Juan 13:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam so Pedro 'naaco': —Qaica ma' quiỹo'isa'pe quet naua ipiaate'. Ca' so Jesús 'naaco': —No'm se squiỹo', ca' mesqai qami' ỹapaxaguinatec.

Juan 13:8 Iomraidhean Croise

Génesis 42:38

Qam so Jacob 'naaco': —Ñi ỹaalec sqai queguelo nqaishine' qamiri. Ma' so lqaỹa José tot qaica, ca ñi'maxare qaiñiita no'ueenañi. Ca no'm 'ue ca lo'maxaset quecá'maq 'iỹa'gue nagui, ca' qamiri rasauaxashichii ma'le najo qo'xoicolec quiyim ileu, ỹalauat ca lachicoxo.

1 Reyes 12:16

Ca co'na' sá'ogue so ỹalliripi quesó'maq llaalqaipi so Israel, co'na' ỹa'den quiyim so nashi se na'xaỹaxan quedá'maq qohinta'pegue, ca' so qomyipi 'naaco': ¡Qomi' sqa saaqapegueu'a so David! ¡Se salecqau'a dá'maq lesallaxa qano'ueenaqta'guit só'maq llaalec so Isaí! ¡Qomi' llaalqaipi so Israel qolaxauo quenaua qara'aate'! ¡Ca' so David chi cochiỹa ná'maq chaqai llaalqaipi! Ca co'na'le, ca' so Israel llaalqaipi quepegueto nauá'maq chi la'aate'.

Salmos 51:2

¡Nquiỹo'irec naua iualoxonqaishico! ¡Yco'taxachi' quenaua ỹasauaxasete'!

Salmos 51:7

Yco'taxachi', qaiyi sco'teeta; yiquiỹo'e', qaiyi paguec ỹim lalagaxaic caca loñi nacañi.

Ezequiel 36:25

Sco'taxate' qamiri quená'maq no'uen huaxaỹaq, ñquiỹouec ná'ogue na rishillii, ñaqata'a ma'le dá'maq 'ñiitari' quena nashiilec nqolaquipi;

Mateo 16:22

Co'na'le, ca' so Pedro ỹauegue'oguiyi so Jesús, ỹoỹootetec. Ca 'naaco': —¡Ñi qota'olec qaica ma' ỹovira'guit quet nqai'en qami' dajo, qami' ỹa'gaxala'!

Mateo 21:29

Qam so llaalec 'naaco': “¡'E', sqa shic!” Qam na' ncopa, ca ỹadalaxat da la'deenataxanaxac. Ca' eec, ro'ueenataxan.

Mateo 26:33

Co'na'le, ca' so Pedro 'naaco': —'Eno'm ná'ogue palac da lpi'ỹaxac caqami', qam ỹim 'e'.

Mateo 26:35

Ca' so Pedro 'naaco': —'Eno'm qayalauat shiqueta'ñi' qami', qam se ñoqolliguit. Ca sá'ogue so lapaxaguinatqaipi dá'ogue da la'qaatec.

Juan 13:6

Qam co'na' shim quiỹo' lapiaate' so Simón Pedro, ca so'maxare 'naaco': —Qami' ỹa'gaxala', ¿qami' vi'saque quiỹo'e' naua ipiaate'?

Juan 13:9

Ca' so Simón Pedro 'naaco': —Qami' ỹa'gaxala', cha'regue mesqai nauate' quet naua ipiaate', quiỹo'e' qai'neete' naua ỹaua' chaqai na ỹaqahic.

Juan 3:5

Ca' so Jesús 'naaco': —Ỹaatqajam llic dá'maq sa'xatem qami', quiyim cá'maq se nañan quiyim qanachilaxan chaqai quiyim qaỹadalaxat queso Espíritu Santo, ca se inoxona'a da lo'ueenataxanaxac ñi qota'a ma' ỹoiquentac ná'ogue najo.

Hechos 22:16

Ca' nagui ¿negue' ca qalañisapega? Ne'laxachirishiguim, qanachilaxan qami', pi'iro'o' da leenaxat so qara'gaxala', qaiyi nco'chiñi qami' quena rasauaxashichi'.”

1 Corintios 6:11

Quedajo 'ue quen na 'neetari' caqamiri quesom. Qam nagui mashic qamiri qaico'taxate', chaqai mashic nañaañiỹot ñi qota'a, chaqai ñi'maxare mashic ỹa'maxarente' qamiri. Qam dajo chicqochigui da leenaxat so qara'gaxala' Jesús chaqai so Espíritu chicqo'ot ñi qota'olec.

Efesios 5:26

Dajo 'ne'tegue, ma' ỹahotaque co'taxateta ná'maq mashic icoñiguit da na'qaatec, ỹahote'e na huaxaỹaq, chaqai naua la'qaatqa,

Deuteronomio 12:12

Ca ma'le, ca' 'viichii ca rqui'ỹaxaguii, iuanchiguilo qamiri ñi qara'gaxala'. Rqui'ỹaxauahi na qachaalaxahipi chaqai naua relaataxahi chaqai naua lotauaripi na netaxaỹaxanqajanqaipi quiyim qaretaxaỹa'pegue' ñi qota'a neetauguilo qamiri, ma' na'maxare se qoỹaanem cá'maq ỹaatqajam lalamaxaret la'a'.

Colosenses 2:18

Mesqai 'xañiigue quiyim rouootaxana'gue cá'maq raviguiguii ná'maq 'ec nañoxojñi neneequesenta chaqai nqouagaxaintacot na nelaatqaipi piguim laseripi. Ma' na'maxare tau'a quiyim ỹo'uet ná'maq se iuanapega chaqai pi'chigui queda nemaqajnaxac quená'maq chi la'deenataxanaxac.

Colosenses 2:23

'Nesa ma' llic quiyim ná'ogue najo 'ec quiyim ỹaatqajam 'ue ỹa'den cá'maq qom ỹo'uet. Ma' ilarelec da nqouagaxainaxac, neneequesenaxac, chaqai ỹo'uet da le'xoric na loshicmaxa. Qam na'maxare se ỹotauan quiyim nollaalta' queda lamaanaxanqachic na loshicmaxa.

Tito 3:5

ca qarca'laxatec. Qam mesqaida quiyim 'ue quet ca ỹa'maqachiguiñi qaro'ueenataxanaxac, ma' ñi'maxare chi qare'xoren. Ca qarca'laxatec chicqochigui nqai'en ca qanachilaxac dá'maq 'em quiyim 'ec dalaxaic qane'xaỹoqsoxoc chaqai dalaxaic qanachaalataxac chicqo'ot so Espíritu Santo.

Hebreos 10:22

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.