Juan 13:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca no'm ỹim napaxaguinataxanaq chaqai na'gaxala', qam squiỹo' naua qapiaachiri, ca nagui no'uen quiyim caqamiri quiỹo' naua lapiaate' ca liỹa.

Juan 13:14 Iomraidhean Croise

Juan 11:2

Ca' aso María lqaỹo' so Lázaro só'maq ralolaxaic, chaqaso' asó'maq ỹocorelgoto' na'le naua lapiaate' so Jesús queso coraxat lo'daxaraic lahita, ca rashiviaqataxana na laue.

Hechos 20:35

'Eda da chaqai'en ỹapaxaguinataxanaxac caqamiri quiyim 'ueenataxañii chaqai tauañii na 'ue ca louenaxanaxa. Sqai 'laxachii da la'qaatec so qara'gaxala' Jesús, na' 'naac: “Paguec la'maxa quecá'maq rachitaxanataxan, quecá'maq 'ue ca icoñiguit.”

Romanos 12:10

Ca' ỹaatqajam ne'xoriñiỹata', 'ñiitari' caua nalamaxarete' nqaỹa'. Qaica ca qaỹapacqajnauec, ca' quiñi 'óna ỹa'maxate'tegue ca liỹa.

Romanos 12:16

Ỹaatqajam necoñii'jta' queda nachaalataxaguii. 'Neeto' qamiri nemaqajnaxahi', ta'ta'a quiyim naloqojñita'ta' da re'xoriguii. 'Neeto' lotqai 'neetapigui qavillii quiyim qamiri 'deenaxanqachaqaqa.

1 Corintios 12:3

Vichiguiño' nagui sahotaque quiyim 'yiiñita queca 'óna retaqa nqohin queda lquesaxanaxa so ne'Espíritu ñi qota'a, ca'maxare se ishit quiyim 'naac: “¡Qaỹalauat so Jesús!” Chaqai qaica ca ishit 'naac: “¡Chaqaiso so Jesús ỹa'gaxala'!” quiyim sqaiso so Espíritu Santo retaqa nqai'en ca'maxare.

1 Corintios 8:13

Vichiguiño' no'm aỹim chicqochigui quiyim ca ỹaqaỹa 'ue ca lasauaxaset sauaxat ca na'ic quiyim sa'ic, 'maxaraic quiyim tot sa'ic ca la'at, qaiyi qaica ca 'ue ca lasauaxaset.

2 Corintios 10:1

Aỹim Pablo, ñi'xoresentouguilo qamiri, sahote'e da neneequesenaxac chaqai da lqouagaxa so Cristo. Qohinaco' quen quiyim aỹim neneequesenaxai quena' salequetauguilo qamiri, qam ỹaatqajam quesaxañi naua ỹa'qaatqa quena' qoỹoqo'ta aỹim.

2 Corintios 8:9

Ma' shi'gue 'yiiñii da lqouagaxa so qara'gaxala' Jesucristo. Ma' so'maxare ỹaatqajam nesallaxanec, qam ne'xoresentam, ma' paguec da le'xorenataxanaxa caqamiri, qaiyi qamiri nesallaxanqa, chicqochigui dá'maq le'xoric so'maxare.

Gálatas 5:13

Ma' qamiri ỹaqaỹa' na' qaroỹaxanalo qamiri, qam ỹaatqajam qaỹahotaque qarosohiuec. Ta'to'o' no'm se nquipichilec dá'maq quiyim mashic qaỹosoorec qamiri, no'm pacqajñiỹauec quiyim quiita'pegue' da chi no'ueenataxac na qom. Ta'to'o' quiyim npa'xañii quiyim quiñi 'óna la'ac ca liỹa quedá'maq 'ñiitari' quiyim ne'xoriñiỹata'.

Filipenses 2:11

chaqai qaiyi ná'ogue ỹa'deena'a chaqai 'naac quiyim so Jesucristo ỹaatqajam na'gaxala', quiyim qaimaqachin ñi qota'olec.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

1 Pedro 4:1

Ca' vichiguiño' quedá'maq 'neeto' na'le da le'xoric so Cristo quena loshicmaxa, ca' qamiri qai'neeta na'maxachitañi quiyim 'ue ca re'xoriguii. Ma' cá'maq ỹovirau'a ca le'xoric quena loshicmaxa, ca ỹalat na nasauaxaset,

1 Pedro 5:5

Ca' chaqai 'neete'm, qamiri ne'naqa, ỹaatqajam na'xaỹaxañii'ta meca 'naac na qo'xoiquipi. Chaqai quená'ogue na qom qaica ca napacqajan queca liỹa. Ta'ta'a quiyim neneequesentecta', ma' naua naneresañi na'qaatqa 'neracsa': Ñi qota'a quepaxat ca nemaqajnaxai, qam nqouaguegue ỹotauan ca neneequesenaxai.