Juan 13:5 - La'qaatqa ñi qota'olec Qota'olec & Qota'olec Novita Na Qomyipi

⁵ Co'na'le, ca ỹocorigui so quiỹoxoqui queso huaxaỹaq, ca' quiỹo' naua lapiaate' saua lapaxaguinatqa, ca ỹashiviaxate' naua lapiaate' queso shiviaqataxat nosaatetagui.

Juan 13:5 Iomraidhean Croise

Génesis 18:4

No'm 'maxariñite', ca' sashiilaxanaque ca huaxaỹaq, qaiyi quiỹohi' naua qapiaachiri. Ime, ca' nco'machiuec quena la'al ada qo'paq.

Génesis 19:2

Ca 'naaco': —Qamiri ỹa'gaxalate', ñaq qouaguiic quiyim via'ñi quena pe yi la'a' na relaachiguii. Ca' quiyi ma'le, ca quiỹohi' naua qapiaachiri. Ca' nete'e ma' nete'etam, ca lotqai liỹa quii quecá'maq 'iỹa'gue. Qam saua'maxare 'neraco': —'E', yí, qana'aachic. Chi selaxasqo' quena nayic quena pe.

Génesis 43:24

Ime, ca sá'ogue ỹaueguec queca la'a' so José. Ỹa'ue ca huaxaỹaq, qaiyi quiỹo' naua lapiaate', chaqai ỹa'ue qai'neeta ca loq so 'ashinyipi.

Salmos 51:2

¡Nquiỹo'irec naua iualoxonqaishico! ¡Yco'taxachi' quenaua ỹasauaxasete'!

Isaías 1:16

¡Nquiỹohi, nco'taxachiỹalta'! ¡Loỹoochihe'oga na se no'uen caỹim! ¡Totaxan liỹa 'viichii na se ỹa'maxañi!

Ezequiel 36:25

Sco'taxate' qamiri quená'maq no'uen huaxaỹaq, ñquiỹouec ná'ogue na rishillii, ñaqata'a ma'le dá'maq 'ñiitari' quena nashiilec nqolaquipi;

Lucas 7:38

Ca noỹentac quena lichil so Jesús, ca' quiỹota'pe, quiỹoxonalo naua lachi'. Ime, ca' ỹashiviaqte' naua lichil so'maxare, ỹahote'e na laue. Ca qo'goqota'pe chaqai ỹocorelgoto queso coraxat lo'daxaraic lahita.

Lucas 7:44

Ca' so Jesús ra'ỹo'ot aso 'aalo. Ime, ca' 'naapega so Simón, 'naaco': —¿Qami' peeta'a ra'iisa'a ñijo 'aalo? Cana' ñinoxonougui na qauochi', qam se nañaañi' ca huaxaỹaq lquiỹoqte' naua ichil. Qam añí'maq ñijo 'aalo quiỹo' naua ichil, quiỹoxonalo naua lachi', chaqai ỹashiviaqte', ỹahote'e na laue.

Juan 13:10

Qam so Jesús 'naaco': —Cá'maq chita'gue nachiltac se ỹouen quiyim liỹa nquiỹo, qainauate' naua lapiaate', ma' dá'ogue co'teeta. Ca' qamiri mashic co'chiita, 'eno'm sqai qamiá'ogue.

Juan 13:6

Qam co'na' shim quiỹo' lapiaate' so Simón Pedro, ca so'maxare 'naaco': —Qami' ỹa'gaxala', ¿qami' vi'saque quiỹo'e' naua ipiaate'?

Juan 13:8

Qam so Pedro 'naaco': —Qaica ma' quiỹo'isa'pe quet naua ipiaate'. Ca' so Jesús 'naaco': —No'm se squiỹo', ca' mesqai qami' ỹapaxaguinatec.

Juan 19:34

Qam 'ue so ỹale neetaho quena nouaataxanaq ỹa'deho na lahi caso laqui, ca' ncopaata ca nenoxonec na leuo' chaqai na huaxaỹaq.

Hechos 22:16

Ca' nagui ¿negue' ca qalañisapega? Ne'laxachirishiguim, qanachilaxan qami', pi'iro'o' da leenaxat so qara'gaxala', qaiyi nco'chiñi qami' quena rasauaxashichi'.”

1 Corintios 6:11

Quedajo 'ue quen na 'neetari' caqamiri quesom. Qam nagui mashic qamiri qaico'taxate', chaqai mashic nañaañiỹot ñi qota'a, chaqai ñi'maxare mashic ỹa'maxarente' qamiri. Qam dajo chicqochigui da leenaxat so qara'gaxala' Jesús chaqai so Espíritu chicqo'ot ñi qota'olec.

Efesios 5:26

Dajo 'ne'tegue, ma' ỹahotaque co'taxateta ná'maq mashic icoñiguit da na'qaatec, ỹahote'e na huaxaỹaq, chaqai naua la'qaatqa,

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

Hebreos 10:22

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

1 Juan 1:7

Qam no'm seuqataugui cá'maq re'qojlec, shinqatari' ñi qota'a ma' re'qojlec ca hueeta'ñi, ca hueeta'ñi, ca quiñi 'óna coqomi' ỹaatqajam na'deeta'guit ca liỹa, ca' saua leuo' so llaalec Jesucristo co'taxate' qomi' quená'ogue na qarasauaxaset.

1 Juan 5:6

Da loviraxac so Jesucristo netanec nqohin na huaxaỹaq na' qanachilaxan, chaqai saua leuo' na' qaỹalauat. Se nodaatec na huaxaỹaq, ta'ta'a quiyim na huaxaỹaq chaqai na neuoripi. Ca' so Espíritu Santo chaqaiso só'maq ỹa'xat dajo, ca' ỹaatqajam lliqueta da la'qaatec.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.

1 Samuel 25:41

Ca' aso Abigail ỹa'chi'iñi naua le'cootal, ỹoviraxata'guit na latap na 'laua. Ca 'naaco': —Aỹim chaqaỹim lelaata ca David, qaica ca shinac quiyim squiỹo' naua lichil na lelaatqaipi quiyim chaqaica cá'maq David cá'maq 'naapiguiỹa'.