Juan 14:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ so Espíritu só'maq ichoxot dá'maq ỹaatqajam lliqueta. Na qomyipi hueetalec na 'laua se ishit icoñiguit, ma' se iuana chaqai se ỹa'den. Qam qamiri mashic huañiỹa, ma' mashic hueeto'oto qamiri, chaqai chaqa'ma' liyi no'ueeno'oto qamiri.

Juan 14:17 Iomraidhean Croise

Ezequiel 36:27

Chaqai sanauguilo qamiri da ño'ueenataxac, ca' so'uet quiyim pacqajñichiguilo naua ỹapaxaguinataxanaxaco chaqai naua ỹaqataxaco;

Mateo 10:20

Ma' sqai qamiri nauá'maq taxahi ma'le, ta'ta'a so ne'Espíritu ñi qota'a ñí'maq viilec ñí'maq retaqa ma'le caqamiri.

Juan 14:16

Ca' ỹim ñi'xoresene'tot ma'le ñi qota'a, quiyim nela' ca liỹa quiyim ỹotauane' chaqai ỹa'ñaxate' qamiri, chaqai quiyim chaqa'ma' hueeto'oto qamiri,

Juan 14:23

Ca' so Jesús 'naaco': —Cá'maq yi'xoren, ca' na'xaỹaxana cá'maq shinac, chaqai qai'xoren quiñi ita'a. Ñi ita'a chaqai aỹim ñanaguinaqpegue', ca' qouora ma'le ca'maxare.

Juan 15:26

Qam ma' novi' cá'maq ỹotauane' chaqai ỹa'ñaxate' qamiri, ca Espíritu cá'maq ichoxot dá'maq ỹaatqajam lliqueta, ñila' ma'le chicqo'ot ñi qota'a, ca'maxare ỹa'xat ma'le aỹim.

Juan 16:13

Qam ma' novi' ca Espíritu cá'maq ichoxot dá'maq ỹaatqajam lliqueta, ca ca'maxare ỹapaxaguinguelo qamiri dá'ogue dá'maq lliqueta; ma' se nanoiquentac quiyim retaqa, ta'ta'a quiyim ỹa'xat ná'ogue ná'maq 'xaỹa, ca ra'deenaxanaxañiigue cá'maq ñaqa naataho.

Juan 6:40

Dá'maq ỹahotaque ñí'maq yila' quiyim ná'ogue ná'maq ra'ỹo'ot na llaalec ñi qota'olec chaqai huelec, ca 'ue da lca'laxa sqaica lqodoc; chaqai ỹim liỹa ñca'laxatec queca pa'aatec na'xa'a.

1 Corintios 14:15

Ca ¿nega'ỹo' ca shinta nagui? Ñqouagaxain ñi ỹa'al, qam qai'neeta da ỹa'deenaxanaxa. So'ueenaxana ñi ỹa'al, qam qai'neeta da ỹa'deenaxanaxa.

1 Corintios 2:14

Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.

1 Corintios 3:16

¿Sqa 'yiiñio' quiyim qamiri lauo' ñi qota'a, chaqai so Espíritu Santo chicqo'ot ñi'maxare neetanguilo qamiri?

1 Corintios 6:19

¿Sqa 'yiiñio' qamiri quiyim na roshicmaxahi mashic lauo' so Espíritu Santo, só'maq ỹaanema qamiri ñi qota'a, chaqai so'maxare mashic neetauguilo qamiri? Ca' qamiri se ralamaxarichii dá'maq no'ueenataxaguii,

2 Corintios 13:5

Ca' chi na'ajñiỹalta' qamiri ma'le, qaiyi 'yiiñii quiyim ỹaatqajam llic 'ue ca rpi'ỹaxaguii. Ñaq ni'guiñiỹalta'. ¿Se retañio' quiyim so Jesucristo hueetauguilo qamiri? Ta'to'o' no'm sqai ỹaatqajam llic coñiguit da na'qaatec.

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

Gálatas 4:6

Ca' na' ichoxot ñi'maxare quiyim mashic qamiri llaalqa, ca' nelatalo qamiri so ne'Espíritu so llaalec quiyim tauguilo naua re'taxanatahi. Ca só'maq Espíritu roỹaxan, 'naacsa': “¡Qami' qota'olec!”

Efesios 2:22

Ca' qaican ỹapaguec caqamiri quiyim na'yiitau'a so Cristo, ca lapohiguit ná'ogue na liỹaripi, chi ỹovireta'a quiyim 'ec qamiri 'imec. Ca' neetaugui ñi qota'a queso Espíritu Santo.

Efesios 3:17

qaiyi so Cristo hueetauguilo naua re'taxanatahi chicqochigui da rpi'ỹaxaguii, qaiyi ra'ñi'iñi qamiri na'yiitalec da ne'xorenataxanaxa,

Colosenses 1:27

Ca quesaua'maxare ñi qota'a ỹahotaque quiyim qaỹa'den dá'maq lesallaxa 'ue da lauaq dá'maq ỹahotaque ỹaanem na mesqai judioipi. Ca' dajo na'qaatec quiyim so Cristo ỹalequetauguilo qamiri, ca' so'maxare chaqaiso só'maq ỹo'uet ca naquitaxaguii, qaiyi 'ue ca lauaxai' ma'le qamiri.

2 Timoteo 1:14

Richilliro'o' dá'maq mashic pataxalec qami' ñi qota'a quiyim loqoira'a. Ca' qami' ỹotauan so Espíritu Santo só'maq mashic qomi' hueeto'oto.

1 Juan 2:27

Qam mashic coñiguit so Espíritu Santo só'maq ỹaanema qamiri so Jesucristo. Ca' tot repaguitaque quiyim 'ue ca ỹapaxaguine' qamiri, ma' chaqaiso só'maq Espíritu só'maq ỹapaxaguinque qamiri ná'ogue nanchaqaina, qam naua lapaxaguinataxanaxaco ỹaatqajam lliquete', mese na'maachic. Ca' chaqaida 'neetari' da nachaalataxaguii na'deetau'a nqai'ñii so Cristo, ma' chaqaida dá'maq lapaxaguinataxanaxac so Espíritu.

1 Juan 3:24

Ná'maq na'xaỹaxane'talo naua naqataxaco, ca' na'deetau'a ñi'maxare, chaqai ñi'maxare na'deeta'guita caua'maxare. Sa'deenaq quiyim ñi'maxare hueetauguilo qomi', ma' ñí'maq ne'Espíritu ỹaanema qomi' qara'deenaxanaxan.

1 Juan 4:4

Qamiri ỹaalqolqa, qamiri lalamaxarete' ñi qota'a, chaqai mashic qadoxoñiguii na 'maatqaiquipi. Ma' ñi qota'a ñí'maq neetaguilo qamiri paguec lquesaxanaxa quesó'maq na'ỹaapec ỹoiquentac na qom hueetalec ana 'laua.

1 Juan 4:6

Qam qomi', qomi' lalamaxarete' ñi qota'a. Ca cá'maq iuana ñi'maxare, ca' na'xaỹaxanalo qomi'. Qam cá'maq se lalamaxaret ñi qota'a, ca' se na'xaỹaxanoxoua'. Ca' queda, ca' seshitaq sa'deenaq cá'maq hueetagui cá'maq llic no'uen 'ueenataxac chaqai cá'maq hueetagui ca 'ueenataxac 'maatqaic.

1 Juan 5:7

Ca' tres nauá'maq hueeso'ot na piguim ỹa'xate' dajo: ñi qota'a, chaqai só'maq qohinaco' quen na'qaatec, chaqai so Espíritu Santo. Nauajo tres, qam 'oonoqui'.

Apocalipsis 2:17

Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”