'xoren, chaqai ñachaxana ma'le ca'maxare.

Juan 14:24

Cá'maq se yi'xoren, ca se na'xaỹaxana dá'maq sa'xatetac. Dá'maq na'qaatec na'xaỹaxañitapega se ỹalamaxaret; chicqo'ot ñi qota'a ñí'maq yila'.

Juan 15:10

No'm na'xaỹaxañiỹa na ilaataxanaxaquipi, ca' quiitalec dá'maq i'xorenataxanaxa caqamiri, ca 'nejem aỹim ña'xaỹaxanalo naua lelaataxanaxaco ñi ita'a, ca' shiquetalec da le'xorenataxanaxa caỹim.

Juan 16:27

ma' chaqaiñi ñí'maq qota'a re'xoriñii. I'xorene' qamiri, ma' qamiri yi'xoriñii, chaqai viilec quiyim sachicqo'ot ñi qota'olec.

Juan 6:56

Cá'maq ỹa'ic na ỹoshicmaxa chaqai ni'chiguilo naua iuo', ca'maxare na'deetau'a aỹim chaqai aỹim qai'neeta queca'maxare.

Juan 8:51

Ca ỹaatqajam llic dá'maq shinac caqamiri, quiyim cá'maq na'xaỹaxana dá'maq sa'xat, ca tot ileu.

Juan 8:52

Ca so judioipi 'naaco' na'le queso'maxare: —Ca' nagui, ca ỹaatqajam sa'deenqata quiyim 'ue ñi neetagui qami' chicqo'ot so na'ỹaapec. Ma' so Abraham chaqai sá'ogue so letaxaỹaxaquiripi ñi qota'olec nilliviñi, qam qami' 'ñirac: “Cá'maq na'xaỹaxane'ta dá'maq sa'xat, ca tot ileu.”

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

Efesios 3:17

qaiyi so Cristo hueetauguilo naua re'taxanatahi chicqochigui da rpi'ỹaxaguii, qaiyi ra'ñi'iñi qamiri na'yiitalec da ne'xorenataxanaxa,

1 Juan 2:24

Vichiguiño' 'maxachii cañi re'taxanatahi dá'maq na'xaỹaxanaxaguii na' ñaqai chita'gue coñiguit da na'qaatec. Ca no'm dá'maq shi'gue na'xaỹaxanaxaguii hueetagui añi re'taxanatahi, ca' qamiri qai'neeta na'yiita'guit ñi qota'olec chaqai so llaalec.

1 Juan 2:5

Qam cá'maq ỹo'uet da lelaataxanaxac ñi'maxare, ca' ỹovira'a quiyim ỹaatqajam nqo'ta ñi qota'a. Ca' chaqaida dá'maq 'neeta, ca' sa'deenaq quiyim ña'daqata'guit ñi'maxare.

1 Juan 4:4

Qamiri ỹaalqolqa, qamiri lalamaxarete' ñi qota'a, chaqai mashic qadoxoñiguii na 'maatqaiquipi. Ma' ñi qota'a ñí'maq neetaguilo qamiri paguec lquesaxanaxa quesó'maq na'ỹaapec ỹoiquentac na qom hueetalec ana 'laua.

1 Juan 5:3

Ma' dá'maq ne'xorenataxanaxa quiñi qota'a, chaqaida dá'maq quiyim qana'xaỹaxane'talo naua lelaataxanaxaco. Chaqai naua'maxare se qalachi.

2 Juan 1:6

Dajo ne'xorenataxanaxa chicqochigui quiyim ña'xaỹaxanqa'talo naua lelaataxanaxaco ñi qota'a. Chaqai da lelaataxanaxac chaqaida dá'maq shi'gue 'xahichigui na'le, quiyim 'xorenataxañii.

Apocalipsis 21:22

Qam sqaica ca seuana no'ueenaxanaxaqui queso na'a', ma' ñi qara'gaxala' ñí'maq qota'olec sqaica lqalanec, chaqaiñi ñí'maq 'ec lo'ueenaxanaxaqui, chaqai qai'neeta so 'ec qagreta llaalec.

Apocalipsis 21:3

Ca' sa'xaỹaque so na'qaatec ỹaatqajam lam, 'maqot na piguim, 'naac: —Ñaqa 'ajñi', nagui ñi qota'olec ỹalequetaugui na qomyipi, ỹaatqajam lauoraripi. Na'maxare ỹaatqajam lauo' laseripi, chaqai chaqaiñi ñi qota'olec ỹalequetaugui yi'maxare, ca' lalamaxaret ñi qota'olec yi'maxare.

Apocalipsis 22:3

Ca quiyi ma'le, ca' tot qaica quet ca hueetalec ca nouaxanaxaset. Aca nqa'xanaxaqui ñi qota'olec chaqai so 'ec qagreta llaalec neeta'ñi yí'maq na'a', ca' na lelaatqaipi imaqachintac ma'le ñi'maxare.