Juan 13:33 - La'qaatqa ñi qota'olec Qota'olec & Qota'olec Novita Na Qomyipi

³³ Qamiri ỹaalqolqa, totqai shi'gom salequetauguilo qamiri. Qamiri daañitaque ma'le aỹim, qam da shinapega na'le so judioipi, nagui shinapegalo qamiri qai'neeta: Dá'maq saigue, qamiri sqai shichii 'iigue.

Juan 13:33 Iomraidhean Croise

Juan 13:36

Ca' so Simón Pedro inato' so Jesús: —Qami' ỹa'gaxala', ¿negue' cá'maq 'itegue? Ca' so Jesús 'naaco': —Dá'maq ỹim saigue, sqai shichi' quitegue aỹim nagui. Qam ma'le, ca shichi' co'uaachitegue aỹim.

Juan 14:19

Qam sqaỹalqotac, ca' na qomyipi tot iuañiua', qam qamiri huañiỹa ma'le aỹim. Ma' qamiri rca'lliiuec, ma' ỹim yca'leetauec.

Juan 14:2

Ma' yi la'a' ñi ita'a ỹaatqajam 'xoic na na'aateripi. Ma' quet mesqaida, ca shi'gue quet shinapegalo qamiri. Aỹim shic, qam sa'maxajñi ca ra'aari.

Juan 7:36

¿Nega'ỹo' cá'maq reloqo'tegue dá'maq 'naac coqomi': “Daañitaque ma'le aỹim, qam sqa nachiua', ma' sqai shichii 'iigue dá'maq senta'gue ma'le”?

Gálatas 4:19

Qamiri ỹaalqolqa, lotqai liỹa sovirau'a da nqui'ic caqamiri, shintari' aca 'aalo quena' shim ne'qaañi ca llaalec; qam shiquetalco' da i'xoric, vire'to' ma' nalogoñi quiyim 'ñiitari' so Cristo.

1 Juan 2:1

Qamiri ỹaalqolqa, ỹim shiriñi dajo, ca' selatalo qamiri, qaiyi qaica ca ỹo'uet ca lasauaxaset. Chaqai no'm 'ue ca 'ue ca lasauaxaset, qam 'ue só'maq ishit retaqalgoto qomi' quiñi qota'olec. So'maxare chaqaiso so Jesucristo só'maq ishit ỹo'uet ca ỹa'maqachiguiñi.

1 Juan 4:4

Qamiri ỹaalqolqa, qamiri lalamaxarete' ñi qota'a, chaqai mashic qadoxoñiguii na 'maatqaiquipi. Ma' ñi qota'a ñí'maq neetaguilo qamiri paguec lquesaxanaxa quesó'maq na'ỹaapec ỹoiquentac na qom hueetalec ana 'laua.

1 Juan 5:21

Qamiri ỹaalqolqa, rovichii'o' canchaqaica liỹa chi qohinac quiyim qota'olec. Ajá'a, ca' chaqaida 'neeta dajo.