Juan 14:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Aỹim se salachii; liỹa yapil ma'le, qaiyi sentauguilo qamiri.

Juan 14:18 Iomraidhean Croise

Salmos 23:4

Ca 'eno'm shiquetauguilo nauá'maq paguec lapalqate' naua ca'meguelo, qam qaica quet cá'maq yo'chiitaque, ma' iỹaatac qami' ỹa'gaxala'; so nepoñi' chaqai ana rashillichi'i' ỹo'uet quiyim qaica ca youetaque.

Isaías 43:1

Qam nagui, qami' lalamaxaret so Jacob só'maq na'aamatec da Israel, ñi qara'gaxala' ñí'maq qami' lo'ueenatec 'naac: Totaxan ro'chi'i', ma' mashic shi'gue sosouec qami'; soỹaxana qami' queda qadeenaxachi', qami' ỹalamaxaret.

Oseas 6:3

¡Ña'ñaxataq quiyim seuanaxa ñi qara'gaxala'! Ñi qara'gaxala' nacpegueto qomi' ỹaatqajam lliqueta 'ec quena' nenoxonshiguim añi ra'aasa, ỹaatqajam lliqueta 'ec quena' na ỹaxat ỹocorelec na 'laua quiyi cotap chaqai yi nosaxa.

Mateo 18:20

Ma' cá'maq hueesa'ñi caua dos loqo'm tres lapoosagui da ỹeenaxat, ca' ỹim seuetañiguilo lavilliñi' caua'maxare.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Juan 14:16

Ca' ỹim ñi'xoresene'tot ma'le ñi qota'a, quiyim nela' ca liỹa quiyim ỹotauane' chaqai ỹa'ñaxate' qamiri, chaqai quiyim chaqa'ma' hueeto'oto qamiri,

Juan 14:3

Ca ma' ime ashic, ca sa'maxajñi ca ra'aari, ca lotqai liỹa yapil, ca sauegue' qamiri, qaiyi cá'ogue cá'maq senqata'ñi.

Juan 16:16

Qaỹaloq totqai huañiua' qamiri, qam qaỹaloq lotqai huañiua', ma' ỹim shicpegue' yi neeta'ñi ñi qota'a.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

2 Tesalonicenses 2:16

Ca' chaqaiñi ñí'maq qara'gaxala' Jesucristo chaqai ñi qota'olec, quedá'maq lqouagaxa, ca qare'xoren, ca' sqaica lqodoc nqai'en da la'maxa qouel chaqai da 'maxaraic qanaquitaxac,

Hebreos 2:18

Ma' so'maxare qai'neeta ỹovirau'a da le'xoric chaqai da ne'guenaxac, ca' nagui, ca so'maxare ishit ỹotauan ná'maq qaỹa'ue da ne'guenaxac.