Juan 13:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca co'na' so Judas icoñiguit so pan, ca chaqa'ma' so na'ỹaapec Satanás inoxoñigui añi le'taxanata. Co'na'le, ca qohinapego' queso Jesús: —Cá'maq sham 'viichi', ca chaqa'ma' 'viichi'.

Juan 13:27 Iomraidhean Croise

1 Reyes 18:27

Ca co'na' na'xa'a lavinñi, ca' so Elías chi i'neetac so qomyipi, 'naaco' quen: —Paguec nichiñigue da raualaxaguii, ma' qamiri 'ñiỹac quiyim qota'olec ca'maxare. Ma' sqoue quiyim 'ue ca queloltapega, loqo'm 'ue ca imeeteguelec, loqo'm ỹouoiguiri'ca. ¡Chaqai no'm laqata, ca' qanqo'xon!

Proverbios 1:16

ma' da llicyaxac taỹa'a yi se no'uen; ¡'xoic da lquipitqachic quiyim ỹocoraxata'pe caua neuo'!

Eclesiastés 9:3

Dajo dá'maq se no'uen quená'ogue ná'maq 'ue quena 'laua: ná'ogue qaidaata dá'maq taỹa'gue. Chaqai da liỹa quiyim da la'deenataxanaxac na qom no'qaachigui quena se no'uen; queeta'pegue' dá'maq quiyim qaica ca ỹa'den quedá'ogue da nachaalataxac; ca quena' ncopa, ca' ¡ỹovita yi napalyipi!

Mateo 12:45

Ime, ca' pile'tegue que'ogalo saua siete liỹa' paguec qa'uaiqa queso'maxare. Ca saua'que tarougui so ỹale. Ca na'le, ca' so ỹale paguec la'aaxa dá'maq 'neetari' quecá'maq 'auaxaic no'ueenataxac. Ca' chaqaida 'neeta ma'le najo hualoxonaq qomyipi.

Mateo 4:10

Co'na'le, ca' so Jesús 'naaco': —Mo'e', oquire'e aỹim, qami' Satanás, ma' naua 'auaxaqa naneresañi na'qaatqa 'neracsa': “Maqachiñi' ñi ra'gaxalachi' qota'a, ca' qaiñiita 'ueenataxañitot.”

Marcos 6:25

Ca' aso nequetegaxai pila'a yi neeta'ñi so nashi. Ca 'naaco': —Sahotaque quiyim nagui nañaañirim ca lqahic ca nachilaxanataxanaq Juan, hueetagui nqai'ñi' ca peguet.

Lucas 22:3

Ca' so na'ỹaapec inoxonougui so Judas, da liỹa leenaxat Iscariote. So'maxare chaqaiso so 'óna quesaua doce lelaatqaipi so Jesús.

Juan 13:2

Ca' so na'ỹaapec shi'co' ishichigui añi le'taxanata so Judas Iscariote, llaalec so Simón, da la'deenataxanaxac quiyim ỹaano so Jesús. So Jesús ỹa'deenta quiyim chicqo'ot ñi qota'olec, chaqai quiyim pila ñi'maxare, chaqai quiyim ñí'maq leta'a ỹaanem dá'ogue da lquesaxanaxa. Ca co'na' que'eeta'pe, ca' so Jesús ne'laxashiguim quiyi nqui'ỹaxala', ca naqat so napoxoqui, ca' nosaachigui so shiviaqataxat.

Juan 13:28

Qam quesó'maq que'eetac, reloqotalec yi nqui'ỹaxala', qaica ca ỹa'den chi'neco' ma' qohinapega dajo.

Juan 6:70

Ca' so Jesús 'naaco': —¿Ỹim se ica'acse'o' qamiri doce? Qam 'óna ñi na'ỹaapec caqamiri.

Hechos 5:3

Qam so Pedro 'naaco': —Ananías, ¿chi'neco' ma' inoxono' so na'ỹaapec cañi re'taxanata'e' quiyim ỹo'uet quiyim na'majñitot so Espíritu Santo, ca sectaqchirigui aca laseuete so na'lauahi?