Juan 14:13 - La'qaatqa ñi qota'olec Qota'olec & Qota'olec Novita Na Qomyipi

¹³ Chaqai cá'ogue cá'maq shiilaxañiỹaque qamiri quiyim quiichigui nqai'ñii da ỹeenaxat, ca ỹim so'uet, qaiyi najo ñaalec ichoxot da lquesaxanaxa ñi leta'a.

Juan 14:13 Iomraidhean Croise

Mateo 21:22

Chaqai cá'ogue cá'maq shiilaxañiỹaque quiyim nqouagaxaiñii, no'm viilec, ca' coñiguit.

Mateo 7:7

Shiilaxañii, ca' ñi qota'olec ỹaanema qamiri ma'le cá'maq shiilaxañitaque; daañiỹaque, ca nachiỹa; togoxoiuo ñi lasom, ca qaỹauate'ogalo qamiri.

Marcos 11:24

Vichiguiño' shinac caqamiri quecá'ogue cá'maq shiilaxañiỹaque quiyim nqouagaxaiñii, no'm viilec quiyim shi'gue coñiguit, ca' chaqaida 'neeta.

Lucas 11:9

Vichiguiño' ỹim nagui shinapegalo qamiri: Shiilaxañii, ca' ñi qota'olec ỹaanema qamiri ca viñitaque; miitaxañii, qaiyi nachiỹa ca michitaque; ca ỹotogoxou'a ca lasom, ca' qaỹauate'oga.

Juan 10:30

Ỹim chaqai ñi ita'a qomi' 'oonoqui'.

Juan 12:44

So Jesús nelamaxaren na' retaqa, 'naaco': —Cá'maq huelec aỹim mesqaỹimeta huelec, ma' qai'neeta huelec ñi ita'a ñí'maq yila'.

Juan 13:31

Ca co'na' mashic inoxonec so Judas, ca 'naaco' so Jesús: —Nagui, ca' qaỹachaxan da lemaqachic na ỹale llaalec, chaqai da lemaqachic ñi qota'olec re'oq ma'le quena'maxare.

Juan 14:14

Ỹim so'uet canchaqaica shiilaxañiỹaque qamiri quiyim quiichigui nqai'ñii da ỹeenaxat.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Juan 15:16

Qamiri se rca'acshiguii aỹim, ỹim ica'acse' qamiri. Ca vichiguiño' shinapegalo qamiri quiyim 'xoic ca laỹaxac nqai'ñii da nachaalataxaguii, qam dajo laỹaxague' qamiri ỹaatqajam ra'ñiñi nqai'ñii, qaiyi ñi ita'a ỹaanema qamiri cá'ogue cá'maq shiilaxañiỹaque quiyim quiichigui nqai'ñii da ỹeenaxat.

Juan 15:7

No'm qamiri quiitalec quiyim na'yiitau'a ỹim, chaqai mesqai couahi'e naua ỹapaxaguinataxanaxaco, ca cá'maq shiilaxañiỹaque, ca' qoỹaañiỹaxarom.

Juan 16:23

Ca' quecajo na'xa'a, ca' tot yinachii. Ỹaatqajam llic da shinac caqamiri, quiyim ñi qota'a ỹaanema qamiri cá'ogue cá'maq shiilaxañiỹaque quiyim quiichigui nqai'ñii da ỹeenaxat.

Juan 16:26

Ca' quecajo na'xa'a qamiri shiilahi ñi'maxare, qam quiichigui nqai'ñii da ỹeenaxat. Ca sqai shinac quiyim ñi'xoresene'tot ñi qota'a caqamiri,

Juan 16:7

Qam llic dá'maq shinac caqamiri: ma' paguec la'maxa quiyim ỹim shic. Ma' no'm sqa shic, ca se novitalo qamiri cá'maq rotauañii chaqai ra'ñaxachii, qam no'm shic, ca ñila' ma'le.

Juan 4:10

Ca' so Jesús 'naaco': —Huategue' queta' 'yiiñi' cá'maq ỹaan ñi qota'olec chaqai ná'maq ỹashiilatac qami' queca laquip, ca' qami' quet aná'maq yashiila'e', ca' ỹim saanem qami' ca huaxaỹaq se neme ne'paxantashiguim.

Juan 4:14

Qam cá'maq ni'chigui cá'maq huaxaỹaq saanem, ca' qaica ma' liỹa quet iuet laquip. Ma' cá'maq huaxaỹaq saanem, ca'maxare 'ec la'uaxac ne'paxantashiguim quena lauel ca'maxare. Ca' chaqaica cá'maq ỹoviraqta'a ca nca'laxa sqaica lqodoc.

Juan 5:19

Ca' so Jesús 'naapego' so qomyipi: —Ỹaatqajam lliqueta shinapegalo qamiri quiyim najo llaalec ñi qota'olec qaica ca ishit ỹo'uet no'm chi nanoiquenta'pegue', ta'ta'a ná'maq iuana ỹo'uet ñí'maq leta'a. Ca ná'ogue ná'maq ỹo'uet ñí'maq leta'a, qai'neeta ná'maq llaalec ỹo'uet.

Juan 7:37

Ca quesó'maq co'uaataxanaxaic na'xa'a queso nemaqachic, ca ỹaatqajam pagueco' quen da nemaqajnataxanaxa. Ca' quesojo na'xa'a nachajñi so Jesús ỹaatqajam nelamaxaren na' retaqa, 'naaco': —No'm 'ue ca iuet laquip, ca nacpegue' aỹim, ca' ne'et.

1 Corintios 14:13

Ca vichiguiño' ca qom no'm hueeto'ot quiyim ishit ỹa'xate' naua na'qaatqa se qaiuanapegalo, ca 'maxaraic quiyim ỹashiila ñi qota'a quiyim qaỹa'deenaxanaxanegue quiyim ichoxot ca leloxoỹaxague' naua na'qaatqa.

Efesios 2:18

Ma' chicqochigui nqohin so Cristo, ca ná'ogue ná'maq judío chaqai ná'maq sqai judío quiyim ñqo'naxau'a ñi qota'a, chicqochigui nqohin so Espíritu Santo.

Efesios 3:12

Chaqai chicqochigui so Cristo, ca' seuacqachiguiñi quiyim ñqo'naxau'a ñi qota'a, ma' 'ue da qarpi'ỹaxac queso'maxare.

Efesios 3:14

Ca' vichiguiño', ca' ỹim sa'yiichiriñi naua i'cootal ñqouagaxaintacot ñi leta'a so qara'gaxala' Jesucristo,

Filipenses 4:13

Seshit ña'ñaxachiguit ná'ogue, ma' Cristo só'maq ỹa'ue da iquesaxanaxa.

Colosenses 3:17

Chaqai quecá'maq canchaqaica 'viichii loqo'm quecá'maq 'xachii, ca ná'ogue 'viichii, qam quiichigui nqai'ñii da leenaxat so qara'gaxala' Jesús. Quiichigui nqai'ñii so'maxare quiyim 'ỹaañitacot da na'aachicyaxaguii ñi qota'olec.

Hebreos 13:15

Vichiguiño' se qareme quiyim semaqachinqatac ñi qota'a, chicqochigui nqaishinaq so Jesucristo. Ca' dajo quiyim semaqachinqatac ñi qota'a, ca chaqaida dá'maq 'ec qarachitaxanataxanqate saanqatacot ñi'maxare. ¡Semaqachinqatac ñi'maxare, sahoqota'ahi naua qara'qaatqa!

Hebreos 4:15

Ma' só'maq qaretaxaỹaxanqajnec, so'maxare ishit i'xorene' qomi', ma' qaica ca qarquesaxanaxa. Ma' so'maxare qai'neeta 'xoico' na'le da le'xoric, ma' 'xoic da ne'guenaxaquipi ỹoreta'oguit, 'nejme' qomi', qam so'maxare qaica ca lasauaxaset.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

Santiago 1:5

No'm 'ue ca 'óna caqamiri ỹouen ca la'deenec, ca ỹashiila ñi qota'a. Ca ñi'maxare ỹaan, qam se naloqojnañi, chaqai se ỹa'ue ca layiloxo ca qom.

Santiago 5:16

Ca' vichiguiño' queca 'óna caqamiri ra'qaataxanem ca liỹa queca lasauaxaset, chaqai quiñi 'óna nqouagaxaintalec ca liỹa, qaiyi qaỹomaterec qamiri. Da nqouagaxainaxac ca huagaxaraic ỹale ỹaatqajam 'xoic lquesaxanaxa.

1 Pedro 2:5

Ca' qamiri qai'neeta 'ñiitari' ca qa' nca'leetauec, ca 'xañiỹac ñi qota'a quiyim ỹouene' qamiri, ca ro'ueenataxanalo qamiri queca lo'ueenaxanaxaqui se re'xogui, chaqai quiyim letaxaỹaxanqajanqa qamiri na qomyipi quiyim taxaỹa'pegue', quiyim nañaañi'tot ñi qota'a. Ca' 'ỹaañitapego na rachitaxanataxanaxachii se re'xogui, chicqochigui so Jesucristo, acá'maq ishit icoñi'chiguit ñi qota'a.

1 Juan 3:22

Ca ñi'maxare ỹaanema qomi' cá'ogue cá'maq sashiilaxanqaque, ma' ña'xaỹaxanqa'talo naua laqataxaco, chaqai so'ueetqatac ná'maq ỹa'maxarenta.

1 Juan 5:14

Ca' sqaica ca huapigui qouel quiñi qota'a, ma' qomi' sa'deenaq quiyim 'ue ca sashiilaxanqaque quiyim nachiñi'chiguit cá'maq ỹahotaque ñi'maxare, ca' na'xaỹaxanalo qomi'.