Juan 14:12 - La'qaatqa ñi qota'olec Qota'olec & Qota'olec Novita Na Qomyipi

¹² Ỹaatqajam llic da shinac caqamiri, quiyim quecá'maq huelec aỹim, ca ishit ỹo'uet qai'neeta dá'maq so'uet, chaqai paguec lecaic ma'le ca ỹo'uet, ma' ỹim shicpegue' ñi qota'a.

Juan 14:12 Iomraidhean Croise

Mateo 21:21

Ca' so Jesús 'naaco' quesaua'maxare: —Ỹaatqajam llic da shinac caqamiri, quiyim llic 'ue ca rpi'ỹaxaguii chaqai ỹaatqajam 'chichiguiñi nqai'ñii, mesqaidaata dajo shichii 'viichii. Ma' quiyim 'ñiỹapega anajo quemaralec late'ogue': “Qo'ñi' quenajo, 'iriñigui aso huaaxai”, ca' chaqaida 'neeta ipaquichigui dá'maq 'ñiỹac.

Marcos 11:13

Ca idaana'o' aso higo lashi qoỹoqo'ta 'ue ana laue. Ca quepegue', ra'ajnaxana quiyim tegue' chaqa 'ue ca la, qam qaca ca ỹanata higo. Qanaata ana laue, ma' saqa' ỹovita ca laloqo' quiyim 'ue aca la.

Marcos 16:17

Ca' quecá'maq hueeta'gue cá'maq huelec, ca' ỹo'uet ma'le na netanqaipi, 'neetasa': Da ỹeenaxat ro'ootaxana quena ne'ec lecmaxaic, chaqai ỹa'xate' naua ỹoqa'alo na'qaatqa,

Juan 14:28

Ma' shi'gue 'xahitac quiyim shinac quiyim ỹim shic, chaqai quiyim yapil, qaiyi lotqai liỹa salequetauguilo qamiri. Quiyim ỹaatqajam llic yi'xoriñii, ca' netooñii quet quiyim 'yiiñii shicpegue' ñi qota'a, ma' ñi'maxare ỹapacauec lecaic caỹim.

Juan 16:7

Qam llic dá'maq shinac caqamiri: ma' paguec la'maxa quiyim ỹim shic. Ma' no'm sqa shic, ca se novitalo qamiri cá'maq rotauañii chaqai ra'ñaxachii, qam no'm shic, ca ñila' ma'le.

Juan 4:37

Ma' ỹaatqajam llic dá'maq 'naac yi na'qaatec: “'Óna cá'maq danaxan, qam cá'maq liỹa, ca raqataxan.”

Juan 5:20

Ma' ñí'maq leta'a nqo'ta ná'maq llaalec, ca' ỹachaxanem ná'ogue ná'maq ỹo'uet ñi'maxare; chaqai paguec lecaic ma'le ná'maq ỹachaxana, quená'maq ỹo'uet ca re'laxahi qamiri ma'le.

Juan 7:33

Ca co'na'le, ca 'naaco' so Jesús: —Chaqai cocho'qui' salequeta'guita qamiri, ca ma'le, ca sopila ñí'maq yila'.

Juan 7:39

Ca' quedajo ỹahotaque 'naac so Jesús, quiyim quecá'maq huelec so'maxare, ca icoñiguit ma'le so Espíritu Santo. Ma' saqa' novi'o' na'le so Espíritu, ma' so Jesús saqa' ỹovita yi laloqo' quiyim qaimaqachin.

Hechos 10:46

Ma' 'qaatapega ỹoqa'alo naua na'qaatqa ỹa'xate', chaqai imaqachintac ñi qota'olec.

Hechos 16:18

Mashic 'vio' saua na'xata' queda 'neetari', vire'to' na' so Pablo se ỹa'maxaren da 'neetari', ca nqovilque'te, ca nelaxa so le'ec, 'naaco': —Qami' soda'a nagui da leenaxat so Jesucristo, noxoñi'uec cana'maxare. Ca so ne'ec chaqa'ma' eec, ca'e aso'maxare.

Hechos 19:12

vire'ta quiyim qanadou'a so Pablo na colligue', loqo'm ca nooỹac chi queuocau'a nqohin na loshicmaxa. Ime, ca' qaỹodo'oga ca ralolaxaic, ca chaqa'ma' imeuec nqai'en, chaqai inoxonec na ne'ec lecmaxaic.

Hechos 2:33

Ma' ỹahote'e da loic ñi qota'olec ỹaconsop so Jesús, ca qaỹaueguegue da piguim, chaqai icoñiguit quiñi leta'a na Espíritu Santo ná'maq mashic shi'gue ỹachaxantac; ca ná'ogue ná'maq qamiri huañichigui chaqai ná'maq 'xaichigui chicqo'ot ñi'maxare.

Hechos 2:41

Ca sá'ogue só'maq huelec da la'qaatec so Pedro, ca' qanachilaxan. Ca' quesojo na'xa'a, ca' noquiiguec so inoxona'a da na'qaatec 'uo' ca tres mil qomyipi.

Hechos 4:16

Ca' 'nera'po': —¿Chi negue' ca shinqa'teguelo' saua ỹale'? Ma' ná'ogue na na'ñi na Jerusalén ỹa'den quiyim ỹo'ueete' dajo netanec se qaiuanapega, ca' se seshitaq quiyim soqollictaq.

Hechos 4:33

Ca' so nelaatqaipi 'xoic da lquesaxanaxa, ca' eec da na'qaataxanaxac, qaỹa'xatetac so qara'gaxala' Jesús quiyim mashic liỹa nca'leuec. Ca' ñi qota'a 'xoic da lqouagaxa quesá'ogue so qomyipi.

Hechos 4:4

Qam 'xoico' quesó'maq na'xaỹaxantapega da na'qaatec, ca huelec; ca noquiiguec só'maq ỹacoñiguit da na'qaatec, ca 'uo' ca quiyim nodaatec so ỹalliripi, 'uo' ca ỹovi' cinco mil.

Hechos 5:15

Ca vire'ta quiyim qanaueguec na ralolaxaic quenaua nayico, ca' qaillaalgoto naua lomalate' chaqai naua lacanqa. Ca' quiyim que'tegueyi so Pedro, ca ỹovira'ogalo ca la'al saua'maxare.

Hechos 6:7

Ca' da la'qaatec ñi qota'a lama'xa nqo'neetauec, ca 'xoic na icoñiguit da na'qaatec quiyi Jerusalén. Vire'ta na netaxaỹaxanqajnec quena judío laseripi ỹacoñiguit da na'qaatec quiyim pi'ỹa'a.

Hechos 8:7

Ma' 'xoico' so qomyipi 'uo' na le'ec lecmaxaic, qam imeuec. Chaqai co'quena' inoxonec na ne'ec lecmaxaic, ca ỹaualqatagui. Chaqai 'xoic na se ra'ñiigue chaqai na 'iraiquipi qai'neeta imeuec.

Hechos 9:34

Ca' so Pedro 'naapego': —Eneas, Jesucristo romachirec nagui. Ne'laxachirishiguim, nañireta' na qacanqui'. Ca' so Eneas chaqa'ma' ne'laxashiguim.

Hechos 9:40

Ime, ca' so Pedro inoxonaqtec sá'ogue so qomyipi. Ca ỹa'yi'iñi naua le'cootal, ca nqouagaxain. Ime, ca ra'iitalec aso 'aalo shi'gue ileu. Ca 'naapego': —Tabita, ne'laxachirishiguim. Ca so'maxare chi naviqueterec naua nqote', ca co'na' ra'i'tot so Pedro, ca' nqa'xanñi.

Romanos 15:19

chaqai da lquesaxanaxa na netanqaipi chaqai na se qaiuanapega, chaqai da lquesaxanaxa so Espíritu Santo. Ca' quedajo, ca imigui quiyim sa'xat da na'qaatec chicqaugui da nca'laxa chicqo'ot so Cristo, chicqochi'ñi yi Jerusalén chaqai naua'que naua lahil yi 'laua, chi ỹovireta'a yi Ilírico.